رواية رومانسية جديدة حرب نواعم 

(قواعد عشق النساء)

من روايات وقصص الكاتبة

 هالة محمد الجمسي

رفقي نظر إلى العمال ثم نظر إلى قاسم وقال:

_ازاي المكن يشتغل وحياة العمال كدا في خطر؟ ما هو مينفعش نمشي الضرر واقول برد الجميل, معلش يا حضرت العمدة في حاجات مينفعش فيها مجاملات٠ 

قاسم وهو ينظر إلى العمال:

_هو في حد فيكم انضر قبل النهاردة من المكن؟؟ في إصابة حصلت هنا؟ 

العمال وهو يشيرون بأيديهم:

_لا لا شهادة حق لا٠

قاسم وهو ينظر إلى رفقي:

_يعني انت اكتشفت الغلطة بتاعت المكن  من غير ما حد ينضر؟ 

رفقي وهو ينظر إلى قاسم في مكر:

_ايوا خدت بالي وانا واقف في اخر المصنع٠

نظر قاسم إلى رفقي في حدة وتابع:

_واول حاجة قلت لها أوقف الشغل؟ ولا جريت على المكن تحاول تشوف له تصريفه؟ 

أحد العمال وهو يقترب من قاسم:

_شهادة لله الباشمهندس أول ما شاف الخطر خاف علينا كلنا، هو كان واقف جنبي وبعدين بص على المكن  وقال أوقف يا رشدي المكن بدل ما ايدك تطير، وقفت في ساعتها٠ 

نظر قاسم إلى رشدي وقال:

_وبعدين!؟ 

رشدي إلى نظر إلى رفقي وقال:

_وقفت المكن لاني عارف ان الباشمهندس خبرة وواعي لكلامه٠ 

نظر قاسم إلى رفقي ثم إلى رشدي  وقال:

_وبعدين!؟ 

رشدي نظر إلى رفقي وقال:

_الباشمهندس طلب مننا كلنا نقف وقال يا لا برا علشان ميحصلش مصيبة هنا٠

قاسم نظر إلى رفقي وقال:

_وشوفت نسبة خطورة المكن؟ حاولت تصلحه؟ ولا سبته ومشيت؟ 

رفقي قال في لهجة ثقة:

_تعال شوف بنفسك المكن٠

قاسم في لهجة ساخرة:

_لا اللي هيشوف لازم يكون خبير زيه زيك يفهم فيه اي ويحاول مع المكن ويصلح منه٠

صمت قاسم دقيقة ثم 

نظر ل رفقي في عمق ثم قال:

_يا بمشهندس انت فاهم يعني اي مصنع يقف ساعة واحدة بس؟ عارف يعني اي خسارة؟ فاهم يعني اي ساعات بتعد مافيهاش مكاسب على أصحاب المال؟ انت راجل فاهم وواعي كويس اوي أن الوقف دا يعود بخراب على صاحب المال وبعدين على الرجالة اللي هنا،  ولو انت شايف أن خطر المكن  اكبر منك في ناس تانية هتيجي المصنع  وتصلح من المكن وتشغل المكن من تاني٠ 

وضع رفقي يده على يد قاسم وقال:

_طيب تعال معي دقيقة واحدة اوريك المكن واشرح لك٠

قاسم نظر إلى رفقي دقيقة فكر أن يعترض ولكنه وافق وهو يرى نظرات رفقي المتوسلة له، ابتعد قليل عن تجمهر العمال وقال:

_الموضوع مش موضوع مكن بايظ وأنا فاهم كدا باينة اوي زي شمس النهار، بلاش شكلك يبان وحش قدام الكل هنا لاني شوية وهرجع العمال بنفسي قدام المكن، وأنا كمان هقف قدام المكن واشغله، المكن اللي انت محاولتش تصلح عيبه دا لو كان فيه عيب زي ما انت قلت يا رفقي٠ 

رفقي وهو ينظر له في تردد:

_أنا بنفذ أوامر صحاب المصنع٠

قاسم في حيرة:

_يعني بنت زهران ابو المجد  هي اللي ادتك أوامر توقف المصنع؟ في أول يوم ليها هنا، انت مش واعي لنفسك ولا اي؟

رفقي وهو يقف على مقربة من المكن والخطوط الخالية من العمال:

_ صحاب المصنع ولاد زهران بيه جاسر وجلال٠

تأمل قاسم وجه رفقي ثم قال في لهجة تحذير:

_أنت واعي انت بتقول اي؟ فاهم حديتك دا معناه اي؟ 

رفقي نظر إلى قاسم ثم قال:

