قراءة رواية أسود الداخلية كاملة

تنشر حصريًا على مدونة رواية وحكاية قبل أي منصة أخرى

قراءة رواية أسود الداخلية

من روايات وقصص 

الكاتبة أسماء عبد الهادي

الفصل العاشر

الكل جهز علشان يخرجوا كلهم سوى وفضل بس في البيت قصي وعدي 

 وقبل ما يمشوا قصي قال لمازن 

_ ولا مش هوصيك على منة والبنات فاهم 

مازن

_ دول في عينيها ياقصي متقلقش

قصي لأدهم 

_ أنا مش قلقان إلا من الواد دا 

ضحك أدهم 

_ متقلقش أنا هعدله لو حسيته اتعوج أومال أنا رايحة معاه ليه 

_ بالظبط علشان كدا فضلت إن عدي يفضل معايا هنا وإنت اللي تروح معاهم 

مازن لوى شفته 

_ الله يبارك فيك ياقصي إنت وأدهم هي دي كلمة مبروك.. ماشي ماشي إبقوا افتكروها 

وركبوا العربيات ولما وصلوا للمكان المطلوب دخلوا كام محل علشان يختاروا منهم 

مازن 

_ المحل دا فيه حاجات تحفة أوي منة إيه رأيك ندخل نختار 

منة بصوت خافت 

_ ماشي 

مازن 

_ لو معجبكيش حاجة قولي متتكسفيش حتى لو هنلف على محلات مصر كلها محل محل علشان أجيبلك اللي إنتي عايزاه ويدخل دماغك مفيش عندي أي مانع

لينا سقفت 

_ أيوه بقى سيدي ياسيدي إوعدنا يارب 

ضربها أدهم على دماغها 

_ لينااا 

حطت لينا ايدها على دماغها 

_ اااه هو إيه أصله دا محدش يعرف يهزر في البيت دا بهزر والله 

أدهم بضيق

_ طب نتلم بقى إحنا مش في  البيت ها 

لينا 

_ حاضر آسفة يا أبيه 

مازن 

_ خف يا أخينا النهاردة يومي ها مش عايز عكننة يا خميرة العكننة إنت

لينا 

_ قوله يامازن 

أدهم 

_ طب اتحركي ياختي إنتي وهوا

وفضلوا يلفوا على محلات كتير 

لحد ماحنان ونادية تعبوا من اللف فقالوا 

_ لااا إحنا هنستناكم في العربية وإنتوا عيشوا مع نفسكم بقى واختاروا براحتكم 

أدهم بملل 

_ معاكم حق فعلاً أنا ايه اللي جابني معاهم دول.. تعالوا نستناهم في العربية لحد مايخلصوا دا لسه بيقول فستان وشوز وبقيت المستلزمات.. أنا كدا انضحك عليا أنا جاي على أساس خاتم وراجعين 

مازن 

_ أومال إنت فاكر إيه يابني اتعلم علشان متبقاش لخمة وتكسفنا 

أدهم 

_ ولا إتعدل وشوف اللي وراك انجز 

مازن 

_ أيوة فعلاً أنا بقول تخليك في العربية وتحل عني 

أدهم 

_ عينيك على البنات إنت فاهم 

مازن 

_ ماشي ياعم بتوصي عيل يعني ما خلاص قلنا في عينيا وهجبلهم كل اللي يحبوه 

سمر

_ مازن أنا عايزة آيس كريم 

أدهم 

_ لا 

سمر

_  هو إيه اللي لا 

أدهم 

_ آيس كريم لا 

سمر

_  ليه يعني هو حرام 

أدهم 

_ مش هتأكلي آيس كريم في الطريق والناس تتفرج عليكي متبقيش طفسة وعيلة

سمر 

_ أنا مش طفسة على فكرة ولا عيلة ولو سمحت متقولش عليا كدا 

مازن 

_ خلاص ياسمر متزعليش حقك عليا أنا... أدهم في إيه طلعت فيها ليه كدا

أدهم بحدة 

 _ لما تخلصوا وتركبوا نبقى نجبلها في العربية ماشي .. خلص الكلام ومش عايز شغل أطفال هنا إنتوا آنسات كبار لازم تفهموا دا وتراعوا تصرفاتكم برا البيت 

قالها ومشي راح على عربيته 

سمر بصتله بضيق 

مازن 

_ خلاص ياسمر هجيبلك اللي إنتي عايزاه في العربية ها 

سمر بهدوء 

_ ماشي يامازن شكراً ليك 

مازن 

_ وعايزين إيه كمان اجيبهولكم شوكولاتة!! 

