رواية رومانسية من روايات وقصص الكاتبة روز أمين
رواية قلوب حائرة
الجزء الثاني

رواية جديدة 

تنشر حصريًا 

على مدونة رواية وحكاية 

قبل أي منصة أخرى

الفصل الثالث عشر

الجزء الأول

يا ساكنَ الوِجْدانِ هل لبحر غرامِكَ المُشـ.ـتعلَ حدودِ 

أنا كُلما شربتُ من عِشقِكَ المُسَكِرَ تَيَقَّنَتُ لنهايةِ الوصولِ 

لأدركُ باللحظةِ المواليةِ خطأى لتقديرِ مقامِ هَواكَ الشغوفِ

خاطرة مليكة عثمان 

بقلمى روز آمين 

❈-❈-❈

داخل حديقة منزل رائف وبالتحديد في العاشرة صباحاً،تجلس مليكة حول الطاولة المستديرة الموضوعة أمام حمام السباحة، يقَبَعُ صغيرها فوق سـ.ـاقيها وتُطعِمَهُ بعِنَايَةً،تقابلها الجلوس چيچي والتي أيضاً تُجلس صغيرتها بجانبها وتُطعِمُها

تحدثت چيچي بنبرة فخورة وإطرائية على تلك المليكة: 

-طارق فخور جداً بتصرفك وردك على عرض لمار 

واستطردت بإبانة على إستحياء: 

-بصراحة يا مليكة وبدون زعل،أنا كُنت خايفة للى إسمها لمار دي تأثر عليكِ وتغـ.ـريكى بالمكسب الخيالى اللي عرضته

أبعدت كأس الحليب عن فَمِ صغيرها ونظرت إلى چيچي بتعجُب وسألتها بحالة إستيائية ظهرت فوق ملامحها الرقيقة:

-هو إنتم ليه كلكم شايفينى واحدة هبلة ومن السهل إن أى حد يضحك عليها بكلمتين؟

إرتبكت چيچي عندما لاحَظَت شْجَنَ تلك الخلوقة وبنبرات صوتٍ مُهْتَزّاً أردفت أسفة بإِفْصاحٌ: 

-أنا أسفة يا مليكة لو ده اللى وصل لك من خلال كلامى،لكن صدقينى أنا ما أقصدش أبداً المعنى اللي وصل لك،أنا كُنت قلقانة علشان عارفة إنك إنسانة طيبة وبتتعاملى مع الناس بفطرتك وفاكرة إن كلهم بيتعاملوا بحُسن نية زيك

إبتسمت مليكة بمرارة ثم أخذت نفساً عميقاً وأردفت بتوضيح: 

-للأسف يا چيچي،كلكم واخدين فكرة غلط عني وماحدش فيكم عِرفنى ولا أكتشف اللى جوايا،فاكرين إنى علشان عايشة فى حالى ومابحبش أعمل مشاكل كدة أبقى واحدة هبلة ومش عارفة ولا فاهمة نفوس اللي حواليا 

واسترسلت وهى تنظر داخل عيناها: 

-لعلمك،أنا أكتر واحدة عارفة وكاشفة نفُوس كُل الناس القريبين من دايرتى كويس جداً،عارفة ليه؟ 

نظرت لها چيچي بتمعُن منتظرة تكملة حديثها فاستطردت تلك المليكة بإبانة: 

-علشان معظمهم شايفينى مليكة الطيبة اللى علي نياتها وبينسوا ياخدوا حذرهم وهما بيتكلموا قدامى،نظرات عنيهم بتفضحهم وبتكشف لى كُل اللى جوة نفوسهم البَشِعة 

واسترسلت بكَشَف:

-وأولهم لمار اللى فاكرة نفسها ذكية أوى،عاملة لى فيها نصيرة المرأة وكل ما تقعد معايا تكلمنى عن حقوقى النِسَوية وإنى إزاى قابلة وراضية على نفسي وعلى كرامتى أكون نص زوجة لياسين مع إنى ممكن جداً وبكُل سهولة أكون الوحيدة فى حياته لو طلبت منه يطلق ليالى

