قراءة رواية عسل مالح الجزء الثالث كاملة

تنشر حصريًا على مدونة رواية وحكاية قبل أي منصة أخرى

قراءة رواية عسل مالح 3

من روايات وقصص 

الكاتبة أسماء عبد الهادي

الفصل الأخير

1

تم النشر بتاريخ الإثنين

 11/12/2023

سبقها ببضع خطوات ليهم هو بفتح الباب بينما يشير لها للولوج للداخل 

ادخلي چوا يا فاطمة لحد ما اشوف مين همي 

رمقته فاطمة باستياء ولم تتحرك من مكانها لانها تعلم جيدا من بالباب

ليهتف هو بحنق 

يابوي على الراس الناشفة داي يا ناس ادشدشها تاني ولا احب عليها ولا اعمل فيها ايه داي 

لم تستطع فاطمة كبت ضحكاتها وقالت 

افتح يا راضي والله خللوا على الباب افتح 

راضي بحنق 

هفتح چتك خابط في نافوخك 

وبالفعل ما ان فتح الباب حتى استمع لأصوات الزغاريد تعلو في المكان وتصدر من الجميع سواء من والدة راضي واخته او من الحجة بهية ونوارة 

ما ان ابصرت فاطمة امها حتى ركضت نحوها تحتضنها بشوق

اما ست الدار اتوحشتك اوي يا اماي 

لتهتف بهية بحنان 

كيفك يا نور عيني غصب عني تأخري عنك يا بتي انتي اكيد عرفتي بالظروف اللي مرينا بيها لكن اني كنت مطمنة عليكي منيح لانك كنتي في كنف راچل صوح 

وضع راضي يده ع صدره وقال بامتنان 

الله يكرم اصلك يا حماتي شهادة وربنا اعتز بيها امنورين كلياتكم ادخلوا ادخلوا الدار داركم 

لتقول والدة راضي 

ايه الجمال والحلاوة داي يا عروستنا الجميلة.. افرح يا واد يا راضي لو لفيت العالم كلاته ما هتلاقي زينة كيف فاطمة ربي يحرسها من العين 

هنا استغل راضي ما قالته امه ليمد يده ليحيط بها عنق فاطمة وهو يقول

مش أكده يا ماي أني اكتر واحد محظوظ في العالم 

لتحاول فاطمة الابتسامة وهي تقول هامسة 

نزل يدك لاحسن اقطعهالك يا راضي 

راضي وهو يبتسم ويقول هامسا 

اشش اسكتي مش لازم نصبغ الدور امنيح احنا عرسان يا بت حتى الحلم معايزانيش احلمه 

لتهتف فاطمة بتبرم 

الحلم ديه وانت نايم مهواش وانت صاحي 

ليهتف راضي بعزل 

ماله واني نايم واني صاحي حد يچاور القمر ديه ويقول لاه 

فاطمة بانزعاج 

وبعدين بقااا

هنا قالت والدة راضي 

قوليلي يا حبة عيني الواد راضي عامل امعاكي ايه ولو كان امزعلك قوليلي واني املصلك اودانه اللي كاملة كيف المكروفنات داي 

رفع راضي حاجبه وقال باستياء

امنورة يا ما  يااللي رافعة راسي وسط الخلق.. امنورة 

لم تستطع فاطمة كبت ضحكاتها 

ليهتف راضي بحنق 

الكلام على كيفك انتي ها 

قالها والتفت للخارج ليرحب بالرجال الذين تركوا النساء يصعدون اولا 

يا اهلا وسهلا بالحج عيسى الدار نورت وزادنا الشرف كمان اتفضلوا يا رچالة اتفضلوا 

ليدلف كل الرجال لداخل الدار بينما تدلف النساء لأحدى الغرف ليجلسوا على راحتهم 

وبعد الزيارة التي مرت سريعا وذلك لأن زيارة الاحباب ينقضي الوقت معهم بسلاسة دون أن تشعر 

