رواية جديدة 

زوج مؤقت

تنشر حصريًا 

على مدونة رواية وحكاية 

قبل أي منصة أخرى

 الفصل السابع

2

تم النشر الجمعة

1/12/2023

العودة للصفحة السابقة

❈-❈-❈

سليم: 

_أنا شايف أن الوضع هنا مش لازم يستمر

مراد :

_خير اي اللي حصل امبارح 

سليم؛

_دخلت في موجة عياط جامد وانا حاسس أن جواها بركان حزن، وممكن بعدها عنك وعن بيتها يدفعوها للكآبة أو يتطور وتحصل حاجة تانية 

مراد: 

_كويس أنها عيطت 

سليم في دهشة: 

_كويس!!

مراد: 

_أيوا أنا فاهم وعارف بنتي كويس عياطها دا آخر مرحلة في تعبها خلاص، عياطها دا زي ضريبة كدا بتدفعها علشان تثبت لنفسها أنه حب فريد ليها مات خلاص، لحظة حزن بنتي دي هي بداية نهاية القصة دي خلاص كدا، مع أن التعب والألم كله كان من نصيبها هي في حركة الندالة اللي عملها بس هي خلاص فاقت

سليم: 

_الحزن مش بينتهى بين يوم وليلة، وبعدين اللي عرفته منك أنها كانت مرتبطة ب الشاب سنين طويلة، إزاي في ساعات 

تجتاز دا؟؟ أظن أن الحسابات بتاعت المشاعر مختلفة عن اللي بتحاول تتمناه لها، العياط بتاع امبارح كان هستيري، كان شبه انهيار  

مراد: 

_دي مش حسابات مشاعر، نهال خدت الصدمة كلها في فريد، وصدقني بعد الصدمة مباشرة هو انتهي من جواها  كرامتها فوق اي شيء تاني، أنا عملت موال الفرح دا والجوازة دي بالذات علشان بعد كدا علشان لما تيجي سيرته قدامها ترفع رأسها 

وتقول انها خدت كرامتها قبل ما هو يفكر يهين عزة نفسها، كرامتها لما تواجه الناس بعد كدا وهي اللي تاركها غير لما تواجه الناس وهو اللي هربان منها ، بنتي نفسياً 

عاطفية بس عزت نفسها وكرامتها اغلى عندها من اي حاجة تانية

سليم: 

_أيوا بس في حاجات زي ما بيقولوا كدا لازم تتعالج بطريقة تانية جرح يتفتح ونتعامل معاه، بدل ما يتقفل ويتداري ونقول أنه خلاص خلصنا منه، أنا رأي  مش هو دا الحل

مراد: 

_ عارف لحظة لما حد يقولك أن حد تعرفه  مات  هو دا نفس اللي بتمر بيه نهال، عياط وحزن  صدمة بس بردوا هي عارفة أنه خلاص كدا مات انتهي خلص مش راجع 

سليم: 

_ايوا بس الوضع مختلف هنا مش دا الحل الصورة اللي انت بتتكلم فيها ناقصة كتير 

مراد 

  طيب في رايك اي الحل؟ 

ساد صمت بين كل منهم في حين تابع قال مراد :

_تعرف أن عزلتها هنا هتخلي جرحها يلم بسرعة، مش بيقولوا 

في البعد بتكون الرؤية احسن 

سليم: 

_اللي تشوفه 

مراد: 

_شايف أن كل حاجة كويسة لحد دلوقت وراضي كمان

أحضرت إيڤا صينية ممتلئة بالطعام وقالت وهي تضع أمامهم الطعام: 

_عشا خفيف 

نظر لها سليم في عمق ثم قال: 

_أي اكل يدخل بيتي هدفع حقه 

اعترضت إيڤا: 

_ما قلت قبل كدا أنا دقة قديمة، بمشي على عادات وتقاليد بتاعت ناس زمان أكل العروسة يا حبيبي هدية اسبوع كامل من الحبايب وأنا أول حبايب العروسة 