جحظت عيناى چيچي وسألتها بذهول:

-معقولة لمار قالت لك كدة؟

دى كدة بتقومك على ياسين وبتحاول تخلق مشاكل بينكم

إبتسمت بمرارة واسترسلت بتوضيح:

-هى طبعاً بتحاول تقنعنى إنها خايفة عليا وحابة تساعدنى على تغيير حياتى للأحسن 

واستطردت بإبانة: 

-وياريتها جت على كدة وبس،دى بتحاول تخلينى أتمرد على عِيشتى مع ياسين،بتقولى إزاى واحدة خريجة كُلية عريقة زى إعلام وتقعد تربى الأولاد فى البيت

ضيقت چيچي عيناها ووجهت لها سؤالاً بإستفسار: 

-وإنتِ رديتي عليها وقولتي لها إيه على تدخلها وقلة ذوقها ده يا مليكة؟ 

عقبت مليكة على سؤالها: 

-قُلت لها الحقيقة،أنا فعلاً عُمرى ما فكرت أشتغل،أنا واحدة بحب الهدوء وبحب أعيش حياتى مع اللى بحبهُم فى سلام،بحب أخد بالى من كل حاجة تخُص أولادى وأعملها لهم بنفسي،من أول تحضير الحمام لمراجعتى لدروسهم لحد الكوكيز والبيتزا اللى بيحبوها من إيـ.ـدى

رفعت كتـ.ـفيها وتحدثت بإستفاضة:

-أنا كدة ودى شخصيتى اللى راضية عنها بنسبة كبيرة،مش شرط علشان السِت تكون ناجحة تبقى موظفة،إنك تهتمى بأولادك كويس وتقدرى تحتوى جوزك وتوصلى ببيتك لبر الأمان ده كمان يعتبر نجاح كبير للسِت

عقبت على حديثها قائلة بتوافق: 

-معاكِ حق طبعاً وأنا كمان من رأيي إن النجاح مش مرتبط بالشغل برة البيت

ثم رفعت حاجـ.ـبيها بإستنكار واسترسلت بإستفسار:

-بس اللى أنا مستغرباه بجد هو إزاى لمار تتجرأ وتقـ.ـحِم نفسها فى حياتك بالشكل الجرئ ده؟! 

واكملت مُتعجبة: 

-طب ماخافتش من رد فعل ياسين لما يعرف؟! 

أجابتها ضاحكة بسخرية:

-لا،ما هى بسلامتها كانت مُعتمدة على شخصيتى المُسالمة وراهنت إنى مش هبلغ ياسين علشان ما أخلقش مُشكلة بينه وبين عُمر،وعلى فكرة،هى طلبتها منى بكُل بجاحة

واسترسلت موضحة:

-لما لقيت إن كلامها وتحريضها ما جابش معايا نتيجة،طلبت  منى ما أبلغش ياسين باللى حصل علشان ما يفسرش كلامها غلط،وقعدت بقى تبرر لى وتقول لى هى أد إيه زعلانة علشانى وكان نفسها تساعدنى في تعديل مسار حياتي للأفضل،بس طالما ده قراري فهى فهمت ده واحترمته

هزت چيچي رأسها باستسلام وتحدثت بريبة: 

-البنت دى مُريبة ومن الأخر كدة انا عُمرى ما أرتحت لها 

قطع حديثهما دلوف سيادة اللواء عز المغربى من البوابة الحديدية حيث إقترب عليهما وما أن رأهُ الصغير حتى قام بالتهليل وتحدث: 

-جدو حبيبي

إبتسم عز واقترب من مجلسهم وتحدث وهو يلتـ.ـقط الصَبى ويُسكنهُ داخل أحضـ.ـانهُ وأخذ يُمطرهُ بوابلٍ من القُـ.ـبلات الشغوفة: 