_ايوا واعي وفاهم بقول اي؟  أنا ماليش مصلحة في اني اشعلل فتنة، ومش هاخد حاجة من ورثهم، أنا عملت كدا وأنا فاكر اني برد جميل الراجل اللي م_ات، وعملت كدا من غير طمع في منصب ولا قرابة منهم، عملت كدا في وقت العقل فيه وقف ومشي ورا كلامهم أن هو دا النفع والصح للكل ولأسم أبوهم، و بردوا علشان زهران بيه الله يرحمه، علشان عشرتي وياه حق العيش والملح معاه أن المال يرجع للي هيكبره٠

هز قاسم رأسه في بطء شديد ثم قال:

_المال مع أصحابه يا رفقي، بنت زهران هي اخت جاسر وجلال، زهران الله يرحمه هو اللي كاتب ليها المصنع علشان تراعيه ويفضل اسم زهران ابو المجد في الصعيد، يا ريتك كنت فهمت أن مساعدة البنيه هو بردوا رد جميل لأبوها، وانك تحاربها بالشكل دا هو نكران جميل لابوها٠ 

رفقي قال وهو يطأطأ رأسه:

_ايوا بس::::

قاسم نظر له في عتاب ثم تابع:

_قدامك فرصة واحدة بس علشان تثبت لنفسك قبل اي حد أن غرضك كان خير وان دماغك في لحظة محسبتهاش صح، لازم تدي كلمة للعمال أن كل المكن بخير أو تسيب المصنع وتمشي لأن خليل هيجي ويقول للكل أن مافيش خطر على حياتهم، أنا واعي أن العمال ممكن ميصدقوش غيرك وكمان مش هيرتاحوا غير وياك، بس العمال ممكن يجوا غيرهم وممكن خليل يجيب ناس يشغلو المكن قدامهم وساعتها هتكون خسرت كتير اوي يا رفقي، خسرت مكانك هنا وخسرت كمان سمعتكش ضي ٠

رفقي في لهجة تحمل ندم عميق:

_انا هعرف اصلح كل شي، بس لي طلب عندك٠

قاسم في لهجة ثقة:

_بنت زهران مش هتعرف حاجة عن اللي قلته اطمن٠

رفقي في هدوء؛

_ساعات الواحد دماغه بتوه منه والصورة قدامه بتبقى مش واضحة أنا سمعت كلام جاسر وجلال وكان غرضي المصلحة كل كلامهم أن اختهم مش هتعرف تحافظ على المصنع و تسيبه لحد ما يفلس وان اي مشكلة هتقابلها هتسيب المصنع يغرق، وان العند والدلع اللي هي متربية عليه مخلينها عود طري، والمصنع محتاج إدارة صلبة علشان حقوق الناس،  وهما سايبنها ومش عايزن يزعلوها علشان عضم التربة، بس لازم نشوف مشاكل تعجزها من الأول وتخليها تسيب المصنع لاخوتها الرجالة علشان المركب تمشي صح، ما هو المركب ف الأصل بتاعتهم هما،  علشان كدا لازم تسيبه من اول يوم، أنا من اللحظة دي مش هسيب بنت زهران بيه، هكفر عن الذنب دا اللي عملته بحسن نية٠ 

قاسم وضع يد على كتف رفقي وقال:

_خلاص شوف طريقة واتعامل بيها مع عمال المصنع٠

رفقي في لهجة ثقة:

_هعمل دورة صيانة تخلى المكن إنتاجه اسرع من الأول، وهقول للعمال اني عدلت زوايا المكن وهو دا اللي كان عامل المشكل٠ 

قاسم في لهجة تحذير:

_قدامك ساعة واحدة بس وبعدين الاقي صوت  المكن شغال ومسمع البلد كلها٠ 

رفقي في حماس:

_اقل من ساعة والبلد كلها تسمع صوت المكن٠

( في مكتب ميرال أعلى المصنع) 

قاسم وهو يطمئن ميرال

_خلاص رفقي هيظبط زوايا المكن وكله هيكون تمام، ساعة زمن واحدة بس٠

ميرال نظرت له في امتنان وقالت:

_مش عارفة اشكرك ازاي؟ 

قاسم في نبرة تأكيد:

_لا شكر ليه دا انا اللي اشكرك قعدت مع العمال شوية،   بس بعد ما اليوم يخلص  أنزلي وسط للعمال و اشكريهم و كلميهم عن  المصنع بتاعهم زي ما هو بتاعك، وان مكتبك مفتوح ليهم لو في مشاكل او حاجة سريعة محتاجة تدخل٠

ميرال:

_عندك حق لازم ميبقاش في حاجز ببني وبينهم، أول يوم ليا هنا لازم يكون في ألفة وتعامل معاهم٠