قال مراد وهو يضع يد على كتف سليم: 

_النبي قبل الهدية يا بني 

سليم وهو ينظر إلى ايڤا: 

_هي في عصمتي وتحت سقف بيني و  لحد ما تفارق البيت دا مصاريف البيت دا من جيبي أنا، أنا هقبل هديتك النهاردة وكفاية أوي كدا متشكرين  وان شاء الله ارد لك الهدايا مناسبات عندك علشان تعرفي بس اني كمان بفهم في الأصول 

تنهدت إيڤا ثم نظرت إلى مراد الذي قال في صوت حاسم: 

_خلا ص يا إيڤا

تجاهلت إيڤا النظر إلى سليم وقالت وهي تنظر في وجه مراد: 

_لا مؤاخذة يا بيه بس نهال خرجت من الحمام 

مراد: 

_طيب تمام 

ثم نظر إلى سليم وقال: 

_استنى هارجغ نتغدا سوا 

قبل مراد رأس نهال ثم احتضنها قائلاً: 

_الليلة عدت على خير, أنا عارف أن سليم راجل وجدع ويؤتمن 

نهال: 

_واضح انك عارفة من مدة بعيدة  

مراد: 

_موقف واحد بيني وبينه خلاني أعرفه كويس، المهم أنك بخير 

جذب يدها إلى الخارج وقال: 

_هنتغدا كلنا برا 

اعترضت نهال: 

_بس يا بابا أنا مش:::

قال الأب في حسم: 

_حبيبتي دا مجرد لقمتين  مع بعض مش قعدة مفاوضات ولا اتفاقيات للمستقبل  خلاص، أنا عامل كدا مخصوص علشان إيڤا كمان سليم 

جامد شوية ف تعاملاته وأنا عايز الاتنين يندمجوا 

لأن هو هيشوف إيڤا هنا الأيام الجاية كتير، أنا فاهم إيڤا متقمصة دور أمك وهو باصص لها انها 

دخيلة والوضع كله على بعض مش مريحني أنا 

علشان بس أحسس إيڤا 

أنها واحدة من العيلة وكمان سليم ياخد باله من النقطة دي 

هزت نهال رأسها علامة الموافقة ثم قالت وهي تفتح باب الدولاب: 

_ثواني بس احط جاكت على الهدوم 

(في منزل سمر) 

 تصفحت سمر بعض المجلات الخاصة بالنساء ثم توقفت أمام صورة لنهال وسليم وقرأت خبر زفافها ثم شهقت قائلة وهي تطلق ضحكة عالية: 

_أما خبر الموسم صحيح ضروري أكلم فريد وأعرفه،والله جدعة يا نهال والواد كمان أمور اوي ضربة معلم بصحيح 

دا كمان بيقولوا انه رجل 

اعمال 

فتحت اللاب ثم قالت وهي تبحث عن الاتصال مع فريد عبر النت: 

_لما نشوف سي فري هيكون رد فعله اي؟ دا أنا هاخد لقطة ل وشه اكيد هيكون كتكوت مبلول 

فريد: 

_هاي سمر 

سمر: 

_هاي يا مان اخبارك اي؟ 

فريد: 

_نط فاين(لست بخير) 

سمر: 

_ليه بس كدا دا انت هتاخد المعافاة من الضرائب والجمارك ويكون ليك ارباح  وبضايع غير لما تناسب بنت السينا تور 

فريد وهو يمط شفتيه: 

_ذا جيرل ( الفتاة 

سمر: 

_مالها الأمريكية بتدلع وعايزة دهب زيادة شبكة 

فريد: 

_سمر أتس نوط تيم  جوك( مش وقت  هزار

سمر: 

_أنا مش بهزر يا بيبي مالها الأمورة الشقرا

فريد: 

