قراءة رواية نجمة أركان الجزء الرابع من رواية فرعون كاملة

تنشر حصريًا على مدونة رواية وحكاية قبل أي منصة أخرى

قراءة رواية نجمة أركان

الجزء الرابع من رواية فرعون

 رواية جديدة قيد النشر

من روايات وقصص 

الكاتبة ريناد يوسف

تم النشر يوم الأربعاء

2/4/2025

اقتباس 4

واقف بيراقب بنته اللي الفرحه مش سايعاها وهي قاعده جنب عريسها في الكوشه، وحابس دموع فرحته بيها بالعافيه، ومد ايده حاوط كتف مراته اللي فرحتها وحالها ميختلفش عن حاله، لكنها مش قادره تسيطر على دموعه زيه، فباس جبينها بحب وهو شايفها بتمسح في دموعها وبصتله وهمست للمره الالف يمكن:

مريم بقت عروسه وبتتجوز ياسامح! انا مش مصدقه نفسى! شفت الايام مرت بسرعه ازاي، معقوله مر كل الوقت ده؟ 

قالتها ودفنت وشها فصدره وهو ضمها عليه وابتسم لما همستله يمكن للمره المليون بنفس الجمله من يوم مااتجوزوا:

شكرا ليك عشان مسبتنيش. شكراً على الحياه اللي اديتهاني، شكراً على الحب اللي ادتهوني، شكراً كل حاجه. 

وغمض عنيه وهو بيفتكر الموقف اللى طلبت منه لأول مره فيه انه ميسيبهاش، وكان اجمل طلب واحلى يوم اتغيرت من بعده حياته وحياتها.. 

فلاااااش بااااك 

اميره :

غريب انت ماشى وسايبنى ليه، انا بحبك صدقني. 

*انا مش غريب ...قالها وهو بيبعد عنها خطوه وهو مديها ضهره. 

اميره :غريب انا بحبك متمشيش .

* مردش عليها وبعد خطوه كمان .

اميره بدموع وصوت مخنوق :غرييب 

استمر فالمشى خطوه ورا خطوه لغاية ماوصل باب البيت وهو لسه مديها ضهره وخلاص رجله هتخطى بره الباب وهنا اميره صرخت بكل صوتها لما خافت واتاكدت انه لو خرج مش هيرجعلها تانى.. ساااامح متسبنيش. 

رجع رجله ولفلها وابتسامه جميله اترسمت على وشه.. قولتى مين ؟

اميره قربت منه:

قولت سامح ...خدنى معاك ياسامح انا عايزه ارجع معاك بيتك ...عايزه ارجع لماما ديحه.. عايزه اعيش معاكم على طول. 

سامح اخد نفس وخرجه بالراحه وهو بيبص لراضى ابو اميره اللى اتقدم ومسك بنته من كتافها وباصصله بعيون مليانه دموع وشكر وبعدها نقل عنيه لأميره واتكلم:

-اوعدك انى هاخدك تعيشى معانا مره تانيه، وعلي طول، بس بطريقه تانيه غير اللى دخلتي بيها بيتي اول مره، وبصفه تانيه تخليكى ينفع تعيشى معانا لأخر العمر. 

بااااااك 

سابها واتحرك وراح قعد جمب حماه اللي كان فرحان اكتر منهم هما الاتنين، ودا لأن الغاليه اعز الولد اللي اتربت على اديه، واللي واخده اسم وصفات وملامح حبيبة عمره اخيراً جه اليوم اللي شافها فيه عروسه زي ماطول عمره بيتمنى. 

❈-❈-❈

فى فيلا ماهر  ماهر

 قاعد ماهر على كرسى متحرك كهربائى...وقاعده معاه مودته وجميله اخته وبيتكلمو مع بعض.. 

وعلى بعد منهم واقف يمان وقاسم اللى بيتناقرو مع بعض كالعاده وزى كل مره قاسم يجى فيها للفيلا لازم ميمشيش الا وهو معصبه ومتعصب منه لاقصى درجه، وهما الاتنين معصبين ماهر ورافعين ضغطه. 