-أزيكوا يا بنات

تحدثت إليه مليكة بإبتسامة بشوش: 

-الحمدلله يا عمو

تلفت حولهُ باحثاً عن مالكة الفؤاد وتسائل مستفسراً: 

-أمال ثُريا فين يا مليكة؟

عقبت بنبرة أليمة ظهرت بصوتها: 

-ماما تعبانة شوية وبترتاح فى أوضتها 

إنتفض داخلهُ رُعـ.ـباً وهتف بذُعراً ظـ.ـهر فوق ملامحهُ: 

-تعبانة إزاى،إوعى يكون السكر إرتفع عندها؟ 

أجابته بنبرة حزينة مُتأثرة:

-إطمن حضرتك هى بخير،هى بس زعلانة ونايمة فى أوضتها من وقت ما خالو حسن سافر بالليل،أنا دخلت لها من حوالى ساعة وقعدت أتحايل عليها علشان تخرج تقعد معايا فى الشمس أنا وعز بس هى رفضت،قالت لى إنها مصدعة ومحتاجة تنام شوية وتريح جِـ.ـسمها 

هز رأسهُ متفهماً الوضع وتحدث مُطالباً: 

-طب إدخلى صحيها وقولى لها إنى قاعد برة مستنيها،وما تسيبيهاش غير لما تخرج معاكِ يا مليكة

واسترسل بإهتمامٍ شديد لاحظتاه كِلتَا الجالستان: 

-الهروب بالنوم والاستسلام مش كويسين علشان صحتها

أومأت لهُ مليكة بإيجاب وتحركت إلى الداخل لتُيقظ تلك الحزينة وجلس هو بإنتظار رؤية عيناى حبيبتهُ، وبدأ بإطعام الصغير عوضاً عن أمه 

❈-❈-❈

خطت مليكة بساقيها داخل المنزل وسارت بطريقها،ثم قامت بالطرقْ على باب حُجرة تلك الثُريا التى ظلت حبيسة لغُرفتها مُنذُ مُغادرة حسن المغربى وعائلتهُ ليلة أمس،فتحت الباب بعدما قامت بتكرار الطرقات عِدة مرات ولم تستمع إلى أية إجابة،تحركت على أطراف قدماها كى لا تُزعج تلك الغافية ووقفت بجانب تختها وهمـ.ـست: 

-ماما،ماما

حركت تلك الغافية أهدابها عِدة مرات حتى إستطاعت فتح عيناها الذابلة وهمهمت بنُعاس: 

-إمممم

عقبت مليكة بإبتسامة حنون: 

-عمو عز قاعد برة فى الجنينة وحابب يشوفك علشان يطمن عليكِ

تنهدت ثُريا وتحدثت بنبرة صوت مُتعبة للغاية: 

-قولى له إنك لقتينى نايمة،أنا تعبانة يا مليكة وحاسة إن جِـ.ـسمى كُله مهدود ومش قادرة أقوم ولا أتحرك من على السرير

عقبت على حديثها بإصرار: 

-وتفتكرى لو قُلت له كدة هيمشي،هو عارف إن حضرتك زعلانة علشان سفر خالو حسن،ومش هيتحرك من الجنينة غير لما يشوفك بنفسه ويتطمن إنك بخير 

تنهدت وسحبت جَـ.ـسدها لأعلى بإستسلام وتحدثت بإستفسار: 

-هما الأولاد جُم من المدرسة؟ 

أجابتها بهدوء: 

-لسة بدرى يا ماما،دى الساعة يادوب 11 

أمـ.ـسكت كف يـ.ـدها كى تُساعدها على النهوض وتحدثت: 

-قومى إغسلى وشك وتعالى إقعدى فى الجنينة معانا ونوريها،دى الشمس طالعة النهاردة والجو حلو أوى

