قراءة رواية عسل مالح الجزء الثالث كاملة

تنشر حصريًا على مدونة رواية وحكاية قبل أي منصة أخرى

قراءة رواية عسل مالح 3

من روايات وقصص 

الكاتبة أسماء عبد الهادي

الفصل الواحد والعشرون

1

تم النشر بتاريخ الأربعاء

 6/12/2023

كانت تجلس على المقعد في الطرقة المؤدية لغرفة نادين بالمشفى تستند على الحائط بهم .. بعد أن تعب الجميع  من السهر ليلة امس سواء في البحث عن عز او في القلق بشأن اغماء نادين
فانخرطوا جميعا في نوم عميق بعد ان طمأنهم الطبيب باستقرار حالة نادين أخيرا 
الا هي لم يغمض لها جفن وقرة عينها غائب لا تدري عنه شىء 
انتبهت على هزة خفيفة من أحدهم وضع يده على كتفها وهزها برفق 
امه.. ست الدار .. يا بهية.. اني اهو قدامك 
ظنت انها تتوهم فنظرت تجاهه ببلاهة ومن ثم اعادت نظرها للأمام مرة اخرى وهي تقول 
فينك يا عز يا ولدي قلبي موچوع عليك 

هتف عز بعد أن شعر بمرارة ما فعله بأمه 
أني اهو قدامك ياما أني عز ولدك 

لم تكد تصدق ما تسمعه فمدت يدها تتحسسه بوجل وما ان ابصرته حقيقة 
حتى صرخت باسمه بفرحة 
عز ولدي ..الحمد لله انك بخير يا ضنايا.. طمنت قلبي عليك يا ضي عيني ورديت ليا روحي من تاني.. كيفك يا غالي طمني عليك 

اختضنها عز بقوة وهو يقول
اني بخير ياما والله اطمني تعالي بس ع جنب اهنه قبل ما حد يكتشف وجودي 

لتهتف هي بريبة 
ليه يا ولدي خايف من ايه كفا الله الشر 

عز 
اللي عملته ديه كان خطة علشان افلت من چوازي من زهرة يامه ساعديني يا ست الدار ولدك قلبه مرايدشي غير نادين اوبس ومفيش غيرها اقدر اتجوزه او قلبي يميل .. فمكانش عندي حل غير اني اعمل اكده 

بهية وهي تربت ع صدره
كنت حاسة اكده يا ولدي وهساعدك متقلقشي وهقف جنبك علشان تنول مرادك 

قبل يدها بحب 
ربنا يخليكي ليا يا غالية وميحرمنيش منيكي أبدا ، بقولك ايه اني عايز اشوف نادين ضروري لازمن اطمن عليها سلكيلي الطريق علشان ادخلها ياما 

هتفت بهية بانزعاج 
واه هتدخل ع البتة لحالك اكده لاه يا عز يا ولدي مهرضاش لأختك حتى لو كان ايه مهمن كان انت راچل غريب عنيها 

عز بأسى
 اعمل ايه ياما لازمن اشوفها واطمن عليها واطمنها عليا بعد اكده مهقدرش اشوفها تاني لانها هتسافر 

رددت بهية باشفاق ع ولدها 
ماشي ياولدي هدخلك ليها بس مش هوصيك يا ولدي اتقي ربنا فيها وغض بصرك انت عنديك اخوات بنات وخاف من عقاب ربنا 
ابتسم عز الدين لامه متخافيش ياما أني منتظر الحلال لانه هيكون ليه طعم تاني هطمن عليها وهخرج طوالي 

اخذته امه للغرفة التي ترقد بها نادين مستغلة نوم الجميع حتى فاتن كانت معها بنفس الغرفة لكنها تغط فى النوم

اقترب عز الدين من فراش نادين بشوق شديد وهتف بخفوت 
نادين.. نادين اصحي يا حبيبتي انا حبيبك عز.. انا جنبك اهو متقلقيش عليا عارف انك تعبتي ومتحملتيش خبر اختفائي لكني قدامك اهو بخير يا نادين متقلقنيش عليكي عفضل اندم نفسي لو جرالك حاجة بسببي 

فتحت اعينها لتجده امامها يرمقها بنظرات كلها شوق 
فقالت بفرحة 
عز انت كويس!

