قراءة رواية عسل مالح الجزء الثالث كاملة

تنشر حصريًا على مدونة رواية وحكاية قبل أي منصة أخرى

قراءة رواية عسل مالح 3

من روايات وقصص 

الكاتبة أسماء عبد الهادي

الفصل الواحد والعشرون

2

تم النشر بتاريخ الأربعاء

 6/12/2023

تنهد عز بأسى فهو متأكد انه سينال عقابه حتما 

عارف ياما ومستعد لاي حاجة.. بس مهمتك تفهميهم براحة وتطلبي من حمزة انه يقول انهم لقوني اخيرا وأني في المستشفى دلوك علشان ننهي الموضوع ديه وبعدها اني مستعد لاي عقاب من الحچ عيسى حتى لو كان ايه الا الجواز من غير نادين ياما 

بهية ماشي يا ولدي اطمن مهتچوزشي غير اللي قلبك اختارها ربنا يباركلي فيك يا ضي عيني 

❈-❈-❈

وبعد عدة ايام استقرت حالة نادين وتم السماح لها الخروج من المشفى فغادرت البلدة مع اهلها 

أما بخصوص عز انتشر في الانحاء خبر العثور عليه وأنه يتلقى علاجه مما أصابه بسبب الدوامات

في منزل الحج عيسى 

وقف عز بين يدي ابيه مطأطأ الراس وهو يقول 

حقك على راسي يا بوي اني عارف اني غلطان والغلط راكبني من ساسي لراسي ومستعد لأي عقاب منيك بس تسامحني يا بوي، اسف اني عصيتك بس القلب وما يريد يا بوي 

طالعه عيسى بغضب شديد وهو يضرب بعصاته ع الارض عدة مرات 

ليضع حمزة يده على كتف والده وهو يقول 

معلهش يا بوي اللي غلط يتعاقب على اللي عمله هون عليك 

ليهتف عز على عجل 

الا الچواز من غير نادين بالله عليكم 

ليقابله اخيه حمزة بلكمة قوية في وجهه

اقفل خشمك انت لساتك ليك عين تتحدت ... عامة البت خلاص هنچوزها لصابر واد عمك متولي وخلاص هنطمن عليها امعاه بإذن الله هو اكدلي انها وامها هيكونوا ف حمايته

ليتنهد عز الدين براحة فكل ما بعد ذلك يهون 

❈-❈-❈

انخرطت في نوبة ضحك مطولة عندما استمعت لما فعله عز اخيها 

لاه وربنا ما اني مصدقة كأني بسمع عن مشهد من فيلم ف التلفزيون بقى عز اخوي يعمل اكده ديه اكيد اتجنن مكنتش اعرف انه مخبول اكده 

ليهتف راضي وهو يرمقها بنظرة ذات معنى 

ما انتي مجربتيش الحب وناره قبل سابق علشان أكده عمرك ما عتحسي باللي كان بيحس بيه وعلى اساسه اتصرف بتهور المهم قلبه ينول اللي في باله 

تنحنحت فاطمة بحرج 

معاك حق محدش ايحس بالنار غير اللي انكوى منيها بس والله طلع واد جدع يا بختك يا نادين لقيتي اللي عيحبك ويعافر علشانك بروحه كماني 

ليهتف راضي بتيه في اعينها 

وانتي كماني منفسكيش اللي يعافر بروحه وكيانه كماني علشان ينول قلبك 

لتهتف بغباء 

اكيد نفسي بس كيف واني في وضعي ديه 

ليكشر راضي ويقول بضجر 

صدق اللي قال انك بجرة بصحيح غوري يا بت من وشي بدال ما اتغابى عليكي

لتهتف هي بعدم فهم

واه فيه ايه يا راضي اني قلت ايه زعلك.. احنا مش بيناتنا اتفاق فأني قلت الحقيقة مخبتش عليك

ليهتف هو بحنق 

عارف ياختي انك هتتنيلي تقولي الحقيقة ، لكن لساتك قلبك عليه غشاوة معارفشي هتنجلي ميتا أني ليا الله وربك يصبرني 

فاطمة 

يصبرك ع ايه مفهماشي 

راضي

ولا عمرك عتفهمي.. همي ع فرشتك يا فاطمة همي 

فاطمة 

طب مهتاكلشي اني حضرت الغدا اللي امي بعتته 

راضي تتنهي بيه انتي اني خلاص فقدت شهيتي معايزشي 

فاطمة 

واه من ايه الوكل كتير وخسارة هيبوظ بعد ما امي تتعب فيه نرميه للطيور!! 