إبتسمت ثُريا وأومأت لها بطاعة ثم تحدثت: 

-حاضر يا بنتى،إطلعى إنتِ وأنا هادخل الحمام وأغير هدومى وأحصلك 

أومأت لها بطاعة وبالفعل عادت إلى الخارج من جديد وبعد قليل كانت ثُريا تطُل من بوابة المنزل فى طريقها إلى الحديقة،تطلعَ عليها ذاك الولهان وككُل مرة يراها فيها إنتفض قلبهُ وأصابتهُ قشعريرة الهَوََى

وجد حالهُ يناول الصغير لوالدتهُ ويقف بهدوء من فوق مقعدهُ مُنتـ.ـصباً بوقفته ينتظر إِتْيانها عليه بعيناى مُتلهفةُ وإبتسامة حنون إرتسمت فوق شَـ.ـفتاه،أما تلك المليكة فكانت تُراقب تعابير وجههُ المُنبسطة وإبتسامة خفيفة إرتسمت فوق ثَغـ.ـرها ككَل مرة تراهُ يتطلع إليها بذاك الولهْ ذاتهُ،تحدثت تلك الرقيقة بعدما إقتربت على جلستهم: 

-أزيك يا سيادة اللوا

أجابها بنبرة يُغلفها الحنان مُتناسياً كِلتا الجميلتين: 

-بقيت كويس لما شُـ.ـفتك قُدامى وإطمنت عليكِ يا ثُريا

تحمحمت وألقت نظرة عاتبة علية حتى ينتبه على ما يخرج من فاههْ أمام الجميع ثم أردفت مع إشارة من كف يـ.ـدها:

-إتفضل إقعد

جلست ونظرت على چيچي واردفت بنبرة حنون: 

-كويس إنك جيتي قعدتى مع مليكة وونستيها يا چيچي 

إبتسمت لها وتحدث الصغير إلى ثُريا بطفولية:

-شُـ.ـفتى عزو شاطر إزاى يا نانا،شربت كُل اللبن وأكلت الكوكيز والمربى

إبتسمت له بحنان وتحدثت:

-برافوا عليك يا حبيبى،عزو أشطر ولد فى الدنبا كُلها

في حين تحدثت تلك الساندرا بتذمُر طفولى:

-وأنا مش شطورة نانا؟

إبتسمت لها وتحدثت وهى تُمـ.ـسك كف يـ.ـدها وتتلمـ.ـسهُ بحنان:

-مين قال كده،ساندرا كمان أشطر بنوتة

كان ينظر إليها بشَـ.ـفاهٍ مُرتعشةُ يقف على حافتها حديثاً يُريد من يسمح لهُ بالخروج،رصدت مليكة تلك الحيرة الساكنةُ بعيناه فأرادت أن تفسَح لهما المجال للحديث ببعضاً من الخصوصية،هبت واقفة وتحدثت إلى چيچي وهى تقترب من والد زو جها لتحمل عنه الصغير: 

-ما تيجى تقعدى معايا يا چيچي وأنا بعلم عزو وساندرا الرسم.

نظر لها وأبتسامة بلهاء خرجت من ذاك المُتيم،بَيْنَمَا وقفت چيچي حاملة طِفلتها هى الآخرى وسارت بجانب مليكة التي إبتعدت كثيراً كى تُعطى لهما فُرصة الحديث بحُرية،جلست فوق الأرض المفروشة بالنجيلة الخضراء وجاورتها چيچي والصغار

بعد قليل جلبت لها مُنى أدوات الرسم من الداخل،بسطت مليكة تلك اللوحة فوق الأرض وأمـ.ـسكت بكف يَـ.ـدها حفنةًُ من الرمال الملونة وبدأت ترسم بأصابع يـ.ـدها وتُحركُها بمنتهى المهارة والحِرفية لتُظـ.ـهر معالم رسمتها التى كانت عبارة عن حديقة مليئة بالزهور والأشجار وسماءً صافية تملؤها الفراشات المتطايرة،وبعضاً من الأطفال وهم يمرحون بسعادة،كانت تُحرك أصابعها بإبداعية عالية وكأنها فراشة تتطاير بين الزهور 