هتف راضي برضا 

براوة عليكي يا بت يا فاطمة عرفتي تمثلي دور العروسة صوح 

لتهتف هي بحنق 

وانت مضيعتش الفرصة واستغليتها احسن استغلال مش اكده 

حك راضي ذقنه النابتة بعض الشىء 

اومال ديه حاجة تفوتني بردك اومال لازمن استغلها

 تذكرت فاطمة اخيها فقالت

صحيح كنت عايزة اسألك خوي عز مچاش امعاهم ليه أني اتوحشته جوي 

ليهتف راضي ضاحكا 

تلاقيه متعاقب اني هدق عليه اشوف الحكاية داي

لتهتف فاطمة باهتمام 

كلمه اهنه عايزة اسمع هتقولوا ايه 

ليهتف راضي 

ماشي اجعدي جاري اهنه 

وما ان هاتف راضي عز حتى استمعه يقول 

ايوة يا راضي خير انت ابخير واخبار فاطمة ايه طمني عليها

لتهتف فاطمة بصوت عالي 

خوي عز عامل ايه اتوحشتك يا غالي 

ليهتف راضي بسخرية قبل أن يجيب عز 

ايه يا واد عمي مجتش ليه اوعاك تكون متعاقب اياك وممنوع من الخروج من الدار كيف الحريم 

ليغتاظ عز من حديثه ويقول متجاهلا اياه 

واني اتوحشتك اكتر يا بت ابوي طمنيني عنك الواد راضي عامل ايه معاكي وانتي كيفك امعاه 

فاطمة كل شىء تمام يا خوي ناقص بس شوفتك 

ليهتف راضي بغية اثارة غيظ عز 

ما قلتلك يا فاطمة عز كان متعاقب علشان اكده معرفش يخرج وياجي امعاهم 

هتف عز وهو يكز ع اسنانه 

عايش ايه دلوك يا راضي بدل ما أجيلك أحش صف اسنانك ونرتاح 

ضحك راضي وقال 

لو جدع  اعملها وتعالى لكن هتاجي ازاي يا ولداه وانت متعا...

قاطعه عز بانزعاج شديد 

فاطمة لمي چوزك ديه بدل ما أچيله 

فاطمة

 سيبك منيه يا عز ولا تزعلشي نفسك يا خوي 

راضي 

لاه سيبيه يعترف انه متعا...

قاطعة عز بعصبية شديدة 

ايوة متعاقب اكده ارتاحت يا بو انت اكده اتبطيت اعمل ايه لاخوي حمزة اللي مضيقها عليها وخانقني بتحكماته لاه وابوي اموافقه على كل اللي عيعمله فيا 

راضي بشماته 

تستاهل والله اللي عيعمله فيك حمزة اقل واچب امعاك 

عز بضجر

ما بلاش انت يا زفت علشان مكدركشي بس تعرف كله يهون علشان نادين أني هتحمل الدنيا كلياتها المهم اتكون ليا.. صحيح يا فاطمة متعرفيش اي اخبار عنها 

فاطمة

لاه طبعا اعرف نادين بتكلمني كل يوم تطمن عليا 

سرت اسارير عز الدين وهتف بفرحة 

والله صحيح يا بت يا فاطمة طب هيا عاملة ايه واخبار صحتها ايه اني قلبي متوغوش عليها 

فاطمة اطمن يا خوي هي منيحة الحمد لله ومزاجها اهناك عال العال كماني 

عز بانشراح 

يااه طمنتي قلبي يا بت ابوي وريحتيني ربي يشفيها ويعافيها 

ليهتف راضي بمناغشة 

يا عيني على اللي حب ولا طالشي يا عيني، صدق صعبان عليا جوي شوفتك اكده 

ليهتف عز ببرود 

مهردش عليك علشان فاطمة قاعدة ها ولاحظ اني صابر عليك يا زفت الطين انت، اقل ولا تهكرش مزاجي وسيبني فرحان بالأخبار الحلوة عن نادين 

