قراءة رواية أبلة فلافل كاملة

تنشر حصريًا على مدونة رواية وحكاية قبل أي منصة أخرى

قراءة رواية ونوفيلا أبلة فلافل

من روايات وقصص 

الكاتبة أسماء عبد الهادي

الفصل الثاني

ثاني يوم الصبح في الفيلا كان احمد قاعد بيفطر مع ابنه سيف جرس الباب ضرب

 فتحت دادة حليمة و قالت 

_اهلا يا كريم بيه تفضل

 _ازيك يا دادا سيف صحي ولا لسه

_ اه طبعا صاحي من بدري وبيفطر هو واحمد بيه اتفضل ادخل لهم

_ حلو قوي انا كده حماتي بتحبني دادة حليمة ضحكت وقالت

_بالهناء والشفاء يا ابني

 كريم دخل اوضة في السفره وقال _السلام عليكم اللي ياكل لوحده يزور مش تستنوا كريم ولا انا يعني علشان غلبان ومقطوع من شجره محدش يقول لي تعال افطر يا كريم

 احمد ضحك وشاور لكريم انه يقعد وقال

_ اتفضل يا كريم اقعد

 وسيف قال 

_يا ابني انت مش هتبطل عمايلك دي وربنا امك لو سمعت انك بتقول على نفسك مقطوع من شجره هتخليك فعلا مقطوع من شجره وهتطردك من البيت

_خلاص يا ابني مكانوش كلمتين هزار _هزارك بايخ على فكره

_ يا باي عليك يا سيف انت الظاهر عايز تسد نفسي علشان مفطرش معاك بخيل ما انا عارف

_ لا يا اخويا على ايه اتفضل افطر واتجدعن علشان وراءنا شغل مش تفضل ساعتين بتأكل 

_ والله انا براحتي اكل لحد ما اشبع ولا عايز تقييمني جعان ولا ايه ما تقول حاجه يا عمي 

_ سيبه يا سيف ياكل براحته

_ والله انت عسل يا عمي مش عارف ابنك سيف طلع رخم كده لمين

_ بقا انا رخم يعني يا  كريم ماشي اما طلعته عليك في الشركه

_ لا يا ابني وعلى ايه خلاص ده انت عسل بلسم ...بلسم انت بلسم 

_كريم بقول لك ايه كل كل خلينا نمشي

 بداوا يفطروا 

فطروا ومشيوا وسيف كريم راحوا على الشغل وفضل احمد في الفيلا زي ما سيف طلب منه انه يرتاح

وفجأة جرس الباب رن راحت الداده  تفتح الباب وحسن قال

_ لو سمحت دي فيلا احمد بيه

_ ايوه يا استاذ هو مين حضرتك 

حسن شاور لها للاعلان وقال

_ انا جاي بخصوص الاعلان اللي في الجريده ممكن اقابله

_ طيب اتفضل اقعد هنا لما ادي البيه خبر

_ ماشي

 حسن قعد هو وتونا اللي كانت قاعده متوتره وبتحك في ايديها 

_بابا انا خايفة

حسن مسك ايدها وابتسملها بحنان

_انا معاكي متخافيش 

 راحت الداده وقفت جنب احمد وقالت

_ احمد بيه في ناس بره وبيقولوا انهم جايين بخصوص الاعلان اللي في الجريدة

 احمد قام بسرعه وقال

_ هما فين خليني اقابلهم بسرعه _قاعدين في الليفنج تحت

_ طيب تمام قدمي ليهم حاجه ساقعه لحد ما انزل

_ حاضر يا احمد بيه

احمد نزل واول ما شاف بنت واقفه مع راجل عينه لمعت ومش عارف ليه قلبه قاله انها هي بنته لكنه حاول يتماسك وقال بجدية 

_ اهلا وسهلا ممكن نتعرف بحضرتك _انا حسن جاي بخصوص الاعلان ف الجريدة اعتقد ان كل المواصفات اللي مكتوبه فيه موجوده في تسنيم 

 احمد بص لتسنيم  وتنسيم تبصله لاحمد وهي متوتره

 احمد سال وقال له_ انت تعرف البنت منين ممكن تحكي لي

 حسن حكى له  ازاي لقى تسنيم وهي صغيره  و رباها عنده لحد ما شاف الاعلان ده وجه وجه بيها على هنا