أما تلك الچيچي فكانت تتابعها بإعجاب وذهول من خفة يدها ولوحتها الجمالة التى ظهرت فى أبهى صورة،فتحدثت بإعجابٍ شديد:

-واااااو يا مليكة،شُغلك رائع،خسارة إنك ما تستغليش موهبتك دى وتظهرى فنك للعلن 

واسترسلت بتساؤل:

-ليه ما تعمليش قناة على اليوتيوب وتشتغلى من خلالها؟ 

واستطردت بنبرة حماسية: 

-أنا متأكدة إنك لو عملتى كدة هاتظهرى وتتشهرى في فترة قُصيرة وتنجحى وهايكون لك جمهور كبير ومُشجعين

إبتسمت لها ومازالت ترسم وتحدثت بدُعابة:

-ما أنا عندى جمهور فعلاً،مروان وحمزة وأنس وعزو وانتوا كمان 

ضحكت چيچي وتابعت النظر إليها ثم حولت بصرها إلى عز وثُريا وتحدثت باستحسان: 

-بحب علاقة عمو عز بطنط ثُريا جداً،علاقة أخوة من النوع النادر

إبتسمت مليكة بخفوت وعقبت على حديث تلك البريئة: 

-إخوة،هى فعلاً علاقة أخوة ونادرة زي ما قولتى

عودة إلى عز المغربى وثُريا،تحدث إليها بنبرة حنون وهو ينظر داخل عيناها الحزينة: 

-عاملة فى نفسك كُل ده ليه يا ثُريا،وإيه الحُزن اللى ساكن عيونك ده،كُل ده علشان سَفر حسن؟ 

تنهيدة حارة خرجت من صـ.ـدرها شقت بها صَـ.ـدر ذاك العاشق وأردفت بنبرة أظهرت كَمْ الألـ.ـم الساكن داخلها:

-أخدت على وجوده معايا يا عز،كان مالى عليا البيت هو وأولاده ومونسينى،كنا بنسهر كُل يوم لحد ما نصلى الفجر وبعدها نقعد نفتكر فى أيام زمان ونضحك من قلبنا،رجعنى لريحة الحبايب

وأنا يا ثُريا،ماليش أى تأثير للدرجة دي فى حياتك؟جُملة حزينة نطقها عز لأئماً بها ثُريا بعيناه

أجابتهُ بإبتسامة خَافتة: 

-إنتَ وعبدالرحمن ماليين عليا الدنيا ومعوضين غياب كُل الحبايب يا عز،ربنا يخليكم ليا،معوضنى عن بُعد حسن عنى،وعَلى وفريد اللى الدُنيا ومشاغلها لهياهم ربنا يقويهم 

إبتسم لها وتحدث ليُزيل عنها حُزنها: 

-طب روقى كدة وأنا إن شاء الله فى الاجازة هاخدك إنتِ ومليكة والأولاد ونسافر أسوان نقعد إسبوع نروق فيه دماغنا

ثم أردف بنبرة حنون: 

-يلا إضحكي بقى خلي شمس يومى تطلع

إبتسمت له بخفوت وهزت رأسها بإيجاب،أما تلك السَاكنة شُرفتها والتى خرجت للتو ووجدتهما على ما هُما عليه،كانت ترمقهُما بنظراتها الحـ.ـارقة،تنفست عالياً وبات صـ.ـدرها يعلو ويهبط تعبيراً عن شدة غضـ.ـبها وحدثت حالها بإشتـ.ـعال: 

