قراءة رواية عسل مالح الجزء الثالث كاملة

تنشر حصريًا على مدونة رواية وحكاية قبل أي منصة أخرى

قراءة رواية عسل مالح 3

من روايات وقصص 

الكاتبة أسماء عبد الهادي

الفصل العشرون

1

تم النشر بتاريخ السبت

 2/12/2023

الفصل الحادي والعشرون من رواية عسل مالح الجزء الثالث

أخبر عز صديقه راضي بكل الخطة من البداية 

طبعا انت عارف اني لا يمكن ومن سابع المستحيلات اني أتچوز غير نادين حتى لو هيا عارضتني وأصرت وقدام الكل وقالت لاه، ولو حصلت أني اخطفها واتجوزها غصب عن الكل هعمل اكده ومش هتردد ثانية 

ضرب راضي كف بكف وهو يقول بضجر من تفكير صديقه الطائش ذاك 

ياربي على البهيم اللي واقف قدامي دلوك وربنا انك محتاچلك كم كف اكده على قفاه يفوقوك انت متاگد انك عز ديه اللي واقف قدامي؟؟ 

عز بإصرار على ما يود فعله

يفوقوني من ايه يا واد عمي، اعمل ايه بس حب نادين داخل افقلبي ومتغلل لچوة كماني مهقدرش أطلعه ولو للحظة واحدة ديه أني معرفتش أخرجها من قلبي لمن عرفت بچوازها من اخوي قوم لما اعرف الحقيقة اخرجها منيه لاه والف لاه نادين ليا بعون الله وهفضل اعافر لحد ما أطولها وعلشان اكده اوهمت الكل اني اموافق على زهرة واولهم نادين اللي قدرت اشوف الحزن في عنيها لما عرفت اني خلاص هتجوز زهرة ومش ههخبي عنك يا واد عمي فرحت قد ايه لما شوفتها زعلانة والغيرة هتنط من عنيها بس بتحاول اتداريها وقتها طرت من الفرحة واقسمت اني هعمل كل حاچة واي حاچة علشان افوز بيها هي اوبس، علشان اكده اتفقت مع أحمد صاحبي ورفيق الدراسة اننا ننفذ الخطة داي وقت كتب الكتاب انه يتخفى ويبعتلي حد يشيعلني انه فيه راچل رايد يتحدت امعاي وروحنا أني وهو عند البحر وقصدنا نتعاركوا وهو ملثم قدام مجموعة من رچالتي اللي حمزة اصر انهم يكونوا امعاي في كل مكان اروحه خوفا من ندالة وغدر الواد چلال

لكني منعتهم انهم يتدخلوا ف عراكي ديه وفضلنا نمثلوا اننا هنتعارك ابحق وحقيقي ووقعنا في المية عند الدوامة، وبصراحة لولا الواد احمد ديه شاطر في السباحة كنا روحنا ف خبر كان لان الدوامات كانت شديدة جوي ولما لقينا الكل اتلبخ بقربنا عند الدوامات دي غفلناهم وخرچنا وطبعا احمد غير خلجاته وراح انضم تاني لابوي واخوي وباقي الرچالة واني اندليت عل اهنه علشان تشوفلي مكان اقعد فيه لحد ما ربك يحلها 

مط راضي شفتيه وهو يقول ساخرا 

يا فرحتي بيك انت وخطتك المنيلة ابنيلة داي وبعد اكده هتعمل ايه يا واكل ناسك انت، ديه زمان البلد كلياتها مقلوبة عليك ولا اهلك اللي ممكن ايروحوا فيها لو شكوا بس انك چرالك حاچة مفكرتش فيهم يا مخبول؟؟ 

تذكر عز والدته ونادين وقال 

ايوة صوح امي مهياش هتسكت لو عرفت بالخبر وهتفضل تندب ونادين خايف عليها تتعب علشان اكده عايزك تروح تندلى دلوك وتتطقس وتعرفلي الاخبار اهناك ايه وتاجي تطمني 

راضي وهو يدفعه بيده 

اندلى فين يا مخبول انت .. انت ناسي اني عريس اياك والكل مفكر اني عايش في دنيا غير الدنيا ومفصول عن العالم علشان اكده محدش هياچي ولا يستجرا يچيبلي أي خبر اكده ولا اكده الا بكرة الصبح فاتهد اكده وغور من اهنه واتصرف في مشكلتك لحالك أني فيا اللي مكفيني عاد منيش حمل چنانك ديه، بعد عني يا واد عمي متبقاش انت واختك عليا 

طالعه عز ليرى الهم ف اعينه فقال 

من ناحية مشكلتك داي متقلقش أني عارف اختي منيح وعارف مفاتيحها وازاي توصل لقلبها وهقولك ومهبخلش عليك في النصيحة ولا اللي عتعمله 

راضي بضجر

 لاه معايزشي منيك حاچة ولا عايز أعمل معاها ايتها حاجة ولا حتى مچرد امحاولة بس، أني مهجربش اختك انها اتعيش معايا وهي ما رايداشي اني مهرضهاشي أبدا، خلاص اكده الحكاية انتهت قبل ما تبتدي كان حلم جميل وراح لحاله لما صحيت منه على كابوس علشان اكده اني شهر ولا تنين وكل واحد ايروح لحال سبيله وربنا يسعدها ويصبر قلبي اني عارف حظي والحمد لله 

هتف عز باستنكار

كلام ايه العبيط ديه اللي عسمعه منيك لاه طبعا كل اللي عتقوله ديه غلط في غلط، هتتخلى بسهولة أكده عن حبك يا غبي 

