رواية رومانسية جديدة شوق الجزء الثاني

تنشر حصريًا على مدونة رواية وحكاية قبل أي منصة أخرى

رواية شوق الجزء الثاني

 رواية جديدة قيد النشر

من قصص و روايات 

الكاتبة أسماء عبد الهادي

الفصل الواحد والستون

تم النشر الأحد 

18/5/2025

شوق كانت قاعدة على نار منتظرة اي اتصال من مالك يطمنها على ادم 

چيب العواقب سليمة يارب... يارب يلاقوا ادم قبل ما وعد تحس بحاجة وتعرف اللي حصله... يارب سلم يارب 

كانت عمالة تدعي وتناجي ربنا انه ينقذ ادم ومتعرفش انه قاعد فوق مع وعد في اوضتها 

في اوضة وعد 

كانت عمالة تحط ليه الكمادات وتقول 

ادم حاول متتحركش كتير علشان متتعبش واثبت بقا علشان الكمادات بتقع مش بتثبت على دماغك 

ادم 

يا بنتي اني كويس والحمد لله مفياش حاجة 

وعد 

مفكش حاجة ايه انت الكلب عضك فاهم يعني ايه 

ادم 

داي غضة بسيطة سطحية زي ما قولتلك كان فعلا مستعد يفترسني وكنت هروح في خبر كان لكنه قدر يتعرف عليا في اخر لحظة والعضة بقت تعبير عن حب وشوق وحنين 

وعد 

نعم ...الكلب!! 

ادم 

ايوا مالك مستغربة ليه الكلب ديه اني اللي مربيه من زمان لقيته ف الشارع كان جرو صغير جعان جبته وربيته واهتميت بيه لكن الدهشان اول ما شافه وشاف قوته وشراسته مع الكل الا معايا طبعا عجبه واخده ليه لكن الكلب فضل بيكن ليا الامتنان والعرفان من وقتها 

وعد 

طب ازاي بتقول كدا والدهشان فكرك ان الكلب عضك ورماك في اوضة وياه 

ادم 

الدهشان ميعرفش انه الكلب بتاعي ثم اني مثلت اني اتغضيت بجد وفضلت اصرخ من الألم قدامهم لدرجة ان الكلب صدق فعلا أنه عضني وفضل يحوم في المكان ويزمجر بغضب وحزن علشاني 

الدهشان انطالت عليه الحيلة وفكر الكلب شرس وبيعاملني بشراسة فأمر بحبسي والكلب معايا علشان يكمل عليا 

ضحكت وعد 

ههه وميعرفش أنك والكلب اصحاب وأنه اضحك عليه 

ادم بالظبط أكده 

وبعدها كان امره سهل قدرت اخرج من المكان بسهولة واتخطى رجالة الدهشان من غير ما يشوفوني ومش صعب عليا ديه اني ادم مش اي حد 

وعد 

حبيبي يا جامد انت .. بس بردو مهما حصل لازم تاخد المصل واساسا انت سخن وشكلك تعبان انت اتعضيت يا ادم انا هروح اقتل الكلب دا حالا 

ادم 

لالا اوعي 

وعد 

ايه خايف على الكلب ومش خايف ع قلبي اللي خايف عليك

مسك ايديها وقال 

حبيبة قلبي انا كويس والله متقلقيش وبالنسبة للمصل انا كنت باخد لقاح مضاد لعضات الكلاب بحكم مهنتنا احنا معرضين لدا في اي وقت علشان كدا اللقاح دا امر طبيعي وكل لما مدته تخلص بجدده ومتقلقيش هبقا اروح المركز واطمن واطمنك ان شاء الله.. دلوقتي بس محتاج فونك اكلم مالك لاني بعتله إشارة استغاثة وتلاقيه قالب عليا الدنيا 

وعد 

اوك ماشي اتفضل فوني اهوه كلمه 

مسك ادم الفون وبدأ يدور فيه لكنه ملقاش اسم مالك فقال 

انتي مسمية مالك ايه على فونك 

وعد بمكر

ميدو 

ادم بغيرة 

ايه سمعيني تاني كدا 

ضحكت وعد 

اكيد مسمياه مالك هسميه ايه يعني 

ادم 

اه طيب بحسب... بس انا مش لاقي اسمه عندك 

وعد 

مكتوب بالانجلش يا ادم 

ادم 

ليه يا ختي النبي عربي ها اكتبي بالعربي العربي قصر معاكي في حاجة 

ضحكت وعد 

ههه حاضر 

ادم 

مين نودي قلبي دا كمان 

وعد 

لا دا حد كدا ملكش دعوة بيه 

ادم 

وعد !! 

