قراءة نوفيلا رحلة افتراضية كاملة

تنشر حصريًا على مدونة رواية وحكاية قبل أي منصة أخرى

نوفيلا رحلة افتراضية

نوفيلا جديدة قيد النشر

من قصص و روايات 

الكاتبة إيمان فاروق

الفصل الثالث

تم النشر يوم الجمعة

26/7/2024

اخذ يوزع الأدوار علي كليهما ليكمل أثناء سيرهما بالعربة نحو  طريقهما للشركة : بهى ،عليك تروح البيت تجيب الملابس بتاعتي انا مجهزها كلها في مكان واحد واياك تنسي شئ .

قال جملته الأخيرة بتحذير .

-" تمام ياكبير ،متخفش ،بس ليه متجيش البيت ونلبس سوا ونروح الشركة 

-" انت المعلومة بتوصلك بعد مدة والا اية؟ مش واخد بالك من المفاجأة محتاجة ترتيب وكمان أنا عدلت الترتيبات . قالها صفي من بين غيظه من لا مبالاة الأخر الذي رمقه بعدم فهم ليتكلم مستفهما .

-" ترتيبات ايه اللي غيرتها يا باشمهندس؟ انت عارف بأفكارك دي ممكن البنات تنهار من البكا ساعتها الدنيا حوالينا هتتلخبط .

رمقه الأخر بغموض ليهتف قائلاً: مهو علشان توقعت انهيارهم ده ،عملت التعديل الأخير ده .

-" طب فهمنى بدل منا عامل زي الأطرش في الزفة كده.

نعم قالها بهي بضجر أصابه جراء حوار اخيه المحمل بالألغاز .

ليجيبه الأخر من بين تنهيدته : هفهمك يابو الحنان والمشاعر الجياشة ،البنات لما تتعرض لموقف زي دا مؤكد هتنهار من المفاجأة .وانت بطبيعتك بتعامل مع خطيبتك بحميمية واكيد هتزيد من الموقف فلازم يكون رابط شرعي يحكم المسألة واظن لما نكتب الكتاب الأول هيحقلك تحتويها بين أحضانك من غير اي محد يلوم عليك او تقع تحت اي وزر لكونها  مش حليلة ليك .

توقف بهي أمام البناية التي تحتضن شركتهم بين أضلع أركانها ،ليتحدث بعدما استوعب ما القاه الأخر عليه مما جعله يمكر بحديثة متمتما حتى يثير ضجر الأخر ليخرجه عن صمته :  طب مهو عادي بالنسبالي انا بعمل اللي نفسي فيه من غير عقد قران أنا بعتبر فرح مراتي من اول يوم خطوبة، لكن الدور والباقي على البرنس ،وعلى العموم انا مش شايف الموضوع ليه لزمة..ليكمل مستطرداً بتصنع البرائة وبعدم مبالاة بما يعبره الاخر من ملامح الاحتقان: نبقى نكتب في القاعة ياعم بلاش لخبطة .

 

احتقن صفي بضجر من هذا الغبي الذي لا يشعر بمشاعره فهو لن يتحمل اكثر من ذلك وهى أيضاً لن تغفر له عدم احتوائها في اضعف اوقاتها ولن تفهم مشاعره كرجل عف نفسه لسنوات طويلة ويريد أن يكون اول احتواء لها وهى زوجته ،مما جعله يصر على عقد القران قبل بداية الرحلة .

-" انا قلت كلمة واحدة يابهى ومش عايز نقاش وجدال كتير .

قالها صفي بصوت اجش ونبرة حادة قاطعة اجفلت الأخر ليعود للخلف برأسه بعدما حزره أخيه وهو يتقدم نحو نافذته من الخارج بعدما ترجل السيارة .مما جعله يومي له قائلاً.

-" خلاص ياعم ،متزوقش ،ايه مبتهزرش؟.الله يكون في عون البنية الغلبانة .

-" لا حول ولا قوة الا بالله العلي العظيم ،انت مالك تقمصت دور خالتي الاتاتة ليه ولا كأنك رجل برمجيات وفاهم التقنيات اللي هنقابلها في الموضوع الفريد من نوعه واللي اول مرة نتعامل معاه واكمل مستطرداً: أظن مفيش وقت لهزارك البايخ ده ورانا شغل كتير.