-أعلم أن تلك الحقيـ.ـرة هى ساكنة الفؤادى مُنذ الصِغر أيها الأَشْمَطُ،لكن ما جعلنى أصمُت واتحمل أفعالكَ هو صد تلك الثُريا وعدم تجاوبها مع محاولاتك الصِبيانيةِ تلك

وحولت بصرها إلى تلك الثُريا وتحدثت بسريرتها: 

-أما أنتِ فصبراً أيتها الخَبيثة،أنا أكيدةً وكُلى ثقة بأن الفرصة ستأتى لى يوماً ما وأقسم انى سأستغلُها أفضلْ إستغلالِ لكى أتخلصُ من تلك الحياة وهذا التجمُع العائلى السخيف التى فرضتهِ علينا بموافقة ومباركة رجال المغربى،صبراً للجميع،فلستُ أنا التى تري إهانتها بأم أعيُنها وترضخ  

بعد قليل حمل عز المغربي حفيدهُ واتجه به فى طريقهُ للعودة إلى منزله فتحدث الصغير متسائلاً جدهُ بمشاكسة:

-جدو،هي نانا ثُريا ليه كانت بتعيط؟ 

علشان حَـ.ـساسة وعندها دم يا حبيبي...جُملة عقب بها عز على سؤال حفيدهُ الثِرثار  

طب وليه نانا منال مُش بتعيط أبداً؟سؤال جديد موجهاً من ذاك الفَطن شبيه أبيه 

إبتسامة ساخرة خرجت من جانب فَم ذاك العز الذي تحدث مُسْتَهْزِئً: 

-علشان الإحـ.ـساس ونانا منال عمرهم ما بيتقابلوا ولا هايتقابلوا،شتان ما بين الثرى والثُريا يا عزو

أمال الصغير رأسهُ بعدم فهم وتسائل مُستفسراً: 

-إنتَ بتقول إيه يا جدو؟

عزو مش فاهم حاجة

إبتسم للصغير وتحدث بنبرة ساخرة: 

-بشكُر فى نانا منال وبديها حقها اللى تستحقه يا حبيبي 

❈-❈-❈

داخل أحد المطاعم الفاخرة المتواجدة بمدينة الأسكندرية 

كانت تجاوز زو جها الجلوس وتحدثت بضجر وهى تتلفت حولها بتملُل وملامح وجة غير راضية: 

-ما لقتش غير المطعم الكئيب ده وتجيبنا نسهر فيه يا عُمر؟ 

واسترسلت مُتَبرِمة بإعتراض: 

-مش كفاية إنك ما رضيتش تحجز لنا في ديسكو زي ما طلبت منك

تنهد بأسي لحُزن زو جتهُ الجميلة وتحدث بتفسير وتنبية: 

-ديسكو إيه بس اللي عوزانا نسهر فيه وإحنا في رمضان يا لامى،إنتِ عاوزة الباشا يطربق الدُنيا فوق دماغنا لما يعرف

لاحت بيـ.ـدها بتذمر وضيق فاسترسل هو شارحاً بإستفاضة: 

-وبعدين يا روحي أنا إخترت المكان ده مخصوص علشان عندي موضوع مُهم وعاوز أكلمك فيه في جو هادى ومناسب

ضيقت عيناها باستغراب وتساءلت مستفسرة:

-موضوع إيه يا عُمر؟ 

أجابها وهو ينظر إلى ملامح وجهها مترقباً ردة فعلها متخوفاً من إحزانها: 

-موضوع الخِلفة يا لامي،Baba كلمنى من يومين وفاتحني في إننا لازم نجيب baby في أقرب وقت,نفسه يشوف لنا حفيد ويفرح بيه

إتسعت عيناها وظـ.ـهرت علامات الغـ.ـضب والضيق فوق ملامح وجهها وتحدثت بنبرة حادة مُتناسية حالها: 

-وإنتَ طبعاً جايبني هنا علشان تبلغني بأوامر بباك،مش كدة يا عُمر؟ 

واسترسلت سائلةُ بنبرة ساخرة: 

-وياتري الباشا الكبير قرر لي الميعاد اللي هاجيب فيه ال baby ولا إتعطف علينا وساب لنا مُهمة تحديد الميعاد؟! 