وعد ضحكت اكتر 

يووه انت محدش يهزر معاك دا خالو مهند حبيبي 

ادم بغيرة اكتر 

وعد 

وعد 

خلاص خلاص خالو مهند بس انت كدا ارتحت 

ادم مثل الجدية والحزم 

حسابي معاكي بعدين لما اكلم مالك 

ضحكت واتحركت من مكانها وادم كلم مالك 

لكن فجأة وعد صرخت 

بصلها ادم بسرعة ايه فيه ايه 

وعد برعب 

عااا الكلب بيبصلي 

ادم ضحك وقال 

مش يمكن معجب 

وعد بصتله بصة نارية

ادددم؟؟ 

ادم 

اسف اسف وربنا انا اللي معجب ولهان 

هنا انفجر مالك اللي كان هيموت من القلق على ادم لكنه اول ما سمع صوته واتأكد ان ادم بخير وف امان زعق وقال 

انت يا بني ادم انت احنا قالبين عليك الدنيا وقالبينها مناحة وخايفين عليك من داء السعار وانت عمال تحبلي وتتغزلي في مرااتك انت ايه يا اخي مبتحسش 

ادم ضحك 

ههه آسف اني قلقتك عليا انا كويس هبقى احكيلك على كل اللي حصل 

مالك 

يا سيدي اعمل ايه باسفك دا منك لله مصر كلها بتدور عليك يا غبي ما علينا حمدا لله على سلامتك وانزل تحت طمن ماما شوق وطنط هناء يلا 

ادم 

يا متخلف انت ازاي تقلقهم عليا بتقولهم ليه 

مالك

يا عم في حاجات كتير فاتتك انزل بس انزل وانا هكلم الفرق ترجع المركز وهجيلك 

ادم 

طيب ماشي 

وبالفعل نزل ادم مع وعد وع السلم قالت وعد 

ادم احنا هنسيب الكلب ف البلكونة فوق كدا!! 

ادم 

ايوا عادي ايه المشكلة هيزعل ولا هياخد ع خاطره اني سبته لوحده!! 

وعد 

لا يا ذكي مش كدا هيبهدل بلكونتي وانا مش حاباها تتبهدل 

ادم 

لاه من الناحية داي الكلب نضيف جدا اني معوده ع النضافة 

وعد 

ان كان كدا اوك 

هنا قالت شوق وبصت لهناء اللي قالت هي كمان 

كأني سامعة صوت ادم 

هناء 

اني بتوهم ولا ايه 

اتكلم ادم وهو واقف وراهم 

لاه مهتتوهموش اني اهو قدامكم بشحمي ولحمي 

شهقوا الاتنين بصدمة وفرحة في نفس الوقت 

ادم!! 

جريت عليه هناء واخدته في حضنها وفضلت تبوس فيه حمدا لله على سلامتك يا ولدي الف حمد والف شكر ليك يا رب انك نجيت ولدي الحمد لله الحمد لله ... قالتها وسجدت سجدة شكر 

ادم ابتسم وقال وهو بيبوس راس امه 

اني بخير ياما متقلقيش 

وقرب من شوق وباس راسها هي كمان 

حقكم عليا قلقتكم معايا بس الغلطة غلطة مالك بس لما اشوفه اللي يخليه يقلقكم ايه المعتوه ديه 

هناء 

ولدي انت زين!! الكلب عضك عملت ايه 

.ادم 

لاه ياما متقلقيش متعتبرش عضة ديه تحية شوق وحنين علشان كنت واحش الكلب ومشافنيش من سنين فالدهشان فكره عضني 