-" تمام ياكبير ،انا هنفذ الأوامر بس بردوا معرفتش رأي طنط زيزي وعموا محمد وماما في موضوع كتب الكتاب ده .

قالها بهي بجدية بعدما استشعر حقيقة ما يؤرق أخيه ولكنه يخشي رفضهم او ارغامهم على شئ فوق رغبتهم في تسابق الاحداث هذا .

ليتحدث صفي من بين تنهيداته بثقة : أطمن كل شئ تمام وهما على دراية بالموضوع بأكملة وكمان في تشجيع وان شاء الله نكتب الكتاب هنا والأجرأت والأشهار هيكون في القاعة علشان الكل يعرف .

اومى له بالإيجاب وارفق ابتسامة جلية فوق محياه السعيد بقرب تحقيق ما يتمنى والسعادة من أجل شقيقه الأكبر الذي سيحقق امنيته هو وأمه اليوم فأبيه هو الأخر في ذمة الله منذ كان صغيراً مما جعله متحملا للمسئولية وقائدا لأسرته الصغيرة . 

توجه بهي نحو منزلهم الراقي بسرعة خاطفة حتى وصل لمبتغاه ليجد جنته في انتظاره بحب ،ليقترب منها بخفه حتى يجني من فوق كفيها ثمار الرضى ولتشدوا له بترانيم الدعاء بأن يكمل يومهم بخير فهى أم لزوج من العرسان اليافعان فكم تخشى عليهما وعلى عروسهن من شر الأعين الحاسدة .لتقوم بقرأة وتمتمة بعض ايات القرآن لتحصنه هو هى تدعوا بداخلها بظهر الغيب لولدها البكري الذي تواصل معها منذ فترة ليخبرها بأمر عقد القران وتلك المستجدات اللتي جعلتها في تأهب وتحمس لهذا الأمر الذي تتمناه منذ زمن بعيد.

-" ربنا يتمملكوا بخير يا حبيبي ، يالا قلبي اطلع اجهز علشان متتأخرش على اخوك .

-" شكلك مشجعاه في جنانه ياحجة؟ .

-" ولد ..عيب عليك تقول على اخوك الكبير كده ..هو صح ،مش هلاس زيك وبعدين كده افضل لما تروحوا وانتو متزوجين هيكون شعوركم مختلف غير لما تتعاملوا بحزر وتكلف مع عرايسكم .

-" اااه واضح أن الباشمهندس مرسيكي على الدور كله .قالها بهى بيأس فشقيقة لم يخفي الأمر عليها فهى بالنسبة له بئر أسراره وصديقته الحنون التي تتفهم دواخله .

-" اه طبعاً ابني حبيبي صريح معايا وعارف اني احبله الخير وخصوصاً أن حبيبة أخدت قلبي من ساعة ماشفتها واتمنتها ليه وكان نفسي يكون صريح زيك في مشاعرة بس هوا متحفظ شوية ودا شئ أنا احترمته فيه علشان كده ايدته في موضوع كتب الكتاب علشان يعرف يكون قريب منها زي ما نفسه .

-" اه وانا بقى السايب اللي لا عندي دين ولا تربية يعني وبحب اعصي ربنا ..تشكري يا ام صفي ،تشكري.

-" تصدق انك واد هايف صحيح ،انا مقصدتش كده ،انا عارفة انك بتتقي ربنا في تصرفاتك وانك حنين زي والدك الله يرحمه لكن قلبك اللي بيحركك ،لكن صفي برغم حنيته لاكن العقل اللي بيغلب عليه زي ابوك بالظبط.

-" الله يرحمه يا امي ،ياما كان نفسي يكون معانا هو كمان في اليوم ده ،لكن أمر ربنا كده .

قالها بهى بشجن وحنين بات على وجهه مما جعلها تقترب بمؤازة لتربت فوق كتفيه وهى تقول.

-" اكيد هو حاسس بينا النهاردة .. بس انت ادعيله بالرحمة والمغفرة ،لتكمل بعدما رفعت يدها لتمسح العبرات العالقة فوق اهدابهة بطرف يدها لتستنشق بعدها الهواء لتثبر اغوارها وتتطالبه بالصعود حتى ينتهى من تجهيزاته الشخصية ويصطحبها لمقر الشركة لمناولة شقيقة حقيبته الشخصية ويطالبها صفي بأن تكون رفيقة لعروسه لحين القدوم له. 

يتبع