ضحك راضي وانهى الاتصال مع عز 

❈-❈-❈

في منزل احمد المرشدي 

كانت تؤدي تمارينها بنفس متحمسة مقبلة على الحياة متمنية الشفاء العاجل 

فاستمعت امها تقول لأبيها 

اختك وبنتها جايين يزورونا مصيبة ليكونوا عرفوا يا احمد ان البنت اتطلقت

ليهتف احمد بلا اهتمام 

وايه المشكلة يا فاتن ما يعرفوا هو الموضوع دا بيستخبى ما مصيرهم هيعرفوا في يوم من الايام 

فاتن بوجل 

لا انا معملتش كل دا علشان الاقي حد يشمت في بنتي تاني، بص مش ضروري يعرفوا انها اتطلقت دلوقتي ، عادي جاية زيارة لأهلها وتغير جو عادي خالص وبتحصل 

لتترك نادين ما في يدها وتتوجه حيث تجلس امها وابيها وهي تقول باستياء 

بردو يا ماما هنفضل نهتم لكلام الناس هنكرر نفس الغلط تاني، ارجوكي كفاية بقا انا مش مستعدة اكرر نفس الغلط اللي عملته مرة تانية علشان خايفة من كلام الناس 

هنا اغرورقت أعين فاتن وقامت باحتضان ابنتها 

حقك عليا يا بنتي بس والله غصب عني مش عايزة حد يقول كلمة يتحرق بيها دمك مش هتحمل عليكي اي حاجة انتي عارفة انتي بالنسبة ليا ايه .. اللي بيجرالك بيجرالي اضعافه مش عايزة اشوفك حزينة او مكسورة 

لهتف نادين بقوة وثقة بالله 

ان شاء الله مفيش حزن ولا كسر بعد النهاردة يا ماما انا الحمد لله راضية بكل حاجة وقدرت استعيد نفسي كويس اوي وبصراحة بعد اللي عمله معايا عز جابلي طاقة ايجابية واقبال على الحياة اكتر بفضل الله يعني متخافيش نادين بنتك رجعت تاني لا رياح تهزني ولا موجة تحركني اطمني

ابتسمت فاتن وقبلت وجنتي ابنتها 

بينما قال احمد بفرحة بابنته 

ربنا يكمل شفاءك على خير يا بنتي يارب 

توجهت نادين لوالدها وقبلته هو الآخر 

ربنا يخليك لينا يا بابا يا حبيبي

ليأتي نبيل خارجا من غرفته 

الجو العائلي الملىء بالأحضان دا انا مليش نصيب فيه ولا يكونش انا ابن البطة السودا ولا ايه 

لتمد كل من نادين وفاتن أيديهما ويحتضنانه معا

فيرن جرس الباب 

ليهتف نبيل 

ودا مين ابن الكئيبة اللي جايلنا في لحظة شاعرية زي دي 

ضحكت نادين 

ههه بس يا بني ممكن تكون سمر قوم افتحلها بسرعة 

ليهتف نبيل وهو يتوجه للباب 

لا ان كان سمر فهي تشرف ف اي وقت بصراحة حقها والبيت بيتها 

لكنه ما ان يفتح فيفاجىء بسمة وخالته 

فتقول خالته 

ازيك يا نبيل عامل ايه يا حبيبي

نبيل بهدوء 

ازيك يا خالتي منورة اتفضلي 

فيستمع لصوت بسمة التي جعلته رقيقا عذبا 

ازيك يا نبيل اخبارك ايه 

نظر نبيل لبسمة ليجدها ترتدي الأنيق من الثياب وكأنها ذاهبة لحفل للتو ... ظن انه سيهيم بها كما كان يفعل ، لكن لم يكن لرؤيتها اي تأثير يذكر عليه كما كان زي قبل 

فقال ببرود 

اهلا يا بسمة اتفضلي ادخلي منورة يا بنت خالتي 

ليدلفوا للداخل ويجلسوا سويا ويتحدثون في احاديث جانية كثيرة ونبيل صامت لا يتكلم ولا يشارك معهم في اي حديث 

