رواية حكاية بنت الريف

 رواية جديدة قيد النشر

من قصص و روايات 

الكاتبة صباح عبد الله فتحي

الفصل التاسع والعشرون

تم النشر يوم الخميس

25/4/2024

في الغرفه اللي فيها دهب الكل قاعد مستني دهب تفتح عينيها وأخيراً دهب بتفتح عينيها بس بتقفلهم تاني

نور بفرحه: دهب بتفتح عينيها اهو  يا ماما سماح

سماح تبص على دهب تلاقي دهب فاقت فعلا زي ما نور بتقول وبدموع: حبيبتي حمد لله على السلامه يا قلبي. 

دهب وهي لسه تحت تاثير البنج وبصوت ضعيف: فين مهند انا مش شايفاه. 

هاني: حمد لله على سلامتك الاول يا دهب ما تخافيش مهند هنا بس تلاقيه بيعمل حاجه و زمانه جايا

ام سعيد بدموع: حمد لله على سلامتك يا بنتي والله انا مكسوفه من نفسي قوي يا دهب على الكلام اللي انا قولته ليكي سامحيني يا بنتي بالله عليكي

سماح: مش انتي بس اللي غلطتي بالكلام يا ام سعيد احنا كلنا غلطنا في حقك جدا سامحينا يا بنتي

دهب  تمسح دموعها: خلاص يا جماعه اللي حصل حصل (باستغراب) بس انتم ليه  بتطلبوا السماح مني. 

هاني: مافيش داعي للتمثيل يادهب احنا عرفنا كل حاجه( ويبص على نور) وعرفنا مين هو الخاين الحقيقي. 

دهب بخوف وتوتر وتقوم في لمح البصر: ده بجد عرفتوا طيب فين مهند انا عاوزه مهند. 

سماح: اهدي يا بنتي مالك خوفتي كده ليه. 

دهب بدموع: بالله عليكي فين مهند انا عايزه مهند. 

يدخل مهند من الباب وبصوت خالي من المشاعر: خير يا دهب عايزه ايه مني انا اهو. 

❈-❈-❈

دهب تقوم من على السرير وتجري تحضنه مهند: مهند حبيبي انت كويس في حد عمل فيك حاجه؟ 

و تبص على جسم مهند وتحسس عليه وبدموع: حد عمل فيك حاجه؟ 

مهند باستغراب: اهدي يادهب انا كويس وحد مين اللي هيعمل في حاجه مش فاهم؟ 

دهب تبص على مهند وتسكت و باستغراب: مش انتم عرفتوا الحقيقه؟ 

مهند يبعد عنها: عرفني حقيقه ايه يا دهب؟ 

دهب ببراءه وباستغراب: مش انتم عرفتوا مين الخائن

مهند يحب يستغل براءه دهب علشان يوصل للحقيقه كامله ويعرف مين الخائن الحقيقي اللي قتل شيرين ويخلي دهب تعمل في نفسها اللي عملته ده كله: ايوه يادهب عرفنا بس عاوز اعرفها منك انتي. 

ذهب تبص على مهند: مش انت عرفت ان هي.. 

ولسه هتكمل تلاقي سميره و سوزان داخلين تتصدم وتفهم ان هم لسه مافيش حد عرف عنهم حاجه تيجي ساكته

مهند باستغراب: سكتي ليه يادهب هي مين كملي. 

سميره بتوتر يا لهوي هي كانت الغبيه دي هتحكي كل حاجه لمهند الحمد لله يا ربي ان احنا وصلنا في الوقت المناسب يآما كنا هندفن نفسنا بايدينا  وتبص على دهب بغضب وتغير لون وشها زي الحربايه: دهب حبيبتي حمد لله على السلامه خوفتينا عليكي والله يا بنتي وتحضن دهب (وبصوت الافاعي) انتي اتجننت كنت عايزه تكشفي كل حاجه لمهند عارفه لو انتي كنتي قولتي كلمه واحده بس كنت انا عملتي فيكي انتي وهو  كنت حرقته حي قدامك عينيكي 

وتمسكها من دراعها جامد بصوت واطي في اذن دهب: خدي بالك يا حبيبتي علشان ماتشوفيش حبيبك مقتول قدامك (تحط ايديها على وش دهب) حبيبتي ما شاء الله عليكي عسوله قوي مع انك تعبانه بس جمالك ظاهر على وشك. 

سوزان تحضن دهب: حمدالله على السلامه (وبصوت واطي شيرين) صاحبتك تعيشي انتي ياحبيبتي في حد قتلها. 

❈-❈-❈

دهب تفتح عينيها علي اخرهم من الصدمه وبصوت واطي ما يسمعش غير نفسها شيرين: ماتت ازاي؟

 وتبص على سميره وسوزان: معقوله هما اللي قتلوها طيب قتلوها ليه؟

 وفجاة تحس بوحع في بطنها وتحط ايديها علي بطنها وبصوت عالي من الوجع: اه بطني. 