هتف راضي باسى 

وايه فايدة الحب من طرف واحد يا واد عمي هي ميردانيش كيف يعني افرض نفسي عليها، لاه أني راچل عندي كرامة وهي قالتها صريحة مرايداش واحد زيي واني مهتحملش اكده واصل 

مط عز شفتيه بضجر واقترب منه كي يفهمه 

يا غبي افهم ليك حق تزعل وكرامتك تنقح عليك في حالة ان كانت البت في حد تاني شاغل بالها، انما دي بقرة معرفتش اتعبر صوح عن قصدها فاطمة لا حبتك ولا حبت غيرك ونفسها اتجرب الحب اللي عتسمع عنيه قبل ما تتچوز وموضوع اجبارها ع الچواز والطريقة اللي حوصلت داي، زاد عنادها اكتر وديه لانها دماغها كيف الحچر 

راضي بهم 

يعني أعمل ايه دلوك يا فهيم في اختك البجرة داي وعنادها ديه، اچيب راسها افقله نصين وارتاح منيها 

رفع عز حاجبه وقال بضجر 

عشان كنت املصلك اودانك اللي زي الميكروفونات داي، اسمع يا غبي انت، لاعب فاطمة على الشناكل وخليك انت الذكي

راضي بعدم فهم 

يعني ايه الاعبها على الشناكل داي ما تتكلم بوضوح هي ناقصة غباوة يا واد انت 

عز بضجر 

وربنا ما فيه غبي اهنه غيرك، بقولك البت عمرها ما حبت قبل سابق، يبقى خليها تتعلم الحب على يدك انت هتعرف تعملها داي ولا محتاچ حد ايعلمهالك هي كماني 

حك راضي ذقنه بتفكير 

ااا اعلمها ازاي داي، مأظنش اني هقدر افهمها بسهولة البت اختك داي بجرة ولسانها متبري منيها واني ممكن في لحظة غضب اهفها بونية على بوزها اوقعلها صف سنانك 

نهض عز من مكانه وهو يقول باستياء 

اني بقول تطلقها من دلوك وترچعها لأبوها وبلاش وچع دماغ، وربنا انت خسارة فيك النصيحة يا دبش انت 

 ردد راضي  بحيرة

 فيه ايه بس اني بقولك الحقيقة هو انت تايه عن اختك ولسانها اللي طوله شبرين 

عز 

ومتايهشي عنيك يا دبش ،بقولك عملها الحب  الحب يا جاهل خليها اتچرب نار الغيرة، وريها الحب بطريقة شوق ولا تدوق خليها تحس انها خسرتك وانك بعيد رقم قربك افهمت ولا افهمك 

راضي بتردد 

اا ايوة بس اني حاسس اني مهعرفش اعمل اكده يا عز 

عز بثقة 

هتقدر بعون الله، حط هدفك قدام عيونك واتوكل على ربك فاطمة لو شافتك من قريب عتحبك انت راجل طيب يا راضي وقلبك كله خير ومتأكد انها هتشوف ديه في يوم من الايام اصبر انت بس عليها وبلاش دبشك ديه 

راضي 

ادعيلي يا واد عمي ادعيلي 

عز متقلقش الموضوع محتاج وقت وهتكونوا زي السمنة ع العسل المهم طمني على امي ونادين يا راضي الله يرضى عنيك 

دفشه راضي بعيدا عنه 

واد انت بقولك ايه الصباح رباح هم بعيد عني يلا 

عز بهم 

مهقدرش انام وأني معارفشي فيهم ايه 

راضي 

وحتى لو عرفت هتعمل ايه ها هتظهر دلوك توظ خطتك اقعد اكده واهدى والصباح رباح 

عز طيب اتاخر اكده لما انام جارك اهنه اريح ضهري اللي اتقطم من العاركة والدوامات 

راضي وهو يبعده عن فراشه 

لاه وربنا ما يحصل ديه اني مقدرتش اچاور القمر قوم أچاورك انت يا حزين اتنيل ياد افرش ونام على الارض 

عز مدعي الانزعاج

بقا اكده يا واكل ناسك عتنيم ضيفك ع الارض هي حوصلت 

راضي وان كان عاچبك كماني بقولك ايه قوم غور من اهنه يلا 

عز وهو يفترش الارض 

لاه وعلى ايه هنام على الارض اني اللي چبته لنفسي 

في تلك اللحظة طرقت فاطمة الباب باب غرفة راضي 

فقال راضي مين 

فتطمة بتبرم 

مين ايه هو فيه حد اهنه في الدار غيرنا افتح يا راضي 

راضي بارتباك 

يخربيتك اختك هتشوفك اعمل فيك ايه 

عز طب أني هقف اهنه ورا الستارة وانت افتح وكلمها 

راضي طب مسمعلكشي حس معايزهاش تعرف باللي حوصل من اصله لاحسن تقلق ع امها وتصمم تروحلها دلوك 

عز ماشي متخافش مهفتحش خمشي اها 

فتح راضي الباب وقال بهدوء 

نعم يا فاطمة خير منمتيش ليه لحد دلوك

فاطمة وهي تنظر لداخل انحاء الغرفة

اا راضي هو انت حد امعاك اهنه في الاوضة دلوك 

 توتر راضى

اا حد حد مين يعني وهيكون حد امعاي في اوضتي عيعمل ايه.. اللي المفروض ايكون امعاي في اوضتي هو انتي مفيش غيرك 

تابع قراءة الفصل