بسمة 

ايه يا نبيل ساكت ليه 

نبيل لا عادي ولا حاجة 

بسمة ع فكرة انا ااا

وقبل ان تتحدث هي هم نبيل واقفا وقال 

اا طب عن اذنك يا خالتي افتكرت مشوار مهم لازم اعمله .. خدي راحتك يا بنت خالتي البيت بيتك

لتهتف بسمة وهي تتوجه مسرعا نحوه

استنى يا نبيل انا كنت عايزة اتكلم معاك 

نبيل وهو يتوجه للخارج

بعدين بعدين يا بسمة مش فاضي دلوقتي

لتكز بسمة على شفتيها بغيظ

ماشي يا نبيل انا وانت والزمن طويل

❈-❈-❈ 

رآها تنظف المطبخ وتعيد كاسات العصير إلى مكانها فاقترب منها قائلا بمكر 

فاطمة ..

لم يجد منها اي رد فكرر نداءها 

فاطمة...

انتبهت له فلفت بوجهها وقالت 

ها ايه يا راضي انت بتنادي عليا 

امتعض وجه راضي وقال 

لا بنادي على امي كنتي سرحانة في ايه يا بت انتي  بنادي عليكي من الصبح 

كشرت فاطمة وقالت بوجه عابس 

يووه وانت مالك سرحانة ولا مسرحناشي عايز مني ايه 

راضي 

لاه وكتاب الله السرحان دي مكانش طبيعي قري واعترفي كنتي سرحانة في ايه بدل ما أجي أجيب راسك افضيه واشوف بنفسي ايه اللي چواه متأكد اني مهلاقيشي غير صواميل مصدية مش اكده 

هتفت فاطمة بدلع مصطنع 

ولما انت عارف اكده بتسأل ليه وعابز مني ايه يا راضي دلوك 

راضي ببعض الحنان 

مالك يا بت اكده فيكي ايه اني زعلتك في حاچة لا سمح الله واني معارفشي 

فاطمة 

لاه لا سمح الله لسانك عينقط شهد الحاله مبحدفشي دبش 

راضي 

لا ناهيكي يا بت عن لساني اللي هو ما هو الا ردة فعل عن تصرفاتك.. ما علينا المهم مالك يا فاطمة فيكي ايه يا بت الغالي 

فاطمة بهدوء 

مفيش حاچة يا راضي .. كنت عفكر في حال عز خوي ونادين الوضع امعاهم متأزم على الآخر 

ليهتف راضي بينما يقترب منها 

لاه سيبك من عز اخوكي ديه قرد مسلسل عيعرف يخرج منيها كيف كل مرة ركزي انتي بس افحال راضي وفاطمة.. حالهم اللي لا يسر عدو ولا حبيب ديه.. انتي معايزاشي ترحمي قلبي الغلبان ديه 

هتفت هي بعبط 

وانت حالك ماله يا راضي ما انت واكل شارب نايم ولا شغلة ولا مشغلة عايز ايه تاني 

مط راضي شفتيه بضجر فهي لن تفهم أبدا ولن تشعر به 

اممم بقا اكده حيث كدا بقا اقولك اني من بكرة هعاود شغلي وارضي بدل الكعدة كيف الحريم اكده، ها اكده مبسوطة 

فاطمة 

والله اعلم اللي يلد عليك اني ممنعاشي 

راضي 

طب نستيني أني كنت چاي أقولك ايه 

فاطمة 

ايه خير في حاچة چدت! 