لينا 

_ دا شىء أساسي ياباشا بس خلي الطلبات دي للآخر لما نخلص كل حاجة خاصة بعروستنا الجميلة 

مازن إبتسم وقال 

_ عروستنا الجميلة ساكتة ليه 

منة بحرج

_ أقول إيه بس 

مازن 

_ قولي كل اللي نفسك فيه هجيبهولك دي الليلة ليلتك وأخوكي مش هيكررها مرتين ويسمحلنا نخرج سوى 

لينا 

_ أيوة دي فرصتك يامنة استغليها صح... تعالي تعالي المحل دا فيه حاجات تحفة 

مازن 

_ وإنتي يانور شوفي اللي إنتي عايزاه 

مرام ابتسمتله بهدوء وهزت دماغها 

واستغلت انشغالهم في إختيار القطع المعروضة وخرجت من الباب الخلفي وكلمت واحد من رجالتها 

_ أظنك عارف مكاني إنت فين 

_ منتظرك 

_ أعطيني الإشارة وجيالك 

ولما عملها الإشارة جريت بسرعة على العربية وركبتها وهو ساق العربية وانطلق بيها 

فقالت 

_خير في إيه حصل.. وفين سليم 

_ في الحقيقة سليم ميعرفش إنك جاية 

_ يعني إيه يارضوان أومال مين اللي بعتلي إشارة الطوارئ طالما سليم مايعرفش إني جاية 

_ بصراحة أنا اللي بعتلك الإشارة على إني سليم ابني يا مرام 

_ رضوان في إيه وإيه اللي بيحصل.. سليم كويس أوعى يكون جراله حاجة 

_ هيجراله لو إنتي ملحقتيهوش ياست هانم 

_ يووه يارضوان قلتلك إنت وسليم تقولولي مرام بس إنت يعني مش عارف معزة سليم في قلبي 

_ وعلشان عارف كدا متأكد إنك هتخلصيه من الورطة السودا اللي حط نفسه فيها 

_ انطق إتكلم وترتني سليم ماله 

_ أيهم باشا 

_ إيه ماله.. أوعى تقول جه جنبه أنا قايلاله ملوش دعوة برجالتي وخاصة سليم 

_ المرة دي سليم هو اللي غلط غلطة ممكن تكون فيها حياته لو أيهم باشا عرف 

بحلقت فيه مرام أكتر 

_ عمل إيه سليم وهو ماله ومال أيهم بس.. إنت عارف يارضوان إن أيهم مش بيحب سليم أصلاً علشان عارف إني بكن لسليم معزة خاصة وإنه مش مجرد واحد من رجالتي دا صاحبي  وصاحبي المقرب كمان 

_ سليم اتجنن واتجرأ وهرب بنت من البنات الخاصة بأيهم أخوكي 

_ يووه ياسليم إزاي يعمل كدا.. أيهم مش بيتهاون في أي حاجة ولو عرف ممكن يأذيه فعلاً .. أيهم معندوش تفاهم 

_ وعلشان كدا لجأت لك انقذي إبني الوحيد.. إنتي عارفة إننا شغالين معاكم طول عمرنا وإن إخلاصنا وولاءنا كله لأيهم بيه وليكي 

_ إطمن يارضوان من غير ما تقول مش هسمح لأيهم يأذي سليم أبداً بس الأول أفهم من سليم إزاي عمل كدا وليه 

_ لأنه غبي بيلعب بعداد عمروا  ماله هو علشان يتدخل في اللي ملوش فيه 

ولما وصلوا للفيلا 

نزلت مرام من العربية فلقت شاب وسيم طول بعرض وجسمه رياضي جدا 

فجريت عليه وحضنته 

_ سليم وحشتني أوي 

إبتسم سليم أول ما شافها 

_ مرام  .. إنتي جيتي ليه وسبتي مهمتك 

_ جيت علشان أشوف إنت عملت إيه 

_ سيبك مني دلوقتي أخاف ايهم باشا يزعقلك علشان خالفتي أوامره 

لوت بوءها بتهكم 

_ ولما إنت عارف إن أيهم مش هيسكت.. ليه عملت اللي عملته وهربت بنت من البنات بتوعه 

سليم بضيق 

_ هو أبويا قالك 

قعدت على الترابيزة وشدت إيده 

_ إتفضل إقعد واحكيلي عملت كدا ليه 

اتنهد سليم وقال 

_ هحكيلك .. زي ما إنتي عارفة إن أيهم باشا بيحب يحتفظ بالبنات الجميلة لنفسه وبيخليهم جواري ليه