اخدت هناء نفسها وخرجته براحة 

طيب الحمد لله طمنتني يا ولدي اني كنت هتجنن عليك يا ضنايا 

ادم 

ان شاء الله تسلمي وتعيشي ياما..اني هستأذن منيكم ورايا شغل اكده هعمله 

شوق .. هناء ..ووعد قالوا في نفس واحد 

لااااء خليك ارتاح النهاردة 

ابتسم ادم وهز كتفه بقلة حيلة وقضى اليوم معاهم وبالليل راح المستشفى واطمن على نفسه علشان خاطر يطمن وعد 

الاخبار وصلت الدهشان ان ادم لقوه وانه كويس وبصحة كويسة 

فبسرعة البرق ركب وراحله عند بيت شوق 

ادم في الوقت دا كان بيتعشى مع عيلته وعيلة دكتور رائد اللي جه من شغله وعرف باللي حصل واتضايق انه اخر من يعلم لكن شوق هدته وقالت له انه بيكون عنده عمليات علشان كدا مرضيتش تقلقه و كانت هتقوله الا لما يرجع 

فقال ادم لامه 

 اومال ابوي فين ياما مشوفتوش النهاردة 

هناء بلعت ريقها بتوتر 

لان سلمان زعلان وحابس نفسه ف داره القديمة هناك ف البلد 

فقالت بكدب

وراه كم موصلحة في البلد هيعملها ويعاود 

في الوقت دا سمعوا صوت الدهشان 

ادم ادم ولدي... اوعوا اكده جبر يلمكم اني داخل لولدي 

ادم اول ما سمع صوت الدهشان عينه برقت واتحولت للأحمر زي الدم وقام بغضب وقال باهجة امرة 

وعد خدي امك وامي واطلعوا ع فوق حالا ومن غير مناقشة 

ومسك مسدسه واتجه لبرا في الحديقة واستعد لنزال الدهشان 

هناء حطت ايديها على رأسها 

ياختاااي الليلة داي مش هتعدي على خير واصل ادم مش هيسكت هيبهدل الدنيا 

خرج وراه رائد بسرعا 

اما شوق ووعد فراحوا يحطوا حجابهم ع راسهم بسرعة ويلبسوا حاجة مناسبة للخروج في الحديقة وحصلوا ادم برا 

ادم 

جاي اهنه كمان يا دهشان لاه وليك عين كماني 

دهشان بص لآدم بشوق وحنين 

ادم ولدي!!! 

ادم بغضب 

اسكت قطع لسانك اني ميشرفنيش اكون ولدك ابدا غور من اهنه بدال ما تغور على نقالة ومتقلقش حسابنا لسه متصفاشي 

الدهشان 

اني عارف انك مهتحبنيش وعتكرهني وليك حق اني جيت عليك كاتير وبهدلتك كتير بس اني معذور اني مكنتش اعرف انك ولدي يا ولدي

ادم 

عتخرف تقول ايه يا راجل يا مجنون انت 

هناء بلعت ريقها بضيق وخوف 

اني كان ينشل لساني قبل ما اقول الحقيقة يا ريتني ما قولتها يا ريتني ما قولتها 

الدهشان 

داي الحقيقة يا ولدي انت طلعت ولدي من هناء امك اني مكنتش اعرف اكده الا النهاردة بس وكانت احلى حقيقة عرفتها في حياتي 

انصعق ادم من اللي بيقوله دهشان وبص لامه فلقاها بتبصله وبتعيط بأسى وحسرة 

فكمل دهشان كلامه

اني زمان اتجوزت امك هناء .. كانت شغالة عندي ف السرايا في المطبخ فعجبتني وكنت عايزها لنفسي لكنها طلبت انه يكون بالحلال فاتجوزتها عند مأذون شرعي لكن من غير ما مرتي تعرف وفضل موضوع جوازنا ديه ف السر ... لحد ما مرتي عرفت وبهدلت الدنيا وعرفت وقتها انها حامل كمان في همام وطلبت اني اطلق هناء وامشيها من السرايا 