راضي 

خالتي وبتها چايين يزورونا النهاردة وعايزك ترحبي بيهم كيف ما بتعملي وتظهري دلالك بزيادة عن اللازم 

رفعت فاطمة احد حاجبيها وقالت 

غريبة ليه هتقول أكده

راضي بمكر 

اصلهم مش اضيوف عاديين... دولن كانوا حاطين عنيهم مني وخالتي كانت عترسم على انها تچوزني بتها  أما بت خالتي داي كانت تتمنالي الرضا ارضا بس أني كبرتلهم كلياتهم 

لتهتف فاطمة بحنق 

ليه كنها انطست في عقلها اياك ملقتش غيرك علشان تحبه ؟؟ 

رغم ان كلامها ازعج راضي الا انه هتف ببرود 

القلب وما يريد يا بت عمي، يعني مثلا أني منيش عارف ايه اللي حوصل وخلاني أسيب الدلال اللي كت هعيش فيه  وياها واحب واتچوز بجرة زيك... النصيب غلاب يا بت عمي 

مشرت بأنيابها وقالت بضيق 

راضي قلتلك متقولش بجرة داي 

راضي بابتسامة صفراء 

طب تحبي اناديكي بإيه يا غالية چاموسة تمشي امعاكي ؟ 

لتغتاظ فاطمة وتمسك بالكأس الذي بيدها وتشربه بالماء الذي به 

رااااضي!! 

ليهتف راضي ببرود وهو يقول بتودد 

عيون راضي وقلبه كماني، ما تحسي بيه بقا يا بت يا فاطمة ولا انتي قلبك حچر اكده مهيلينش 

فاطمة 

وبعدهالك يا راضي متنساش اتفاقنا 

راضي بانزعاج 

لاه مناسيشي ولا حاجة واديني متنيل صابر اهو بس قلت يمكن انتي غيرتي رأيك ولا حاچة 

فاطمة 

لاه مهغيروش فمتتعبش حالك 

راضي 

طيب انتي الخسرانة خلي غيرك تلطشني منيكي... اهو جرس الباب عيخبط تلاقيهم هما... همي استعدي علشان تستقبليهم 

ذهبت فاطمة لتغير ملابسها بأخرى مناسبة لاستقبال الضيوف 

بينما استقبل راضي خالته وابنة خالته 

يا اهلا ومرحبا يا خالة نورتي دار ولدك يا حبيبة 

خالته 

الدار امنورة بصاحبها يا راضي يا حبيبي كيفك وكيفها مرتك 

راضي 

الحمد لله ماشي الحال يا خالة... ايه يا بت يا مهجة مالك واقفة ساكتة ومكسوفا اكده يا بت كنك عتتحرچي مني اياك.. عاملة ايه يا بت والله ليكي واحشة 

مهجة 

اني الحمد لله منيحة بشوفتك يا سي راضي ان شالله تسلم وتعيش يارب ويسعدك ويهنيك 

راضي بانتشاء 

الله على الدعوات الحلوة داي تسلميلي يا بت خالتي 

مهجة 

خد الطاجن ديه .. ديه طاجن عكاوي من اللي عتحبه عاملاه ليك ابنفسي لاني عارفة انك عتحبه من يدي

راضي بفرحة 

والله فيكي الخير يا مهجة كتر خيرك صدق أني كنت متوحش عمايل يدك داي چوي تسلميلي يا بت 

هنا اتت فاطمة وانزعجت من الحديث الدائر بين راضي ومهجة لكنها لم تبين ورحبت بهم 

اهلا وسهلا يا خالة نورتي 

الخالة 

اهلا بعروستنا الچميلة كيفك يا بتي ان شاء الله تكوني مبسوطة راضي راچل وسيد الرچالة ونص بنات البلد عيتهافتوا عليه 

ليهتف راضي بسماجة 

وطبعا النص التاني متچوز علشان متقوليش اشمعنا النص بص 

لتهتف مهجة بلهفة 

انت ألف مين يتمناك يا سي راضي هو فيه زييك اتنين 

راضي 

وربنا انتي عتفهمي يا بت يا مهجة مش زي ناس 

قالها ومال على فاطمة التي رمقته بضيق ولم تعلق 

وبعد انتهاء الزيارة 

جلس راضي يتلذذ بطاجن العكاوي وهو جالس أمام فاطمة 

يابوووي على الطاجن ديه وطعامته بيودي الواحد في حتة تانية خالص تسلم ايديها البت مهجة داي عارفة طلبي وعتعمله من غير ما اطلبه 