❈-❈-❈

فلاش بااااك 

سليم كان طالع يوصل لأيهم طرد كان جايله فشاف أيهم بيحاول يعتدي على بنت باين من تصرفاتها وكلامها إنها محترمة لأنها كانت بتحاول تدافع عن نفسها بكل قوتها 

_ إبعد عني ياحيوان.. إياك تلمسني إنت فاهم 

ضحك أيهم 

_ ياااه من زمان مقابلتش الصنف الشجاع دا... يعني في بيتي وفي أوضتي ومتكتفة وشايفة كل الرجالة والحرس دول .. وجايبة الشجاعة بتاعتك دي منين مش عارف المفروض تخافي وتكشي ياصغنن إنت ياقمر.. ها يلا هتخضعي ليا بقا ولا هتخربشي كمان... ما هو مهما عملتي هتخضعي ليا في النهاية ياجميل 

_ عمري ما هخضع ليك ولا لأي كلب من عينتك ولو على جثتي...

ضربها أيهم بالقلم على وشها فخرج الدم من بوءها

_ أنا مزاجي حلو بلاش تعكريه وتشوفي مني الجانب التاني لأنه مش هيعجبك ياحلوة.. وطولت لسان وقلة أدب أنا مش عايز ها واسمعي كلامي من سكات 

قالها ومد إيده ناحية رقبتها 

فبعدت البنت راسها بسرعة وبعدت كام خطوة عن أيهم 

_ نزل إيدك أحسن أقطعهالك وقلة الأدب دي إنت اللي بتعملها إنت وأمثالك أوعى تكون فاكر إنك علشان خطفتني وجبتني هنا يبقى هتقدر تلمسني لا إنت بتحلم.. أنا مش هسمحلك بدا أبداً وهفضل أقاوم لحد آخر نفس فيا

إبتسم أيهم اللي بان عليه إنه أعجب بالبنت دي جداً ودخلت دماغه لأقصى حد 

_ إنتي لو كنتي واحدة تانية كنت فرغت خزنة مسدسي في دماغها لمجرد إنها رفعت عينها في عيني مش بس عصت كلمة أنا قلتها .. لكن إنتي دخلتي دماغي أوي ياحلوة ومش عايزك غصب فخليكي شاطرة واسمعي الكلام 

ومد إيده على دراعها بعدت تاني وتفت في وشه 

_ قلتلك ابعد إيدك ياحقير يا زبالة 

اتنرفز أيهم ومسكها من شعرها 

_ كرريها تاني وهتاويكي مكانك يامتخلفة إنتي ..وهتسمعي كلامي يعني هتسمعيه فاهمة

_ مهما تعمل مش هخاف منك ولا من عشرة زيك... 

_ هقتلك صدقيني 

_ الموت عندي أهون من إني أبص في وش واحد زيك 

_ لا إنتي زودتيها أوي وأنا مش عايز ءأذيكي قلتلك إنتي عجبتيني 

_ وإنت حيوان حقير ..حسبنا الله ونعم الوكيل فيك ربنا ينتقم منك ومن أمثالك .. يارب اكفينهم بما شئت وكيفما شئت يارب اكفينهم بما شئت وكيفما شئت 

أيهم 

_ أمم إنتي هتضطريني أعاملك زي أي بنت تانية بس متبقيش تزعلي بقى وبردو في الأول والآخر هتعملي اللي هطلبه منك وخليكي فاكرة إنك اللي اخترتي الطريق دا علشان خلاص عصبتيني 

ولما خبطت سليم 

_ أيهم باشا الطرد 

أيهم بحدة

_ سليم خد البت دي ونزلها تحت لوحدها مش فى أوضة البنات وعايزها تتربى إنت فاهم  وبعد كدا وصي سعيدة تظبهالي وتلين دماغها علشان عايزها الليلة 

البنت 

_ إنت بتحلم أقسم بالله إنت مش هتلمس شعرة مني ياكلب 

ضربها أيهم تاني بالقلم فوقعت على الأرض ومسك شعرها 

_ جايبة ثقتك دي منين 

_ من إيماني بربنا .. متأكدة إن ربنا عمروا ماهيخذلني أو يذلني أبداً وهيحفظني من الكلاب الضالة اللي زيك . 