فطلقتها بالفعل واتجوزها بعد شهور العدة سلمان الجنايني لكنها كانت حامل وخبت عليا انها حامل فيك واني فكرت وقتها انك واد سلمان زي ما هي اوهمت الكل وكانت السبب انك تعيش بعيد عني وبعيد عن عز ابوك وجاهه ووجاهته 

ادم مكانش مصدق الل يبسمعه وكأنه في حلم عمره ما اتوقع انه يحصل ولا يتمناه حتى ف اسوء كوابيسه 

فبص لامه 

اللي بيقوله الراجل ديه صوح ياما!! 

هناء 

والله العظيم يا ولدي كنت متزوجاه على سنة الله ورسوله 

ادم 

عارف ياما انك شريفة وعفيفة بس اللي عايز اتأكد منيه انتي متأكدة اني مش واد سلمان الجنايني!! 

هناء 

لاء يا ادم انت واد الدهشان.

بصله دهشان بفرحة كبيرة 

اما ادم فرجله معرفتش تشيله فركع ع الارض بهم 

لا حول ولا قوة إلا بالله 

قرب منه الدهشان 

سامحني يا ولدي اقسملك اني هعوضك عن كل اللي فات وهعملك كل اللي نفسك فيه وعتحلم بيه اتمنى بس انت واني هنفذ 

ادم بصله بغضب 

مفيش حاجة عايز اتمناها دلوك غير انك تغور من وشي تختفي من قدامي ومن حياتي كلياتها... انت لا انت ابوي ولا اعرفك 

الدهشان 

جرحك مني هياخد كتير علشان يلتأم اني عارف حقك عليا 

ادم 

ولا عمرك كله هيكفيني 

الدهشان 

مستعد اعملك اي حاجة يا ولدي علشان تسامحني ورب الكعبة اني معزور ف اللي عملته معاك 

ادم 

اسمع متعيشش الدور اوي اكده انت يمكن تكون فعلا اتجوزت امي واني كنت نتيجة الجوازة المشؤمة داي لكن ديه ميديكش الحق انك تعتقد انك ابوي واني ولدك لاني عمري ما هعترف بديه ولو كنت اخر اب في الدنيا 

الدهشان 

انت عتقسى عليا اوي أكده يا ولدي 

ادم بسخرية 

وارثها منيك القسوة داي يا دهشان ولا عتنكر ان قلبك مهيعرفش للرحمة طريق ولا عمرك اشفقت على حد ولا رحمته طول عمرك راجل ظالم وياريت اكده بس انت مجرم وخاين لبلدك .. امشي لحال سبيلك وخليك فاكر انت لو وقعت في يدي ف اي قضية موتك هيكون على يدي فخاف مني 

قالها ادم ومسك ايد وعد وشدها بسرعة 

وخرج من المكان كله 

بعد حوالي شهر ع الاحداث دي 

كيان كانت نسيت احمد تماما وتخطت الموضوع تماما ومبقاش فارق معاها خالص 

لكنها في الجامعة شافت حاجة خلاها تفتح الموضوع تاني وتفكر فيه من جديد 

شافت احمد زميلها واقف وايده لسه زي ما هي متجبسة وواحد واقف معاه زيه بالظبط اللي يشوفه ميعرفش يفرق بينهم 

رمشت اكتر من مرة وقالت ف نفسها 

احمد ليه اخ توأم زيه بالظبط!!!! 

ولما تابعتهم الاتنين لقت احمد بيبص ف الكتاب اللي ف ايده وملامحه حزينة وباينة اوي ع تعابير وشه ومش داري باللي حواليه 