احمد وقف وعينه دمعت وقال_ بنتي حبيبتي اخيرا رجعتيلي يا نور عيني معقول انا مش باحلم اخيرا شفتك تاني قدامي.... ياه يا ما انت كريم يا رب 

قالها واخد تسنيم في حضنه وهي كانت محروجه قوي لانه بالنسبه لها رجل غريب ما تعرفهوش وبعد كده احمد قعدها جنبه قال لحسن

_ ليه في التوقيت ده جبت البنت هنا

 انا الاعلان ده باعمله تقريبا كل شهرين او ثلاثه معقوله انت اول مره تشوف الاعلان ده 

_بصراحه انا مش من هواه الجرائد انا شفت الاعلان بالصدفه لما حد من الزملاء عندي في المكتب كان بيتكلم عنه قدامي وبالصدفه حسيت ان المواصفات نفس مواصفات تونا بنتي _طيب انت ليه سايب تسنيم عندك طول الوقت ده ليه ما حاولتش تدور على اهلها 

_انا دورت كثير وما لقيتش لاهلها اي اثر وبصراحه انا خفت ما يكونش لها اهل وبعدين يودوها على ملجا او دار ايتام فصعبت علي وقلت اربيها انا عندي فزي ما حضرتك بتشوفه و بتسمع الاطفال بتعاني ازاي في الملاجئ ودور الايتام 

احمد نكس راسو وقال 

_صحيح عندك حق وبعدها قام بص لتسنيم اللي كانت قاعده ساكته وخايفه وقال 

_ايه يا حبيبتي مش هتتكلمي علشان اسمع صوتك

  قالت 

_اتكلم اقول ايه حضرتك

_لا حضرتك ايه انا بابا يا تسنيم وصحيح انتي مش اسمك الحقيقي مش تسنيم  انتي اسمك رغد

_ ايوه بس حضرتك لسه متاكدتش اني بنتك رغد مش يمكن يطلع تشابه في الصفات مش أكتر

_لا انتي بنتي انا متاكد انتي فعلا ضايعه مني وانت عندك ثلاث سنين زي ما حسن قال صحيح انتي ملامحك كلها تغيرت تماما لكني اقدر اشوفك واتعرف عليك بقلبي 

_ايوه بس انا مش فاكره حضرتك ومش فاكر اي حاجه خالص انا كل اللي اعرفه بابا حسن وماما حفيظة وبس

_ حبيبتي  كل الاحترام والتقدير ليهم  علشان ربوكي واهتموا بكي لكن انا في  الحقيقه ابوكي طول العمر ده كنت بادور عليكي

 حسن بص لها وهز راسه وقال _متخافيش يا تونا ده باباك دلوقت يا بنتي وانا برده هافضل باباك اللي يحبك ومش هانساك ابدا 

تسنيم حضنت حسن وقالت

_ ولا انا عمري ما هانسى حضرتك ابدا بعد كده احمد حضنها وفضل يعيط جامد ويقول

_ الحمد لله والشكر لله دلوقتي بس اقدر انام وانا مرتاح ان بنتي جنبي وفي حضني 

حسن قام وقف وقال

_ طيب انا استاذن انا بقى ومش  مش هاوصيك على تسنيم يا احمد بيه دي كانت كل حاجه في حياتي

 احمد بص لحسن بامتنان وطلع الشيك من جيبه وقال

_ انا متشكر لك قوي قوي ومش عارف اشكرك ازاي على اللي عملته لبنتي والشيك ده حاجه بسيطه كده عشان اعبر لك عن امتناني وشكر لك

_لا حضرتك انت بتقول ايه انا مش هاقدر اقبل الفلوس دي ابدا انا قلت لحضرتك ان تسنيم كنت باعتبرها بنتي عوضتني عن فقد نعمه الخلفه 

_عارف والله بس ده زي هديه بسيطه مني لك واتمنى تقبلها 

حسن اخذها وشكروا جدا وبعد كده سلم على تسنيم ومشي

 تسنيم قالت له وهي بتعيط _سلم لي على ماما جامد واقول لها انها هتوحشني قوي وانا مش هانساها وهاجي ازورها دائما

.