هتف عز بابتسامة لانها بخير
انا كويس طول ما انتي كويسة يا نادين..حقك عليا اني قلقلتك عليا بس انا عملت كدا علشان قلبي وكلي مش هيكون لحد غيرك يا نادين حتى لو فيها موتي، انا جيت اقولك اني مش هتخلى عنك حتى لو قولتيها مليون مرة مهيأسشي الا لما افوز بيكي وهلبي رغبتك ف انك عايزة تبعدي، هسيبك لحد ما تخفي وترجعي لسابق عهدك وهرجعلك تاني يا نادين انتي ليا  وبس مهما كلف الأمر ومهما طالت المسافات ما بينا ومهما عدى من الوقت خليكي على يقين بدا 

هتفت نادين بتأثر 
للدرجة دي متمسك بيا يا عز قلتلك انا منفع...

قاطع كلامها وقال 
اشش اسكتي بطلي كلامك العبيط ديه.. انتي ليا وبتاعتي من دلوقت.. ومفيش غيرك تملى عيني وقلبي ..وعلشان يكون في علمك لو سمعت ان فيه حد اتقدملك في غيابي هيكون اخر يوم في عمره 

رغما عنها ابتسمت لحديثه فقال 
واه ع الابتسامة اللي عترد الروح يا ناس.. اا لاه اني لازمن امشي قبل ما افقد زمام امورى والست بهية تكدرني، اسيبك في امان الله يا حبيبة القلب والعين خدي بالك من نفسك ومن صحتك عشاني واوعديني انك هنتظريني يا نادين ولا اقولك هتنتظريني غصب عنيكي علشان لو حصلت هخطفك وهتچوزك غصب

ضحكت هي واستعادت عافتيها قليلا وهي تهتف
مجنون 
ليهتف هو بحب 
مجنون بحبك انتي .. في امان الله 

قالها ورحل عنها سريعا قبل ان يشعر به أحد 
لتظل البسمة مرسومة ع شفتي نادين 
لتنهض امها التي استمعت لكلمات عز مع نادين فقامت واحتضنت ابنتها وقالت نادمة 
سامحيني يا بنتي انا اللي عملت دا كله فيكي من البداية انا السبب في كل اللي بيحصل سامحيني كنت مفكرة اني بعمل الصح ليكي من خوفي عليكي مكنتش اعرف اني كنت بعذبك ببعدك عن اللي بتحبيه، لكن بعد اللي عمله وبعد كلامه اتأكدت انه اجدر حد بيكي يا بنتي ربنا يجمعكم لبعض عن قريب 

تنهدت نادين بين يدي امها بأسى 
تفتكري انا ممكن اليق بيه يا ماما 

هتفت فاتن بتأثر 
انتي ست البنات يا نادين اوعي تفقدي ثقتك بنفسك هتكملي علاجك وتعملي عملية اعادة البناء وهتكوني زي الفل بإذن الله بس اوعي تسيبيه او تبعديه تاني عز عمل المستحيل علشانك مكافئة صبركم انكم تكونوا لبعض 

شددت نادين من احتضانها لامها 
عايزة اخف بسرعة وارجع طبيعية من تاني يا ماما علشانه 

فاتن بيقين 
هتخفي وهترجعي زي الاول واحسن وكله في ايدك انتي يا بنتي

 ❈-❈-❈ 

 

 
خرج عز لامه ثانية وقبل يدها 
متحرمش منيكي يامة يا غالية انتي 

قبلت هي الاخرى يده بحنان اموي

هتعمل ايه مع ابوك يا ولدي اللي عملته مهيعديش بالساهل 

الصفحة التالية