لهتف فاطمة بحنق 

شايفاك مهتم بيها قوي يعني دونا عن قرايبك كلياتهم، كنت بتكون متحفظ امعاهم اشمعنا داي يعني 

راضي 

لاه مهجة داي في حتة تانية خالص 

فاطمة 

يا شيخ وان كانت اكده متچوزتهاش هي ليه 

راضي بمكر

انتي عايزاني اتچوزها ... اوماله الشرع حلل اتنين وتلاتة واربعة كماني مفيش أي مشكلة عندي..

لتقف فاطمة وتهتف بحنق 

ايه انت عايز تتچوز عليا يا راضي!! كانت يتقطع يدك ورچليك قبل ما تعملها.. لاه انت تطلقني الأول وبعدين تعمل اللي يلد عليك 

راضي ببرود 

اقعدي جاتك خابط في لسانك يعني اني عارف اتچوز اولاني علشان اتچوز تاني يا شيخة اتنيلي انتي راخرة أني قايم انام وانتي اغسلي الطاچن ديه منيح وحطي فيه حلويات اكده علشان ابعته لخالتي تاني 

قالها وتركها وذهب لغرفته

❈-❈-❈

غادر من بيته بغير وجهة غير انه يريد ان يبتعد قدر الامكان عن المكان التي يجمعه ببسمة ابنة خالته 

انا مالي اتخنقت ليه كدا اول ما شوفتها رغم اني خلاص خرجتها من حياتي ومتأكد انها مبقتش فارقة معايا خلاص 

لم ينتهي من حديثه حتى مد بصره فرأى سمر أمامه فانشرح قلبه بسعادة لم يكن ليعرف لها مثيل من قبل 

فتلقائيا أخذه قدماه نحوها وهو يقول باسما 

سمر ازيك عاملة ايه 

رددت سمر بهدوء 

اهلا يا نبيل اخباركم ايه واخبار نادو ايه

نبيل وما زال ع ابتسامته 

احنا كلنا بخير طالما انتي بخير، ايه مجتيش النهاردة لنادو يعني انتي متعودة تيجي كل يوم 

سمر بهدوء ايضا 

اها فعلا بس النهاردة مش فاضية وكدا جايلنا ضيوف وكمان انا عرفت من نادو ان خالتك وبنتها جايين عندكم فقلت مش هينفع اجي النهاردة 

نبيل 

لا دا انتي تيجي في اي وقت انتي يا بنتي بقيتي صاحبة بيت خلاص 

سمر 

الله يكرمك يا نبيل شكرا.. اا عن اذنك 

نبيل لم يريدها ان ترحل من امامه بهذه السهولة 

ااا طب انتي محتاجة حاجة تحبي أعملهالم ع فكرة انا مورييش حاجة وبتمشى كدا بضيع وقت 

سمر باستغراب

ليه طب والضيوف اللي عندكم 

فهم نبيل مقصدها وقال 

لاا مبقوش مهميش في حياتي خلاص لاني خلاص اكتشفت الأهم اللي مكنتش واخد بالي منه والحمد لله اديني شوفته بعد ما ربنا نور بصيرتي 

سمر بهدوء تام 

ربنا يسعدك يا نبيل معلش انا لازم امشي علشان متأخرش 

نبيل 

ولو اني مش عايزك تمشي بس اتفضلي 

سمر 

بتقول حاجة يا نبيل 

نبيل 

ااا لا سلامتك يا سمر في امان الله

❈-❈-❈

في صباح اليوم التالي 

ارتدى راضي ملابسه وخرج ليتناول الفطور مع فاطمة وهو يقول 

فاطمة اني هندلى على الارض ومهرجعشي الا وقت العصرية رايداشي مني حاجة اچيبهالك

فاطمة 

لا شكرا الدار فيها الحمد لله كل اللي ممكن احتاچه 

راضي 

طيب الحمد لله بردك لو احتاجتي حاچة دقي عليا هتلاقيني قدامك طوالي هسيب كل اللي في يدي وهتلاقيني اهنه فوريره حتى لو قلتيلي رايداك انت يا راضي يييه هو اني يفديني الساعة بس انتي قوليها بس 