بعد ما حسن مشي احمد كان فرحان برجوع بنته 

وقال

_ تعالي يا بنتي لما اوريكي اوضتك اللي انا مخصصها لكي مخصوص وعلى طول باخلي الداده تنظفها

 طلعوا مع بعض للاوضه وتسنيم فرحت بها جدا لانها كانت اوضه جميله بعكس الاوضه اللي كانت قاعده فيها مع حسن لانهم كانوا ناس مش غنيه زي باباها

 تسنيم حست ان أحمد تعبان وحاطط ايده على قلبه فقالت

_ هو حضرتك تعبان

 فقال لها

_ لا بس من الفرحة  فرحان ان  اخيرا بنتي رجعتلي فتلاقي الضغط علي علي شويه من الفرحه ما تقلقيش هرتاح وهابقى كويس

_ طيب تحب حضرتك اوصلك لاوضتك

 _تسنيم انتي لسه بتقولي لي حضرتك ليه انا بابا يا حبيبتي

_ معلش انا لسه مش متعودة على الوضع وكده يعني

_ ماشي يا حبيبتي انا مقدر

 تونا وصلته لاوضته واخذ دواء ونام بعمق وراحه ان بنته رجعت له 

تونا تنهدت بعدها ورجعت لاوضتها وقعدت فيها وبعد كده خبطت الداده ودخلت

_ازيك يا بنتي انا مبسوطه انك رجعتي لعيلتك ثاني حمد لله على السلامه... انا دادا حليمه 

_اهلا بك يا دادا 

_ تسلمي يا بنتي انا قلت اجي اسلم عليكي بنفسي وارحب بيكي هنا

_متشكرا لك جدا

مشيت الدادة وفضلت تونا في اوضتها وبعد شويه حست بالملل فقررت انها تروح تشوف باباها فلقيته نايم فقفلت الباب بشويش وقررت انها تنزل تتعرف على الفيلا

وهي واقفه في الحديقه بتتفرج عليها 

_الله الحديقه جميلة اوي و فعلا مكان يرد الروح ...معقوله انا انتمي للمكان ده فعلا انا مش مصدقه نفسي انا حاسه اني باحلم بجد ياه.... الحمد لله

قررت انها 

قررت انها تسقي الزرع بنفسها فراحت للجنايني وقالت _عمو لو سمحت ممكن اسقي الزرع ده

_ اه طبعا اتفضلي ده خرطوم الميه استخدميه

_ تمام ماشي شكرا 

بدات تسنيم تسقي الزرع باستمتاع

 في الوقت ده جاء سيف من الشغل وما اخذش باله من تسنيم ودخل على اول كنبه تقابله وهو متضايق وبيقول _اوف انا دماغي صدعت التليفون ما بطلش رن من الصبح وكل ده بسبب الاعلان كل شويه واحده تتصل بي وتقول لي انها رغد وفي الآخر يطلع مقلب سخيف من الناس اللي بتحب تستظرف نفسها على حساب مشاعر غيرها.

تسنيم كانت خلصت سقي الزرع وطالعة اوضتها ومأخدتش بالها من سيف

فشافها سيف  معديه من قدامه فقال _اه دي باينها  الشغاله الجديده ... انتي يا.....

_ ايه انت بتكلمني انا حضرتك؟

 ايوه انتي اسمك ايه ؟

_انا تسنيم  وحضرتك مين

_ انتي لسه هتسالي ادخلي اعملي لي فنجان قهوه بسرعه انا دماغي هتنفجر من الصداع 

_اه حاضر سلامتك بس انا لسه ما عرفتش انت مين

_ هو انتي هتوقفي تحققي معايا بقول لك امشي بسرعه اعملي لي قهوه

 تسنيم كشرت وبصيت له بضيق لكنها على اي حال راحت تعمل له القهوه ورجعت له بسرعه وقالت

_ اتفضل 

شربها وقال

_ مش بطال بتعرفي تعملي  قهوه كويس... ماشي شكرا اتفضلي روحي انتي

 تسنيم هرشت في شعرها وقالت _غريبه مين ده وكان عامل نفسه صاحب البيت ده يطلع مين ده كمان معقوله ممكن يكون اخويا بس بابا ما جابليش سيره عنه او يمكن نسي من فرحته؟؟!