قاسم ليمان:

انت ايه يابنى انت ملكش بيت تقعد وتهمد فيه؟ كل ماجى الاقيك معسكر هنا مره انت ومره عيالك ومراتك

، دا ايه اللزقه دى؟

يمان:

شوووفو مين بيتكلم؟ 

اولا دا بيت ابو مراتى وجد عيالى، يعنى بيت مراتى، يعنى بيتى انا كمان، واجى فيه وقت مااحب انشاله حتى اعيش هنا محدش يقدر يكلمنى. 

قاسم :لا ياحبيبي تعالالى هنا ...الفيلا دى بتاعت ام مراتى انا وجدة عيالى انا، يعنى بتاعت مراتى وانا اللى من حقى اقعد هنا ومش بس كده ومن حقى استقبل واطرد اللى يعجبنى كمان. 

يمان: 

بص احنا بدال موال كل مره دا، ايه رأيك نقسم الفيلا دى نصين وكل واحد فينا ياخد نصه وهو حر فيه، وتيجي على املاكي ولا انا اجي على املاكك اشطا؟

قاسم:

اشطا موافق. هنقسم بالطول ولا بالعرض؟ 

بس انا رأييى نقسم بالطول كده عشان كل واحد يورث فالفيلا والجنينه القدامنيه والجنينه الورانيه يعنى كده اهو.. 

ومشى وهو بيشاور بايده فى الارض زى خط مستقيم، وباصص للارض بتركيز، وفجأه وهو ماشى خبط فماهر اللى انتبه لكلامهم واتحرك بالكرسى وقف قريب منهم وحط ايده على خده وبيستمع لكلامهم واللى بيعملوه بغيظ شديد. 

قاسم:

اتاخر كده ياعمى بالكرسى بتاعك عشان الخط احسن يعدى عليك يقسمك نصين عشان دا خط ليزر. 

ماهر اتكلم وهو بيجز على سنانه:

بتقسمو فى. ملك مين ياعديمى الادب والربايه ان كان انت ولا هو ؟!

يمان بعفويه :بنقسم فورثنا ياعمى عشان كل واحد يعرف اللى ليه وكل واحد يقعد فملكه من هنا ورايح ومحدش له دعوه بحد. 

ماهر وصل لاقصى درجات الغضب ورد عليه:

ورث ايه وانا لسه عايش على وش الدنيا مموتش! هتورثوني بالحيا ياشوية عرر؟  

موده اقفلى باب الفيلا عندك وهاتيلى الكورباج اللي جوه. انا هعرف مااربيكم ياعرة النسايب..

ولا اقولك كرباج ايه انا مبقدرش امشي هاتيلي المـ. ـسـ. ـدس بتاعي من الخزنه  هخـ.ـلص عليهم جوز الحلاليف دول.

قالها وابتدا يتحرك بالكرسى وراهم بحرفيه عاليه عايز يمسكهم، وهما جريو منه وابتدو يلفو حوالين طربيزة السفره  وهو وراهم بالكرسي الكهربائي بتاعه وبيتكلم بغلب:

انا تعبت منكم وكل يوم ادعى ربنا ياخدكم انتوا الاتنين ويريحنى منكم ودا مبيحصلش. 

ركبتونى كل الامراض اللى فى الدنيا وشليتوني.. تعالو هنا يااوباش انا مش هسيبكم النهارده ياانا ياانتوا. 

قاسم وقف قصاد ماهر من الناحيه التانيه وقاله:

طب بص هسألك سؤال ولو جاوبت عليه هقفلك وامسكلك الواد يمان ده كمان وتضرب فينا بالكورباج 

وتقـ. تـل يمان بالمـ. ـسـ. ــدس براحتك 

مفرد اوباش ايه؟ 

بص انا عايزك تقولى انا لوحدى ويمان لوحده متجمعناش مع بعض احنا خلاص عزلنا من بعض، كل واحد قولهاله مفرد. 

هاه يلا قول .

ماهر وقف بالكرسى وبص لقاسم بعيون بتطق شرار 

يمان:

اقولك انا.. مفردها وبش او وبشه، او وابش صح؟ 

قاسم زغده وهو بيجرى:

اجرى بسرعه وهو ملخوم فى التفكير انت هتفكرله ياغبى انا بلهيه عشان نهرب، اجرى قبل مايجيبك وهو من ساعة مااتعلم السواقه على الكرسى بتاعه دا بقا فريره  ولو دخل سبق كراسى متحركه يطلع الاول  اجررراااي. 