لم تسطتع فاطمة كبت ضحكاتها وقالت 

هههه ماشي يا راضي لما احتاج حاچة هكلمك 

استغرب راضي ضحكها 

واه هقول نكت اياك علشان تضحكي ولا عتتمسخري عليا 

نهضت فاطمة وهي تسحبه من يده ليقف هو الاخر 

قول قول يا راضي شوف اللي وراك يلا بطل ملكعة هم يلا 

لينظر راضي إلى يدها التي تمسك بيده 

الله على مسكة الايد داي وربنا لو هفضل اكده طول اليوم ما همل ولا هكل يا عسل انت 

لتسحب فاطمة يدها بسرعة باستحياء وهي تقول بغية رفع حرجها منه 

انت شكلك فايق ورايق النهاردة يا راضي على فكرة حمزة خوي مهيحبش التأخير ديه 

راضي بابتسامة هائمة 

ومين ميبقاش رايق وهو جار القمر ديه كله قدامه .. وبعدين خوكي حمزة يتمنالي اتأخر بس انول رضاكي انتي بس، قشري انتي بس وهتلاقيني شبيك لبيك 

ارتبكت من كلامته فامسكت بطبق من على الطاولة وقالت 

اا اني هروح اوديه الحمام 

لينخرط راضي في الضحك على ارتباكها 

هتودي الطبق في الحمام ليه يا حزينة هو المطبخ قصر امعاكي في حاچة 

لتضحك فاطمة وهي تضع يدها على فمها 

ليهتف راضي بعشق 

اموت اني في البسمة اللي عتنور حياتي داي 

لتهتف هي بتلقائية 

لا بعيد الشر عنيك يا راضي 

ليقترب منها راضي بمكر 

خايفة عليا يا حبيبتي! 

ليجدها تفر من امامه نحو المطبخ 

ليتنهد هو بسعادة

يارب.. يارب قرب البعيد يارب

❈-❈-❈

ذهب إلى الأرض ليبصر عز الدين يحمل فأسه ويعمل والعرق يتصبب من جبينه 

فقال راضي مبتسما منتشيا في صديقه 

يا عيني على الحلو لما تبهدله الأيام صدق لايق عليك شغل الفلاحة ديه أني بقول تسيب چامعتك وتجعد في الأرض اهنه أفضل خدوا ايه بتوع الكليات يعني غير وچع القلب 

رفع عز الدين رأسه واعتدل في وقفته وقال 

اهلا يا خويا انت لسه چاي ناموسيتك كحلي اتأخرت ليه 

راضي وهو يعدل من جلبابه 

لاه ما اني عريس واتأخر براحتي بقا يعني أچي اكده امشط على السريع واعاود لعروستي طوالي 

رفع عز الدين حاجبه باستنكار

يا راچل عليا أني بردك قال عريس قال.. شمر يا خوي وتعالى ساعدني يلا 

راضي وهو يذهب لأقرب شجرة ويجلس اسفلها 

لاه ما هو اني مقلتلكشي ان حمزة طلب مني اني أكون مشرف عليك اتأكد انك قايم بعملك على أكمل وچه ولا لاه وبصراحة اكده أني شايفك متقاعس وعمال تضيع وقت وديه مهينفعش انت چاي اهنه بتشتغل باليومية يعني هتأخد أجرتك نظير عملك فين شغلك ديه .. هم يا واد واشتغل زي الناس بدل ما انت عافل أكده وحتى ماسكة الفاس غلط يابوي على الرچالة الخرعة يا ناس 