 جاءت تمشي فسيف قال

_ احمد بيه فين

_ نايم في اوضته

_ طيب خلاص انا هطلع اشوفه واطمن عليه وانتي قولي  لداده حليمه تحضر لنا الغداء 

تسنيم فضلت واقفه مكانها متحركتش وبتبص له باستغراب

 فتزعق لها

_ انتي بتبصي لي كده ليه هو انت طرشه ما سمعتيش انا قلت ايه

_ لا سمعتك بس انا بردو عايزه اعرف انت مين 

_هو انتي ليه بتكلميني كانك واحده من العيله مش حته شغاله فقيرة  قاعدة بتأخدي وتدي معايا ليه

تسنيم تضايقت وقالت

_ وايه يعني لما اكون شغاله فقيره هل ده يعيب مني او يقل مني علشان تتكلم معايا بالاسلوب ده

_ اه طبعا المفروض واحده زيك ما ترفعش عينيها في عين اسيادها

تسنيم اتضايقت وسابته ومشيت وقررت تدخل على المطبخ علشان تقول للداده تحضر الغداء وبعدها تطلع اوضتها هو زعق وقال 

_خذي يا بنت تعالي هنا انا لسه ما خلصتش كلامي لكن تسنيم معبرتوش ودخلت المطبخ

فسيف قال

_ انا هاوريكي ان ما كانش ده اخر يوم لك هنا مبقاش انا سيف.

فلة واقفة على عربية الفول فشافت الست حفيظة ماشية مطأطأة راسها وباين على وشها الحزن، فسابت اللي في ايديها وراحت عندها وابتسمت وقالت

_ايه يا خالتي حفيظة اللي اخد عقلك 

رفعت حفيظة و شها لفلة وحاولت تبتسم 

فقالت فلافل بمرح

_ياااه كل ده علشان البت تونا وانا اللي كنت مفكرة انك هتكسري وراها قلة يا خالتي

ابتسمت حفيظة بمرارة وبعدها عيطت وقالت

_البت هتوحشني اوي ده انا اللي مربياها بين ايديا العمر ده كله... يعني انا أمها

طبطبت فلة على كتفها وقالت_ طبعا انتي الكل في الكل وتونا بتحبك اوي، وزي ما انتي شايفة مكانتش عايزة تمشي وانتوا اللي اصريتوا عليها بده 

_ايوة اومال ايه تفضل معانا تعمل ايه، تروح لأهلها وتكون وسط ناسها، وكمان أهي تعيش عيشة حلوة بدا الفقر اللي كانت عايشة فيه طول عمرها يا حبة عيني

_بس كان على قلبها زي العسل يا خالتي ومتقدرش تستغنى عنكم أبدا

_ربنا يسعدها يارب ويصلح حالها، هو انا عايزة ايه من الدنيا غير اني اشوفها سعيدة ومرتاحة 

ضحكت فلة وقالت

_اسكتي يا خالتي انا عرفت انتي ليه عاملة الشوتين دول أكيد علشان ساندويتشين كبدة من بتوعي اللي ..اي حد يدوقهم ميقدرش يقاومهم، حاضر هجيبلك من عنيا، بس كنتي قولي بدل السح والحوار ده كله 

ضحكت حفيظة وعرفت ان فلة بتحاول تخرجها من اللي هي فيه وحزنها عن بعد تونا.

فقالت فلة

_الله يسعدك يا خالتي يارب

وفجأة لاحظت فلة حاجة غريبه فقالت

_استنى كدا لحظة يا خالتي

واتسحبت وقربت من العربية لقت ايد بتتمد براحة وبتسحب ساندويتش كبدة 

فمسكت ايده وقالت

_مسكتك يا فار يا حرامي الكبدة يا صايع، طب كان عندك بواقي الأكل خده وانت ساكت انما اقول ايه فار وعبيط كمان

شدت إيديه وهو حاول يداري وشه علشان فلة متتعرفش عليه 

لكنها قدرت تتعرف عليه واول ما شافته شهقت وقالت

_ينيلك يا واد يا حموكشا انت بتسرق اختك يالا يا خسارة تربيتي فيك، تربية هم ورب الكعبة ما سايباك النهاردة

يُتبع..