رمقها بنظرة حَادّة عِندما لاحظ سُخريتها من والدهْ وأردف قائلاً بنبرة تحذيرية صارمة:

-لمار،ياريت تاخدي بالك من كلامك وماتنسيش إن اللى بتتكلمي عنه ده يبقى Baba

شعرت أنها تخطت حدودها في الحديث عن ذاك المقدس لدي جميع أنجاله حتي ذاك الإمعة عديم الشخصية من وجهة نظرها،فأرادت أن تتراجع لإستقطاب تعاطفهُ معها من جديد ولذا تفوهت بنبرة مُتأثرة وعيناى يكادُ الدمع ينهمرُ منهما: 

-أنا آسفة يا عُمر،أنا أكيد ما قصدتش من كلامي أي تقليل من شأن الباشا،أنا بس صعبان عليا إنه بيفكر في الحفيد ومش عامل حساب لمشاعري ولوجعى اللي لسة بعيشه لحد الآن

واسترسلت وهي تستحضر دموعها بقوة لكنها خانتها وأبت بألا تنزل فاستطردت بتأثُر شديد: 

-أنا مش قادرة أتخطي اللي حصل لي يا عُمر،إنتَ مُتخيل اللي حصل معايا في وسط الصحرة؟ 

أنا إتعرضت لألا م الولادة وأنا لوحدى،بنتي راحت مني قبل ما أفرح بيها ولا حتي أخدها في حُضـ.ـنى زي ما كُنت بحلم،أنا عيشت أسـ.ـوء وأبشـ.ـع تجربة ممكن أى سِت تتعرض لها 

بنبرة مُتأثرة وعيناى حزينة تحدث بعدما بسط ذراعهُ ووضع كفهُ فوق كف يـ.ـدها الموضوعة فوق الطاولة:

-أنا أسف يا حبيبتي إنى فكرتك بالتجربة المُرة دى،بس علشان خاطري حاولى تنسي الموضوع ده وتتخطيه

واسترسل مفسراً: 

-وصدقيني لو الموضوع يخصنا إحنا الإثنين بس أنا عُمري ما كُنت هاجبـ.ـرك على أى حاجة،وما كُنتش هافاتحك في الموضوع أصلاً إلا لما إنتِ بنفسك تقرري ده 

لكن زي ما أنتِ عارفة، Baba بيتدخل في كل تفاصيل حياتنا حتي فى أبسط الأشياء،وأنا ما أقدرش أعارضه

واسترسل مستشهداً: 

-ده ياسين بجلالة قدره ما بيقدرش يخالف الباشا فى أي قرار بياخده

تنهدت بأسي مُصطنع وتحدثت بنبرة استسلامية: 

-خلاص يا baby,أنا علشان خاطرك إنتَ بس هاروح للدكتور اللي أنا متابعة معاه وهخليه يشيل لي الوسيلة،بس طبعاً الموضوع هياخد وقت

إنفرجت أسارير ذاك المسكين وتحدث بنبرة سعيدة:

-مش مهم الوقت يا baby, المهم إنك وافقتي من حيث المبدأ وقدرتي تتخطي الحادثة

أردفت قائلة بنبرة حنون للغاية وهى تنظر لداخل عيناه: 

-أنا عملت ده علشانك إنتَ يا عُمر،أهم حاجة عندي إنى أشوفك مبسوط حتي لو كان ده على حِساب مشاعري 

إشتدت سعادة ذاك العاشق وتحدث بولهٍ: 

-I Love you baby 

I Love you too ... أجابتهْ بعيناى عاشقة 

وامـ.ـسكت بكأس العصير وبدأت ترتشف منه وهى تُفكر فيما عليها فعله

❈-❈-❈

داخل حديقة منزل عز،كان يجلس مقابلاً لجلوس ياسين، تحدث بنبرة لائمة: 