راضي

 خايفة ع الوكل ومخايفاشي على قلبي يا فاطمة

فاطمة 

ماله قلبك ما اني شايفاك منيح كيف البغل اهو ماشاء الله

مط راضي شفتيه 

الملافظ سعد يا بت الحج عيسى ولا انتي معترفيش الا الدبش يا بجرة انتي 

لتهتف فاطمة بضيق 

واه يا راضي بطل بقا كلمتك دي اياك تقولي بجرة تاني اني بقولك اهوه 

راضي 

بقول الحقيقة اكدب يعني.. المهم حضري حالك اهلي واهلك چايين المسا يطمنوا عليكي.. عايزك ترفعي راسي ومتبنيش ليهم اي شىء ماشي يا بنت الناس 

فاطمة 

لاه اطمن مهبينش اي شىء واصل 

راضي

 ايوة اتصرفي كأنك عروسك ومستحية هتعرفي ولا عتستحيش على دمك!! 

لتضيق فاطمة حاجبيها بانزعاج 

وربنا انت لسانك ديه مدب يا راضي 

راضي ساخرا 

من بعض ما عندكم يا بت عمي من بعض ما عندكم 

لتبتعد فاطمة من امامه وتذهب لغرفتها بحنق 

ليضحك هو على تصرفها الطفولى ذاك وبعدها يعبس بأسى 

وبعدهالك يا فاطمة عتحسي بيا ميتا أني مبقتش صابر اكتر من اكده 

❈-❈-❈

استمعت لضوضاء صاخبة تخرج من غرفتها فنهضت من مكانها مسرعة وتوجهت نحوها 

لتجد كل شىء رأسا على عقب كل شىء مدمر تماما بالمعنى الحرفي وبسمة تقف في منتصف الغرفة بانيهار تام ركضت امها نحوها بخوف وقلق 

بسمة في ايه.. ايه اللي حصل خلاكي تنهاري كدا وتعملي الاوضة بالمنظر اللي انا شايفاه دا 

لتهتف بسمة بغضب شديد وسط دمعاتها التي لا تتوقف

الحقير الخاين الغشاش يا ماما ضحك عليا واوهمني بحبه ليا وانه عايز يخطبني ويتجوزني وخلاني اسيب نبيل اللي ضفره برقبته وكل دا في الأخر طلع فنكوش ملوش اي أساس من الصحة ربنا ينتقم منه 

اتسعت اعين امها وقالت بصدمة 

ايه.. يعني ايه هو عمل فيكي ايه بالظبط اوعي يا بت تكوني فرطتي في شرفك اخلص عليكي من غير ما يغمضلي جفن 

رمقت امها باستياء 

لا اطمني يا ماما مش اما بسمة اللي ينضحك عليا بالشكل دا انما هو ضحك عليا بطريقة تانية يا ماما 

لتهتف امها 

عمل فيكي ايه اللي مينسماش دا 

أخذت بسمة نفسا عميقا بقهر 

خدعني او خدعنا كلنا انه بقا مدير ومعاه فلوس وعربيات وبدل وهو طلع كل دا بيأجره حتى البريفيوم اللي بيحطه كان بيشحته من جوز خالته اللي هو المدير الاساسي ودا مسك مكانه يومين لانه كان تعبان 

وكل دا ليه علشان يخدعنا يخدع البنات اللي في الشركة، مكانش بيلعب عليا انا وبس لا كل بنت في الشركة كان عامل عليها حوار وواعدها بالجواز 

لتهتف الأم بثقة 

يغور في داهية ولا تزعلي عليه اللي زي دا ميتزعلش عليه ابدا دا واحد نصاب 

لتهتف بسمة بانزعاج من نفسها 

مش دا اللي مزعلني يا ماما انا طلعت غبية وساذجة اوي .. تصوري يا ماما اوهمنا انه داخل ف مشروع ومحتاج فلوس لانه معهوش سيولة كافية وانه هيخليني شريكة ليه ف مشروعه الجديد بم اني خلاص هكون مراته وهنتجوز قريب فأنا زي الهبلة صدقته وعطيته كل الفلوس اللي انا محوشاها من شغلي وكمان بعت دهبي كله وعطيتهوله وفي الاخر طلع نصاب وعمل كدا مع كل البنات وسابنا وخلع سافر ومحدش عارف سافر راح انهي داهية دا 

انصعقت امها مما سمعت وقالت وهي تشهق بوجل 

يا مصيبتي انتي بعتي دهبك من ورايا يا بسمة، اتصرفتي في شقا عمرك كله وخسرتيه يا بنتي.. انتي ازاي تعملي كدا من غير ما تلجأيلي انتي اتجننتي ولا جرا لعقلك حاجة.. انطقي ازاي تعملي كدا من غير ما تشوريني 

بكت بسمة على اموالها التي ضاعت ولن تعود 

دا اللي قاهرني يا ماما فكرت ان خلاص الدنيا هتضحكلي وهكوم مديرة شركة وهقب على وش الدنيا مكنتش اعرف اني هيتخسف بيا الارض واخسر كل حاجة بالشكل دا 

الام بقهر على الاموال التي ضاعت 

علشان انتي طماعة يا بسمة.. سبتي اللي بيحبك وشاريكي وعارفين اصله وفصله ويتمنالك الرضا ترضي وجريتي ورا الفلوس واهو طلع كله زيف وخداع وسرق فلوسك وهرب قوليلي هتعملي ايه دلوقتي ها... الفلوس دي كنت هجوزك بيها وهكملك بقيت جهازك اهو انتي دلوقتي خسرتيها وخسرتي نبيل اللي لو لفيتي الدنيا مش هتلاقي زيه في ادبه واخلاقه 