عليكم من الله ما تستحقون ربنا يلعنكم في الأرض وفي السماء حسبنا الله ونعم الوكيل

كلامها دا نرفز أيهم جداً 

فجاب صاعق الكهربا وفضل يصعق في البنت وهي تصرخ من الألم 

_ ها لسه بردو منشفة راسك 

البنت ببكاء

 _ قلتلك مهما عملت مش هخاف منك 

أيهم كان هيتجنن البنت دي بتبصله إزاي كدا بحدة وشراسة عمروا ما شافها على بنت مخطوفة قبل كدا ودا اللي علقه بيها أكتر علشان كدا كان عايز يكسر عنيها الجريئة دي لكنه مقدرش مهما حاول يصعقها أو يضربها وفي الآخر لما تعب 

_ لااا البنت دي غريبة جايبة القوة دي منين وفي نفس الوقت مش عايزها غصب عنها والبنت دي بالذات بس يانا يا هيا وهكسر لها مناخيرها دي اللي رافعاها في السما ... سليم خدها على تحت ومش عايز حتة فيها سليمة بس عايزها فايقة مفهوم 

سليم هز راسه 

_ أمرك ياباشا ونزلها تحت 

ولسان حال البنت 

_ اللهم اكفينهم بما شئت وكيفما شئت 

البنت اتضربت بقسوة لحد ما اتبهدلت جداً وبعد كام ساعة جالها أيهم 

_ ها لسه بردو منشفة راسها 

ولما رفع وشها شاف بردو نفس النظرة الشرسة مراحتش 

ودا اللي زود اصراره عليها أكتر وتمسكه بيها

ولكن رد البنت عليه إنها تفت في وشه للمرة التانية 

فدا اللي قلب عيونه للشر 

وقال 

_ إنتي اللي جنيتي لنفسك ونهايتك هتكون على إيدي وهتكون أبشع مما تتصوري... البنت دي تتحضر ليا ووقت ما أطلبها تكون جاهزة فاهمين 

البنت

_ ونهايتك إنت هتكون قبلي إن شاء الله .. ربنا يلعنك 

مد أيهم الصاعق ناحيتها وصعقها وهي صرخت من الألم 

 مشي أيهم ووصي حارس الأوضة الحديدية اللي محبوسة فيها إنه يعذبها أكتر وأكتر 

سليم في نفسه 

_ أيهم مش هيرحم البنت دي أبداً.. أنا مش عارف ليه البنت دي فعلاً غريبة ليه مختلفة عن أي بنت وإيه النور اللي بيخرج من وشها دا 

باااك 

سليم كمل كلامه 

_ تلقائياً لقيت نفسي بتسحب وبدخل أفكها وأهربها... مش عارف ليه عملت كدا وأنا عمري ما تدخلت في اللي بيعمله أيهم باشا ولا أجرؤ على دا .. لكن البنت دي مقدرتش أتحمل عليها اللي هيعمله أيهم فيها.. لوهلة اتخيلتها إنتي يا مرام وهربتها 

مرام 

_ البنت دي حساها بتشبهني في شخصيتها فعلاً إلا إني ماعنديش ضميرها دا بس ما علينا.... بعد اللي قالته أيهم مكانش هيرحمها فعلاً وكمان مش هيرحمك إنت بسبب عملتك دي 

_ اللي حصل بقا حقيقي مقدرتش اسيبها 

_ وديتها فين 

_ أوعي تقولي إنك هترجعيها تاني

_رد على سؤالي ياسليم 

_ في شقتي 

_نهارك إسود وكمان بتثبت التهمة عليك أكتر إنت عارف أيهم لو عرف هيقتلك ومن غير ما يرفله جفن 

_ عارف يامرام وحقيقي مش هكون ندمان على اللي عملته للبنت دي بالذات 

_ غبي على رأي أبوك ياسليم غبي 

_ عارف إيه الجديد ما إنتي على طول بتقوليلي كدا 

ضحكت مرام 

_ فكرتني بطفولتنا سوى

_ كانت أحلى أيام قضيناها سوى

_ نرجع لموضوعنا يازفت أيهم لسه معرفش مش كدا 

_ مكنتش هبقى قاعد معاكي هنا دلوقتي 

ضحكت مرام 

_ تصدق إنت فصيل يازفت إنت 

_ أيهم باشا في إيده مهمة شغلته عن البنت وهتشغله لكام يوم فرصة الحق أعيش الكام يوم اللي فاضلين من عمري دول ..