_مش ال تيب( موديل) اللي بفضلة 

ارتفعت ضحكة سمر ثم قالت: 

_عندي لك خبر حلو 

فريد: 

_وات

سمر: 

_مستعد 

فريد: 

_قبل ما تقولي كنت عايزة أسألك عن نهال 

سمر: 

_جهز شوب ليمون كدا وأدوية ضغط علشان الضغط لما يرتفع فجأةبيقلب ب جلطة

فريد: 

_اوف، أنت جري ل عقلك حاجة 

سمر:

_لا انت اللي هيجري لك حاجات متعبة  اوي 

 نهال اتجوزت يا فريد 

ثبتت سمر الكاميرا والتقطت عشرات الصور ل فريد وهو غير مصدق لما تقوله سمر التي تابعت: 

_عصر السرعة بقا اتجوزت امبارح من رجل اعمال وله شركات كتيرة ثواني بس اجيب  صورها اهي بدر منور وعريسها كمان أمور بشكل رجولة تمام 

هتف فريد في سخرية: 

_امبوسبيل( مستحيل) نهال مش هتتجوز بعدي 

سمر: 

_بقولك اتجوزت بس تعرف البت دي طلعت نمرة بصحيح دا ردها شديد اوي يا امريكاني 

مسحتك بجرة قلم وحطت مكانك راجل وقالت للكل هو دا اللي اخترته 

فريد: 

_أتس مستاك ( اكيد في غلطة ) مش نهال اكيد 

سمر وهي ترفع صور نهال أمام فريد: 

_دي نهال ودا باباها أهو والعريس، وفي صورة تانية لايڤا جنبها، وصورة شيري كمان هنا في وراها، شيري حضرن الفرح يا سلام تعرف لو كنت أعرف كنت رحت ف ساعتها ورقصت بنفسي ولحظة الجواز 

دا ما صدقوا خلصوا منك 

شوف الفرحة والضحك اللي في وشهم ولا كأنك كنت موجود في حياتها 

دا انا نفسي بدأت اشك انها حبتك في يوم، انت كنت متوقع أنها ترتمي في مستشفى وتجي لها حالة نفسية ودا يرضي غرورك شوية طبعا مقدرتش تطولها يبقى المرض ياكل جسمها وهي حية والدود ياكلها بعد الموت، مش هو دا اللي كنت منتظرة يا فريد؟ 

فريد: 

_دام اوف يو سمر( اللعنة عليك) تل يو أتس انيف( قلت لك كفاية 

سمر: 

_دي اللي أنا كنت خايفة عليها من الصدمة دي جابت للكل صدمة وشلل رعاش

فريد: 

_كفاية يا سمر

سمر: 

_بس كلمة حق تتقال لايقين على بعض اوي 

فريد وهو يطلق سباب بذيء: 

_قلت كفاية يا لا شاو 

اغلق فريد الاتصال في حين قالت سمر وهي تضغط على  كلمات حتى تترك رسالة له : 

_صورك الشلة كلها هتشوفها نظرتك اللي كلها فزع وكسرة دي 

هتتوزع على الكل هنا  علشان تتعلم الادب يا امريكاني، تاعب كرامتك اوي أنها محزنتش عليك ولو دقيقة، كان نفسك تتذلل لك مرة واتنين علشان ترجع لها أو تفهم منك سبب هروبك، كام نفسك تسمع صوتها وهي بتتوسل لك، بس هي عملت اللي مش بيخطر على بال حد، دي بدلتك زي ما تكون بترمي فردة شراب 

بايظة البت دي طلعت أستاذة في الدروس صحيح حريفة تأديب، بس الغريب أن مكنش باين عليها كل المكر دا 

أمسكت المجلة مرة ثانية ثم قالت وهي تنظر لها بإعجاب: 

_والله جدعة يا نهال  خدت بتاري وتارك من ابن الكلب دا، شابووه  مليون شابوووه

ليك يا بنت الناس