وفعلا يمان جررى ورا قاسم بسرعه عشان يخرجوا من الفيلا، وقاسم خبط فى نادر اللى كان داخل الفيلا وهو خارج وحضنه وباسه بسرعه ..نادر حبيبي حمداله عالسلامه اشوف وشك بخير. خلص كلامه واتخطاه وجرى لبره ووراه يمان. 

ماهر بصوت عالى :امسكهم يانادر اوعى يفلتو منك ...هاتهملى قللات الادب دول اللى بيورثو فيا بالحيا ..الاوباش دول. 

نادر دخل وعينه بتتنقل على ابوه واللى قاعدين :

هما عملولك ايه تانى جوز الخيل دول؟ ووجه كلامه لعمته وموده مرات ابوه.. وانتوامش عارفين تبعدوهم عنه يعنى؟ 

انا مش عارف هو هيفضل يستحمل هبلهم وجنانهم دا لحد امتا؟ 

ماهر راح ناحيتهم واخد نفس جامد بتعب:

والله يبنى تعبت منهم وبالذات لما يجتمعو مع بعض تقولش مورستان كامل متكامل! 

ولا مقدرين سنى ولا تعبى ولا سنهم ولا مناصبهم، انا مش عارف البلاوى دى بتتحدف عليا انا لوحدى ليه ؟!

نادر قعد جمبه وباس ايده :معلش ياحبيبي حقك عليا انا، بس والله هما الاتنين برغم حالتهم المتأخره، الا ان قلوبهم طيبه وولاد حلال .

ماهر :ماهى دى الحاجه الوحيده اللى مصبرانى عليهم ...غير كده كان زمانى مـ. ـولع فى الاتنين بجاز وسخ ..ولا التانى اللوا الاهبل دا اللى مش  عارف انا بقا لوا ازاى الله يخرب بيته وبيت اللى لولوه! 

مهما كبر هيفضل طول عمره عيل مهزق ومتصابى وعقله اصغر من عقل نمله مش عارف هيعقل امتا؟ 

نادر بضحكه:

لا قاسم بالنسبه للعقل  والعقلان اغسل ايدك منه خالص. 

انت بس كل ماتتدايق منهم اوى قول اللهم ان كان ابتلاء فأجرنى عليه، وصدقنى هيكونو سبب فدخولك الجنه. 

ماهر :سيبك منهم سيرتهم بتعصبنى زى وجودهم بالظبط ..قولى سيليا مراتك فين مجاتش معاك ليه هى والولاد؟ 

نادر :

راحو يتغدو عند ماما وجوزها، عازمينهم النهارده وكان المفروض اروح معاهم بس انا ورايا مقابله مهمه كمان نص ساعه، وجيت آخد شاور واغير وانزل تانى اعدى على عمرو ونروح على طول. 

ماهر :وناديه معاكم ؟

نادر :اكيد طبعا دى طلعت على هناك قبلنا كمان عشان تتأكد ان المكان اللى هنقابل فيه الناس مكان مناسب وعلى المستوى المطلوب .

ماهر :

وانا اقول النطع بتاعها كان جاي يناكف فيا ليه النهارده! 

طيب يابنى اتصل بيه رجعه طالما اختك مش قاعده خليه ييجى يتغدى هنا معانا وخلاص. 

نادر :سبحان الله ...مش لسه ماكنتش طايقه؟

ماهر :لا انا مش بطيق جنانه ولا بستحمله بس هو بحبه .

نادر بصله ورفع حاجبه وهو بيقوم عشان يطلع اوضته يغير هدومه واتكلم :

خلاص اتصل بيه انت طالما بتحبه بالشكل دا، انا اتخانقلك معاه ماشى لكن اتصل واصالح لأ. 

...يتبع

إلى حين نشر الفصل الجديد للكاتبة ريناد يوسف، لا تنسى قراءة روايات و قصص كاملة أخرى تضمن حكايات وقصص جديدة ومشوقة حصرية قبل نشرها على أي منصة أخرى يمكنك تفقد المزيد من قصص وروايات و حكايات مدونتنا رواية وحكاية

رواياتنا الحصرية كاملة