مهند يمسك دهب وبخوف: حبيبتي أنتي كويسة 

دهب بدموع: بطني وجعاني قوي يامهند

مهند بحزن؛ معلش ياقلب مهند.

 ويشيل دهب وياخدها وينايمها على السرير: أرتاحي وانا هروح اشوف الدكتورة اللي عامله لكي العمليه تكتب لكي على مسكن ولا حاجه اكيد ده من العمليه وتاثير  البنج راح. 

دهب تمسك في دراع مهند.. سوزان واقفة وعينيها على ايد دهب اللي مسكه بيها مهند ومن الغضب توقع كوباية الميه اللي  محطوطه على الكوميدينو اللي جنب السرير اللي دهب نايمه عليه. الكل ينتبه لصوت الكوباية لما وقعت على الارض. سوزان بخبث: انا اسفه  يا جماعه ما اخدتش بالي اني في كوبايه على الكوميدينو.

 وتركع على رجليها وتعمل انها بتلم الأزاز وتبص على دهب  بغضب وحقد وغل وتمسك ازازه من اللي علي الارض وتخوف دهب بيها وتبص على مهند والأزازه في ايديها وتهدد دهب انها هتقتل مهند بس بالنظرات والحركات مش بالكلام. دهب  تفهم حركاتها وتخاف من نظرات سوزان وتبص على مهند وتيجي شايله ايديها من عليه. 

مهند: دهب حبيبتي انت كويسه كنت عايزه حاجه مني او عايزه حاجه اجيبها لكي. 

❈-❈-❈

دهب تبص على مهند والكل وتسكت كان نفسي اقول لك افضل جنبي يا مهند انت واحشني قوي نفسي اخدك في حضني زي زمان  اه يا مهند لو تعرف قد ايه حضنك وحشني قوي. 

مهند بخوف: مالك يا دهب يا حبيبتي ساكته ليه كده حاسه بايه في حاجه بتوجعك الوجع جامد. 

دهب بحزن: لا  يا مهند انا كويسه هو في مغص بس مش جامد. 

سماح: طيب معلش يا حبيبتي روح يا مهند يا ابني للدكتوره خليها تيجي تكتب على حاجه للمغص واحنا نجيبها لها من اي صيدليه. 

مهند: حاضر يا ست الكل.

 ويقوم علشان يروح للدكتوره علشان تكتب حاجه عشان المغص اللي عند دهب.. سوزان تشوف ان مهند طلع من الاوضه و ببتسامه خبيثه: بعد اذنكم يا جماعه 

وتطلع تجري ورا ومهند.. دهب تكلم نفسها بغيظ: اكيد طلعه علشان تشوف مهند اه يا ربي انا واحده هبله سايبي واحده تانيه تعمل اللي هي عاوزه وتقرب من جوزي قدام عيني بس اعمل ايه انا لو اتكلمت ولا قولت حاجه ممكن يقتلوه انا مستعده استحمل اي حاجه غير اني اشوفه مجروح حتى لو شوكه شكته انا ما اقدرش اشوفه مجروح او فيه حاجه يارب احميلي جوزي من كل شر. 

❈-❈-❈

بره الغرفه سوزان بدلع: مهند استني. 

مهند ينتبه ان في حد بينادي عليه يبص خلف منه يلاقي سوزان. يقول باستغراب: سوزان عاوزه حاجه. 

سوزان بدلع: لا مش عاوزه حاجه هعوز ايه يعني بس قولت اسأل عليك لانك انت مش بتسأل على حد يعني انا بقى ليا فتره عندكم في البيت وحتى ما فكرتش تيجي تسلم عليا من حقي ازعل طبعاً 

مهند بأسف: انا اسف والله يا سوزان مش قصدي بس انتي شايفه الظروف اللي في البيت  والمشاكل اللي مش بتخلص. 

سوزان تحط ايديها على شعرها وتشيل الشعر المتمرد من على وجهها و تحطه وراء ودنها وهي بتقول: عادي يا مهند ولا يهمك احنا لسه فيها. 

وتيجي بكل برود وحضنه مهند.. ومهند واقف مصدوم من حركه سوزان ومش عارف يعمل ايه وحاسس بايديها بتملس على جسمه بكل حقاره يغمض عينيه ومحرج انه يكسف سوزان مهما كان هي بنت عمته وهو بيعتبرها زي اخته الصغيره ومحرج انه يكسفها قدام الناس الغريبه اللي في المستشفى.. سوزان حضنه مهند جامد ومستمتعه بحضنه وعماله تحسس على جسمه بايديها بكل حقاره وقلة حياء.. مهند يبعد سوزان عنه وباحراج: سوزان انا اتجوزت دلوقت وانتي كمان كبرتي مش مسموح لكي انك تقربي مني بالشكل ده مره تانيه وانا اسف لو كلامي هيجرحك بس انا بحب مراتي وبحب افضل لها و مافيش واحده تانيه تقرب منى غيرها. 