ليهتف عز بانزعاج 

اه انت متفق عليا انت وحمزة بقا مش اكده 

راضي 

هو اكده بالظبط ومش هنسيبوك الا لما تعرف ان الله حق وحالك المايل ديه يتعدل يلا يا أجير اخلص ورانا شغل كتير هم يلا 

عز كز على أسنانه بغيظ وقال 

تعرف أني نفسي في ايه دلوك 

راضي ببرود 

ايه عايز حد يمسحلك حبات العرق اللي ع جبينك داي، هو انت لحقت يا أخي داي الشمس لسه مبقتش عمودية.. بس هنقول ايه منتاش اخد على المرمطة دهين بس أني وراك لحد ما نأدبوك 

رفع راضي رأسه ليجد عز يشمر أكمامه ويستعد ليلكم راضي ووجهه يستعر شرا 

ليقف راضي بسرعة محاولا الهرب وهو يقول 

الحقوني يا خلق التور ساب التور ساااااب 

عز بتهور 

وربي ما اني راچع عنيك تعالى اهنه 

❈-❈-❈

وجدته يستعد للخروج ويرتدي الأنيق من الثياب فقالت بوجه متبرم 

شايفاك يعني بتلبس ومتشيك اكده ورايح على فين شكله مشوار مهم علشان تستعد ليه بالشياكة داي كلها 

ابتسم حمزة وقال بمكر 

ايه غيرانة عليا  لواحدة تخطفني منيكي ولا ايه!! 

لتهتف نوارة بضجر 

رايح فين يا حمزة اكده ومن غير ما تقولي مفيش غير لما سألتك مكنتش هتقولي

حمزة بمكر 

ايه رايح عند ضرتك اتوحشتها ورايح اشوفها 

وجدها تنفث نيرانا من أذنيها وهمت بالرحيل من امامه 

ليضحك هو بقوة ويمسك بها قبل أن ترحل 

استنى يا بت اهنه أني بضحك امعاكي مالك اكده قفشتي ليه يا بت الناس تعالي اهنه 

لتهتف نوارة بانزعاج 

لاه بعد عني وروح انت لحال سبيلك وسيبني في حالي 

ليهتف حمزة بعشق

 انتي حالي ومالي واللي شاغلة كل بالي يا بت يا نوارة القلب انتي... طب ايه قولك بقا اني بتشيك اكده علشانك  انتي 

لتهتف هي بتبرم 

كُل عقلي بكلمتين يا حمزة كيف كل مرة لكن النوبادي مهتقدرشي يا حمزة

قالتها وهمت لتغادر حزينة 

ليهتف حمزة بجدية 

فيه ايه يا نوارة هو اني يعني مبقتش هقدر اناغشك كيف زمان ولا ايه... كل ديه ومقادراشي تشوفي حبي ليكي يا بت الناس... عامة علشان اريحك أني رايح لنادين بنت عم احمد المرشدي اطمن عليها للنها خلاص بتعمل الفحوصات والأشعة اللازمة للعملية واني وعدتهم اني هكون جارهم في الخطوات المهمة داي لكن اني النوبادي منيش رايح لحالي، انتي هتاچي معاي ومش بس أكده لاه ومن غير العيال علشان هنقجعدلنا هناك يومين تلاتة اكده لحالنا نعيش اجواء شهر العسل من تاني وكنت رايد اعملهالك مفآجئة ها ايه رايك 

ابتسمت نوارة بفرحة

بتتحدت صوح يا حمزة انت هتاخدني تفسحني! 

حمزة بحب 

ايوة يا روح قلب حمزة هنعيشلنا يومين اني وانتي وبس من غير ما حد يعكر صفونا 

نوارة بابتسامة عريضة 

طب والعيال يا حمزة هنسيبهم لحالهم! 

حمزة 

ابعتيهم لامك او سبيهم اهنه مع امي كيف ما بدك المهم انك هتفضيلي نفسك ومتفكريش في اي حاچة واصل.. يلا روحي جهزي حالك علشان نتحرك 

ركضت نوارة بفرحة 

طوالي اها 

الصفحة التالية