اما اخوه التاني اللي ايده مش مكسورة واقف يبص على البنات بنظرات وقحة 

هنا كيان فهمت كل حاجة وقالت في نفسها 

معقولة انا ظلمته!! واللي كنت بشوفه مع البنات دا اخوه التوأم ازاي انا مأخدتش بالي يمكن علشان انا مش ببص عليه كويس مجرد نظرات عابرة علشان كدا انا معرفتش افرق بينهم بس واضح دلوقتي جدا من استايل لبسهم كمان انهم شخصيتين مختلفتين تماما...طب وبعدين انا فكرته حد مش كويس علشان كدا رفضته وبعدته عن قلبي ودلوقتي بعد ما عرفت الحقيقة اعمل ايه... ما هو مش معقول هروح اقوله او احاول الفت نظره ... امم هو لو كان مهتم او مصر عليا كان قرر طلبه اكتر من مرة .. لكن لأ انا قولتها في وشه مباشرة اني مش موافقة ياربي هعمل ايه بس يارب لو هو الزوج الصالح ليا اجعله من نصيبي يارب 

قالها وقررت تمشي من الكلية بالكامل وهي حاسة انها متضايقة 

في العربية جالها اتصال من اياد 

كيان تعالي قضي معايا اليوم النهاردة قاعد زهقان لوحدي 

كيان 

ما تيجي انت البيت يا اياد بالله عليك تعالى نقضي وقت عائلي كلنا سوا 

اياد فكر شوية 

مم طيب انا جاي بس اعطي علم لبابا 

كيان 

لا مش هقوله انت بتستأذن علشان تيجي بيتك انت هتهزر يلا تعالى انا في طريقي لهناك 

اياد 

ماشي جاي

كيان 

ايوا كدا بابا لما يرجع ويشوفك جاي لوحدك من غير ما كل مرة يزن عليك هيفرح اوي 

اياد

 ماشي يا لمضة جاي واصلا محتاج اتكلم معاكي شوية 

كيان بلعت ريقها خافت يكون وصل لاخوها اي خبر عن احمد 

فقالت ااا تمام ماشي 

وبالفعل راح اياد البيت وفداء وخالد كانوا مبسوطين بيه جدا وبعد الغدا وبعد ما قضوا وقت ممتع مع بعض 

اياد اخد اخته ع جنب وفضلوا يتكلموا شوية فقالت 

كيان

 مش هتفتح الموضوع اللي كنت عايز تكلمني فيه!!! 

اياد 

وانتي كمان فيه حاجة عايزة تقوليلها بس مترددة مش كدا 

كيان بتوتر 

عرفت منين 

اياد 

عيب عليكي انا اخوكي وانا اللي مربيكي 

كيان 

طب قول موضوعك وبعدين اقولك اللي عندي 

اياد 

لا طبعا انتي الاول يلا اعترفي 

كيان 

اياد 

اياد 

ها يلا اتفضلي قري ومتخافيش مش هعمل فيكي حاجة هعلقك في المروحة بس ههه 

كيان ضحكت وحست ان يمكن جه الوقت انها تبوح بمشاعرها البريئة لاخوها لانها متأكدة انه هيفهمها 

اا في حاجة غريبة حصلت من فترة كدا 

اياد 

اتكلمي سامعك 

كيان حكت ليه على كل حاجة 

فاستغرب اياد 

اللي بتقوليه دا ولا ف الروايات 

كيان 

تصور !! 

اياد 

بس اللي انا حاسه انك معجبة بيه فعلا وزعلانة انك قولتي لا 

كيان

 مش هخبي عليك يا اياد احمد شاب كويس جدا ومحترم وكنت مصدومة فيه بس الحمد لله عرفت الحقيقة من غير هو ما يحاول يبرر حتى 

اياد 

ممم طب وبعدين هنحل المشكلة دي ازاي الواد مفكر انك رافضاه 

كيان 

مش عارفة الموضوع دا مضايقني اوي 

اياد 

نعم ياختي ويضايقك ليه هو راح يبقى مش من نصيبك وهيجيلك اللي افضل منه 

كيان اتنهدت بأسى وسكتت 

فقال اياد وهو مبتسم 

انا هحاول اقرب من احمد علشان اعرفه كويس وهو لقيته فعلا يستاهل اختي هعمل اللي اقدر عليه وابين ليه اننا مفكرينه واحد تاني ومش كويس فهيتشجع وهيتكلم تاني لو لسه عنده الرغبة يعني أنه يتقدملك ها ايه رايك 