سوزان تحاول تفضل هادئة تبص لمهند وتفضل ساكته وهي بتفرك في ايديها جامد.. مهند بأحراج: انا آسف يا سوزان لو كلامي زعلك بعد اذنك هروح اشوف الدكتورة تكتب حاجه لدهب علشآان هي تعبانه عاوزه حاجه اجبهالك وانا جايا. 

سوزان من غير واعي: انا مش عاوزه غيرك ومش هاسيبك غير لم اخدك. 

مهند بعدم فهم: انتي بتقولي ايه انا مش فاهم كلامك. 

سوزان تاخد بالها  : ها لاء ولا حاجه.

 وبدموع تمسايح: بس كلامك جرحني اوي انا طول عمري بحبك گ اخ ليا ولما حضنتك حضنتك علشآان انت وحشتني مش علشآان الطريقه الرخيصة اللي انت بتفكر فيها دي متخيلتش انك بعد الجواز هاتفكر فيا بالشكل ده. 

وتاخد بعضها وتجري من قدام مهند من قبل ماتسمع رده عليها. 

مهند: سوزان استنى مش قصدي ازعلك والله.

 ويجري وراء سوزان علشآان يصلحها ويمسكها من دراعها: استني يا سوزان انا اسف والله مش قصدي اجرحك. 

سوزان بدموع: بس انت جرحتني اوي يامهند وتحضن مهند انا بحبك بجنون. 

وتجي بكل  وقاحه بايسه مهند. 

❈-❈-❈

في الغرفه دهب عاملها تعيط من كتر الوجع وسماح قاعدة تسكت فيها. 

سماح: معلش ياحبيبتي استحملي شويه والله انا مش عارفة مهند اتاخر كدا ليه ماتروح ياهاني شوف اخوك اتاخر ليه؟ 

هاني: حاضر ياامي 

ويطلع من الغرفه ويتصدم من اللي يشوفه هو شاف مهند وسوزان واقفين وبيبوسوا بعض ويبص على دهب بحزن ويرجع يبص على مهند وسوزان بقرف ويسبهم ويروح هو يجيب العلاج لدهب. 

مهند يذوق سوزان ويبعد عنها وبغضب ويجي ضربها بالقلم: انتي اتجننتي يابت انتي انا الحق عليا لاني جاي اصالح واحده رخيصه زيك

سوزان حطت اديها على وشها مكان القلم اللي هي اخذته من مهند وبغضب: فين الغلط في اللي انا عملته انا بحبك بحبك يا مهند و من زمان قوي بحبك من وانا عندي 15 سنه بحبك بجنون و مستعده اعمل اي حاجه علشان خاطر تكون معايا انا وبس يا مهند. 

ومن غير وعي منها: حتى مستعده اقتل دهب يا مهند لو ما بعتش عنها وبقيت ليا انا وعد مني هتشوفها ميته وهيكون موتها على ايدي انا. 

مهند يمسك سوزان جامد من دراعها: انتي اجننتي يا بنت انتي ايه الكلام اللي انتي بتخرفيه و تقوليه ده وانتي عارفه لو لمستي شعره بس من شعر دهب انا هاعمل فيكي ايه؟ 

سوزان بغضب: مهند هتعمل ايه يعني اخطر من اللي انت عملته انت. انا من يوم ما وعيت على الدنيا حبيتك وانا عايشه في عذاب و كله بسببك انت يا مهند وصدقني انا مستعده انفذ كل كلمه انا باقولها لك دلوقت. 

مهند: لاء بقا ده انتي اتجننتي رسمي باين عليكي.

 ويجي سايبها وماشي.. سوزان بصوت عالي: انا فعلا اتجننت بس تجننت بيك يا مهند واتجننت من يوم ما حبيتك ووعد مني مش هاسيبك في حالك ولا انت  ولا الغبيه اللي انت بتقول عليها حبيبتك ومراتك انا هقتلها انت سامع هقتلها.

 وتقعد على الارض وتفضل تعيط: وانا ايه الغلط اللي انا عملته ده كله علشان بحبك. 

وتمسح دموعها بغضب وتقوم  من على الارض: دهب انتي السبب في كل عذابي ده وانتي اللي اخدتي مني حبيبي مهند انا هقتلك بايدي. 

❈-❈-❈

في الغرفه دهب نامت من كتر التعب

نور بحزن: دي نامت ياماما. 

سماح: كويس انها نامت سيبها ترتاح شويه علي ماهاني ومهند يجيبوا العلاج.