-أنا ياما حذرتك ونبهتك منها وقُلت لك دور وراها يا ياسين

تحدث ياسين مُبرءاً حالهُ من لوم أبيه: 

-يا باشا أنا نفذت كُل اللى حضرتك أمرتنى بيه وقتها وأكتر كمان

واسترسل شارحاً باستفاضة مُذكراً والدهُ بما حدث فى الماضي: 

-بعد ما عُمر فاتح حضرتك في موضوع خطوبته منها أنا شكيت في الموضوع،ما هو بالعقل كدة،إيه اللي يخلي واحدة اتربت واتعلمت في لندن واشتغلت سنتين تسيب كل ده وفجأة كدة تقرر تنزل مصر وتستقر،لا وكمان أهلها يرجعوا معاها ويعيشوا في القاهرة وهي تختار إسكندرية بالذات وتيجي تشتغل فيها، وبالصُدفة كمان تطلع نفس الشركة اللي عُمر بيشتغل فيها

واستطرد موضحاً: 

-كل دي صُدف ما دخلتش دماغ رجل المخابرات اللي جوايا،وفعلاً خليت رجالتي في لندن يتتبعوا حياتها قبل كدة، ونتيجة البحث طلعت نضيفة وما قدرناش نمـ.ـسك عليها أى دليل ولا أى حاجة تخلينا نشُك فيها

واسترسل شارحاً: 

-وبرغم كدة أنا ماشلتش عيني من عليها لحظة،وقت حادثة الولادة تابعت الموضوع وتتبعته بنفسي،لدرجة إنى خليت رجالتي أخدوا عينات من الد م والماية اللي كانوا موجودين في العربية واتأكدنا من خلال الطب الشرعى إن فعلاً يخصوها وإنها كانت في حالة ولادة

وهز رأسهُ بحيرة واستطرد بجنون: 

-ولحد الوقت مش قادر أمـ.ـسك عليها أى دليل،كل حاجة لحد الآن هى مُجرد شكوك في دماغي،حتي جهاز التصنت اللي زرعتهُ لها في اوضتها هي وعُمر ما وصلناش لأي حاجة،كُل التسجيلات عبارة عن كلام عادي جدا بينها هي وعُمر وشوية رغي مع أمها وصديقاتها 

أردف عز قائلاً بنبرة مُستاءة: 

-طب وبعدين يا ياسين،هاتعمل إيه يا أبني،ده لو اللي شاكين فيه طلع صح تبقى مصيبة وحطت علي دماغنا،إنتَ متخيل حجم الكارثة يا ياسين؟ 

أردف ياسين بنبرة واثقة كى يُطمئن قلب أباه: 

-ما تقلقش يا باشا،الوضع مازال تحت السيطرة وأنا عامل حساب لكل حاجة،ولو اللى بنفكر فيه طلع صح،فأحب أطمنك إن قريب جداً هاتقع هي وكُل الكِـ.ـلاب اللي وراها 

واخوك يا ياسين؟...جُملة أليـ.ـمة خرجت من قلب ذاك المكلوم على صغيرهُ 

أجابهُ ياسين بنبرة قوية: 

-ماتخافش علي عُمر يا باشا،أنا عيني عليه حتي وهو نايم فى سريره

واسترسل وهو يبعث له إشارات طمأنة من عيناه: 

-طمن بالك وحاول تِهدى علشان صحتك ما تتأثرش 

هز له رأسهُ بموافقة،إقترب طارق عليهم وتحدث بوجهٍ بشوش: 

-مساء الخير يا باشا،مساء الخير يا ياسين. 

أشار لهُ عز بالجلوس بعدما ردا هو وياسين تحيته وبالفعل جلس

تابع قراءة الفصل