كيان قامت من مكانها وباست اخوها 

حبيبي يا ايدو متحرمش منك ابدا

اياد 

ولا منك يا حبيبتي 

كيان 

ها دورك يلا 

اياد حب يتوه 

دوري ف ايه 

كيان 

اياد اتفضل اتكلم واظن الموضوع اللي هتحكي فيه خاص بعسل بنت عمو عساف مش كدا 

اتنهد اياد وقال 

ايوا يا كيان اسمعي عايزك تكلميها وتقوليلها تنساني وتشوف حياتها احنا مش مكتوبين لبعض 

زهلت كيان من اللي بتسمعه وقررت تعمل حاجة مجنونة علشان تساعد اخوها اللي بيحب عسل بس من وقت ما عرف حقيقته مبقاش عنده الشجاعة انه يتقدم لها 

فقالت لاياد 

تمام ماشي هقولها طالما دي رغبتك 

اياد 

ايوا يا ريت يا كيان علشان قلبي يرتاح 

❈-❈-❈

مالك كان قاعد في مكتبه بيخلص ورق قدامه فجاله ادم وهو بيشرب بيبسي بس طبعا مش مقاطعة 

فقال 

مالك تاخدلك بؤ!! 

مالك 

بؤ يا بخيل طب هاتلي واحد معاك افتكر صاحبك 

ادم 

 هو شحاتة وامارة ديه متوزع علينا والراجل كتر خيره جابلي واحد اكون طماع واقوله هات واحد لصاحبي 

مالك 

مين دا اللي بيوزع .. في المرور قصدك!

ادم 

لاه اهنه في المركز انت متعرفش ان سامي قرر يخطب خلاص 

مالك 

اخيرا النحس بتاعه اتفك .. عقبالي 

ادم 

ما انت متجوز فعلا يا بأف 

مالك 

بالله عليك اسكت يا ادم متفكرنيش... وبعد كدا شهق بصدمة 

تصدق انها لسه على زمتي انا نسيت تماما اطلقها شوفت غبائ يا اخي 

ادم 

كويس انك معترف انك غبي يا غبي انا ماشي رايح اجيبلي علبة كمان 

مالك 

خدني معاك يا عم 

وبالفعل راح مالك مع ادم 

واول ما دخل ادم غمز لسامي فهز راسه وفهم اللي ادم قصده عليه 

مالك 

مبروك يا عم سامي ايه داعي الكل الا انا ولا ايه 

سامي 

يا باشا انت اولهم طبعا هو احنا نقدر دا احنا يزيدنا الشرف 

مالك 

الله يخليك.. مبروك يا عم ها قولي اخترتها من نفس الكار بتاعنا ولا بعيدة عن المهنة!

سامى بمكر 

لالا دي زميلة هنا وانت عارفها عز المعرفة 

مالك 

كمان طب كويس مين اللي امها داعية عليا قصدي اللي دعيالها 

ضحك سامى 

ههه دمك خفيف يا باشا.. ع العموم هي الرائد مادونا 

مالك هنا وكأن حد مسكه طرف سلك وكهربه بيه 

مين!! 

سامي 

ها ايه رايك يا باشا اظن انك اشتغلت معاها فترة يعني عرفتها من قريب ها مش تستاهل !! 

مالك ملامحه اتقلبت ١٨٠ درجة وبص لسامي بغضب ومشي وسابه 

اما ادم فغمز لسامي 

برافو عليك يا سامي الحيلة انطلت عليه خلي الجبل يتحرك بقا دا قرفنا حمار ومش شايف 

سامي بخوف ع مادونا 

وبالنسبة للحمار... اكيد هيروح يتهور عليها هناك ما شوفتش وشه عامل ازاي 

ادم 

لااا من الناحية داي اطمن مادونا مش اللي يتخاف عليها ... هتردله القلم عشرة اصبر بس دا احنا هنستمتع 

سامي بهزار 

انت متأكد أن مالك صديقك الروح بالروح 

ادم 

طبعا بتسأل ليه 

سامي 

لا ولا حاجةيا باشا