لتهتف بسمة بأسى 

طالما خسرت فلوسي مش هخسر نبيل يا ماما هحاول ارجعه انا متأكدة انه لسه بيحبني وانا عارفة ازاي اخليه يرجع ليا تاني

الام باستياء

ياختي بلاش خيبة الواد انصدم يا حبة عيني صدمة عمره لما عرف انك سبتيه علشان واحد تاني واظن ان كرامته هتنقح عليه ومش هيرجعلك تاني 

بسمة بإصرار وثقة في نفسها 

لا يا ماما دا انا باسمة وعارفة كل مفاتيح نبيل واقدر كويس اوي اخليه عايزني من تاني ويتحايل عليا كمان علشان نرجع تاني لبعض 

الام بعدم تفاؤل 

جربي ولو اني اشك ومرجعيش تزعلي لو فشلتي علشان انتي اللي غلطانة من الاول.

❈-❈-❈

تعالت اصوات الزغاريد من الخارج فخرجت فاطمة من غرفتها متأنقة في ملابسها وكأنها عروس حقيقية لكي تستقبل ضيوفها 

لينصعق راضي بجمالها ويقف تائها مشدوها بها لا يستطيع ان يحيد بصره عنها ولو لثواني معدودة وهو يقول

يا بوي اني قلتلك ارفعي راسي بس متخيلتش انك هنكوني كيف البدر امنور اكده ارحمي قلبي الضعيف قصادك يا بت الناس وربنا أني بعافر علشان اتحمل بعدك وانتي محساشي، اروح فين ولا اجي منين واني چار الجمال ديه كله ولا طايلهوشي 

رغما عنه اقترب منها ووضع يده حول عنقها يحاوطها ويقربها منه وهو يقول متغزلا

ايه الجمال ديه كله اني مهقدرش على اكده 

هتفت باسمة 

حلوة يا راضي! والهدوم امناسبة علي!! 

راضي ببسمة لا تفارق ثغره 

حلوة ديه كلمة قليلة عليكي.. الخلجات دي اتفصلت علشان تزينيها انتي بلبسك ليه.. الا قوليلي يا فاطمة هو القمر فات السما ونزل جاري اهنه ميته 

لتصاب فاطمة بالحرج من كلامه وتنتبه ليده التي تحيط عنقها 

واه ايه اللي عتعمله ديه يا راضي بعد عني ونزل يدك انت اتجننت اياك 

راضي وهو ما زال واضعا يده عليها بالرغم من محاولتها ف ازاحة يده 

ايه مهمثلش انك مرتي وحبيبتي كيف ما انتي هتمثلي انك عروسة ولابسة ومتشيكة وعتخطفي القلب قبل العين اكده

لتهتف هي بغيظ 

ماشي مثل مقلناش حاچة بس بعد يدك داي عني يا أخي انت ما صدقت ولا ايه 

راضي بتوهان فلقد فقد زمام اموره 

بصراحة ايوة اني ما صدقت حلالي يا ناس ومعارفشي اقرب منيه 

حاولت هي التملص منه وركضت سريعا لتفتح الباب 

بعد اكده الباب عيخبط من بدري عنوفتهم اكده يدقوا الباب 

ليهتف راضي بغيظ 

ماشي يا فاطمة خليكي اكده محساشي بالنار اللي عتشب چوايا ومفيش حد غيرك ايطفيها بس هصبر والصبر حلو بردك

وبعدما رآها تهم بفتح الباب بدون حجاب 

ركض سريعا نحوها وامسكها من شعرها 

خدي اهنه ياللي تنشكي في معاميك ازاي تفتحي الباب من غير حجابك ع راسك انتي مخبولة اياك 

لهتف هي بغيظ 

اه  سيب شعري انت انجنيت كيف تمسكني اكده 

راضي 

وانسلهولك نساير نساير لحد ما تبقى قرعة كماني اياكي تاني مرة تهوبي ناحية الباب وانتي من غير حجابك او بكامل سترتك 

فاطمة بحنق 

اللي ع الباب مهماش غرب دول اهلك واهلي وفيها ايه عاد 

راضي بغضب 

سمعتي اني قلت ايه ولا ارزعك كف اخلص منيكي وارتاح ....

ونكمل البارت الجاي اشوفكم ع خير احبتي 

في امان الله

 ..يتبع

إلى حين نشر الفصل الجديد للكاتبة عسل مالح 3، لا تنسى قراءة روايات و قصص كاملة أخرى تضمن حكايات وقصص جديدة ومشوقة حصرية قبل نشرها على أي منصة أخرى يمكنك تفقد المزيد من قصص وروايات و حكايات مدونتنا رواية وحكاية

رواياتنا الحصرية كاملة