هاني يدخل بالعالج اللي الدكتورة كتبته علشان دهب: اهو يامي

نور: دهب نامت ياهاني

هاني يبص على نور بغضب: هو انا  وجهت لكي كلام لما ابقى اكلمك ابقي ردي. 

نور بدموع: انا اسفه ياهاني

سماح  بعصبيه: ايه يا هاني بتكلم نور كده ليه يا ابني احنا كلنا عارفين ان هي غلطانه َغلطه كبيرة كمان بس احنا في النهايه بشر وكلنا بنغلط وهي اعترفت بغلطها وطلبت السماح واحنا كلنا سامحنا وانت بقى لسه زعلان ليه؟ 

هاني: دي ما تستاهلش حد يسامحها يا امي دي خنتنا وخدعتنا كلنا. 

نور بدموع: انا اسفه والله انا عارفه اني غلطت بس والله انا ندمانه من كل قلبي والله يا هاني انا اسفه بالله عليك سامحني يا هاني انا عارفه اني غلطت بس والله انا بحبك قوي وما اقدرش اعيش من غيرك ومش قادره على بعدك عني و نظرات الكره دي انا اتعودت  على هاني اللي بيحبني ونظرات الحب منك مش الكراهية اللي بتحرق قلبي. 

هاني: وانا كمان حبيت نور البنت البريه الطيبه اللي على نيتها اللي مش تقدر تؤذي حشره مش نور البنت الخاينه والمخادعه والكذابه والمجرمه اللي قتلت طفل قبل ما يجي على الدنيا انا قررت ننفصل انا وانتي يانور مابقتيش قادر ائامن على مستقبلي ومستقبل عيالي معاكي انا اسف. 

نور بدموع تحط ايديها على ودنها : بس يا هاني كفايه بالله عليك انا ما بقتش قادره استحمل بعدك عني لحظه وانت بتقول ننفصل عارفة اني غلطت بس انت مش حاسس بالعذاب وتآنيب الضمير اللي انا فيه ده مش تيجي انت وتذودها عليا انا عارفه ان انا غلطانه بس والله ندمانه وندمانه قوي كمان.

 وتنهار على الارض وبدموع: انا اكثر واحده غبيه انا دمرت حياتي ومستقبلي َوحياتي الزوجيه قبل حتى ما تبدآ. وكسرت ثقة وحب الشخص اللي انا محبتش غيره طول حياتي بسبب غبائي انا دمرت سعادتي بايدي. 

سماح بحزن وتروح وتحضن نور: لا حول ولا قوة الا بالله العلي العظيم هو ايه اللي بيحصل ده ياربي ده كله كان مستخبي لنا فين بس يا ربي يعني في أسبوعين ده كله يحصل جوزي مات وابن الكبير مراته سقطت والصغير بيدمر حياته بايديه اه يا ربي لسه في ايه تاني مخبيه لنا من مشاكل وهم يارب ارحمنا برحمتك يا رحمن يرحيم. 

ام سعيد بحزن: معلش ياحبيبتي ده امتحان من ربنا ولازم نصبر عليه. 

سماح بدموع: ده امتحان صعب قوي ياربي الطف بينا يارحمن

مهند يدخل وفي ايديه كيس علاج و باستغراب وخوف: اي ياجماعة في ايه ويروح عند امه خير مالك ياست الكل بتعيطي ليه؟ 

سماح بدموع: تعالي يابني شوف اخوك بيقول ايه. 

مهند يبص على هاني: ايه هاني في ايه؟ 

هاني يبص لمهند بغضب ويفتكر اللي هو شافوا ويكمل بحزن: انا قررت انفصل انا ونور مابقتيش عاوزها ومش هاقدر اكمل حياتي معها بعد اللي هي عملته. 

مهند بصدمه: انت بتخرف بتقول ايه ياهاني. 

هاني: بقاا زي ماسمعت انا مابقتيش عاوزها

نور بدموع: بس انا بحبك وماقدرش اعيش من غيرك انت هاتقدر تعيش من غيري طيب هاتكون مرتاح ومبسوط لو اتفصلنا؟ 

هاني من غير ما يبص لنور: ايوه هكون مبسوط ومرتاح وانتي مش اول واحده ولا اخر واحده. 

❈-❈-❈

نور بدموع: بقا كده يا هاني عارفه اني غلطانه والله بس عقابك ده صعب اوي ياهاني

 وتحت ايديها علي بوقع لتكتم صوت عياطها  وتطلع تجري على بره. 

مهند بحزن: ما تظلمهاش يا هاني احنا كلنا عارفين ان هي غلطت وغلطها كبير قوي بس احنا في النهايه بشر وكلنا بنغلط وهي طلب السماح واعترفت بغلط انا في رايه اديها فرصه ثانيه. 

هاني ينظر لمهند نظرات غير مفهومه: وانت ليه  ما ادتش دهب فرصه ثانيه.