_ تعرف لو زودت في الكلام دا أنا اللي هقتلك بإيدي 

ضحك خلاص متزعليش 

مرام بإنزعاج غور من وشي 

_ آسف يامرام 

زعقت فيه

_ غور من وشي ياسليم 

حضنها سليم 

_ والله آسف 

اتكلمت مرام بحدة 

_ إنت متفتحش بوءك أبداً بأي حاجة إنت فاهم وأنا هتصرف في الموضوع دا 

_ إنتي ناوية تعملي إيه 

_ ملكش فيه بس اللي لازم تفهمه إني مش هسيبك تضيع مني 

_مرام ناوية على إيه.. 

_ قلتلك هتصرف إخرس بقا علشان عربية أيهم صوتها جاي علينا 

_ سمعتيها إزاي 

_ دقيقتين بالظبط وهتوصل هنا 

وبالفعل خلال دقيقتين كانت عربية أيهم ووصلت 

فابتسم سليم 

_ إنتي مصيبة فعلاً 

مرام عيب عليك

وأول ما أيهم شاف مرام كشر 

_ إنتي بتعملي هنا إيه 

_ إزيك ياأيهم 

_ سايبة مهمتك ليه إنطقي 

_ هرجع تاني ياأيهم متقلقش أنا مفهماهم إني رايحة أشتري حاجة وراجعة

أيهم بص لسليم وقال 

_ اااه حبيب القلب وحشك فسبتي مهمتك وجياله مش كدا .. ولو قتلته قدامك دلوقتي!! 

وقفت مرام قدام سليم 

_ بعد الشر عن سليم.. أيهم إنت عارف سليم بالنسبة لي إيه 

مسك أيهم دراع مرام 

_ وإنتي عارفة اللي يخالف أوامري وفي المهمات بالذات بعمل فيه إيه 

_ أيهم إنت عارف إني بأدي مهامي على أكمل وجه وإنت مش محتاج أقولك دا 

_ تقدري تفهميني مجبتيش أي معلومات ليه لحد دلوقتي

_ علشان إنت عارف إن المهمة دي غير ... أنا مع ناس لو فيه أي خبر مش بيقولوه حتى بينهم وبين نفسهم فصعب إني أطلع منهم أي معلومة بسهولة كدا فاصبر شوية 

_ لا إنتي الظاهر عجبتك القعدة هناك إخلصي ها .. عايز معلومات دقيقة وشاملة في ظرف كام يوم ويوم ما اعطيكي الإشارة.. الزفت أدهم دا رقبته تكون عندي فاهمة 

_ فاهمة ياأيهم اللي تقوله هنفذه 

_ دا المعهود عليكي وياريت يتم قبل العملية الكبيرة اللي بنجهز ليها علشان مزعلش منك

_ تمام 

سابها أيهم ومشي 

وهي سلمت على سليم 

_ يلا سلام بقى ياسليم هتوحشني أوي ومش عايزاك تخاف من حاجة طول ما أنا موجودة... يلا باي 

_ إنتي اللي هتوحشيني أوي خدي بالك من نفسك

إبتسمت 

_ ماشي رغم إني مش محتاجة وصاية 

_ أكيد دا إنتي مدوخة الداخلية كلها 

_ طيب يبقى إيه بقا 

_ دا ميمنعش إني بخاف عليكي

_ عارفه سلام قبل ما يكتشفوا غيابي 

_ سلام يا حبيبتي 

رجعت مرام العربية تاني مع رضوان فقالت 

_ حط في بطنك بطيخة صيفي يارضوان 

رضوان الدم رجع لوشه من تاني 

_ كنت عارف إنك إنتي اللي 

هتنقذي إبني من غلطة عملها بجهل وتسرع 

مرام سكتت وفضلت تفكر هتعمل إيه في اللي جاي 

❈-❈-❈

أما عند مازن والبنات