قراءة رواية أسود الداخلية كاملة

تنشر حصريًا على مدونة رواية وحكاية قبل أي منصة أخرى

قراءة رواية أسود الداخلية

من روايات وقصص 

الكاتبة أسماء عبد الهادي

الفصل الخامس

اول ما خرجوا الشباب من الاوضة وسابوا مرام ترتاح 

فتحت عنيها  وابتسمت بخبث 

فجالها اتصال 

فخرجت موبايلها من جيبها وردت 

_ايوة يا أيهم 

_ايه الاخبار عملتي ايه 

_كله تمام الامن مستتب جدا 

_يعني ايه وصلتي لإيه بدأتي تتحركي ؟؟ 

_ايهم انا بكلمك من عكر دارهم وفى اوضتهم كمان 

_يا بنت اللعيبة عملتيها ازاي 

_عيب عليك يا أيهم دا  انا مرام بردو انت مستقل بيا ولا ايه 

_لا طبعا والا مكنتش اخترتك انتي للمهمة دي المهم قوليلي وصلتي لعندك ازاي 

_ولا حاجة عملت نفسي وقعت واغمى عليا ف الطريق فأدهم علشان بسلامته شهم فجابني هنا وجابلي الدكتور 

_يا سلام بالبساطة دي الحيلة دي انطلت عليهم... دول مش اي حد دول معروفين بأسود الداخلية فأكيد هيعرفوا انك مش مغمى عليكي ولا حاجة وكمان الدكتور لما  يجي هيكشف كل حاجة 

_هيشكف كل حاجة لو كنت بمثل لكنى فعلا كان مغمى عليا ووقعت حقيقي ف الطريق 

_يخرب عقلك انتي بتقولي ايه وعملتيها ازاي

_علشان تلعب صح لازم تحبك دورك صح استحالة ادهم كان هيجيبني هنا وهو عنده ذرة شك واحدة فيا 

_انجزي يا مرام عملتيها ازاي دي اخدتي ايه علشان يغمى عليكي 

_قول مأخدتش ايه .. لما انت قلتلي السفر بكرة .. امتنعت عن الأكل والشرب تماما وسافرت وانا مأكلتش من امبارح وعرضت نفسي بعدها لأشعة الشمس اللي كانت كفيلة انها تعمل عملتها معايا وجسمي يجيله هبوط و ضغطي يوطى وبس كدا 

_يا بنت الإية تفكير شياطين 

_استاذتك يا ايهم ولا ايه 

_لا عجبتيني ... يلا جمعيلي المعلومات المطلوبة علشان وقت ما احصل عليها هطلب منك تجبيلي خبره.. ولا اقولك لا خليلي انا المهمة دي زي ما عملت مع الوحش بتاعهم.. الا قوليلي هو عامل ايه 

قالها وضحك بشماتة

_شكله مكانش سهل ابدا وتقريبا كدا باللي حصله انكسر شايفة ف ملامح وشه الحزن  رغم  انه مبيظهرش دا 

ضحك ايهم 

_احسن يكش يموت مكتئب ويريحنا في داهية وعقبال اصحابه وعلى يدي قولي امين 

_طب اقفل بقا لاني تعبانة فعلا.. ومش عايزاك تتواصل معايا فون تاني هنتواصل بالطريقة اياها 

_حلو اوي موفقة يا روما 

_باي يا ايهم 

اتنهدت بعدها مرام واستسلمت للنوم 

__

اما برا 

مازن 

_ ايه الخطة يا شباب وايه الوضع بعد كدا 

عدي

_هنعمل ايه مع البنت اللي جوا دي 

ادهم 

_لما تفوق هنسألها هي مين ونرجعها لبيتها وبس كدا 

قصى 

_انتوا خلاص خلصت مهمتكم وقدامكم يوم كمان تتفسحوا فيه براحتكم وتقضوا اجازتكم علشان نرجع 

مازن 

_تمام يا وحش 

قصي 

_اشش اسكت اياك تقولي كدا طول ما البنت دي هنا 

مازن 

_اه صح فعلا ماشي يا قصي

__

اتقابلت البنات مع بعض وهي خارجه من الجامعه

ولما شافتهم سمر

_ ايه مالك يا عسليه انتي وهي في ايه ضاربين بوز ليه

 منه بضيق

_ يعني انت مش زعلانه من اللي حصل مش زعلانه من اللي عملوه

 سمر 

_وايه الجديد يعني وهما على طول بيعملوا كده

 لينا

_ لا بس المره دي راحوا يتفسحوا وما هانش عليهم ياخذونا معاهم انا لحد دلوقتي مش قادره ابلعها ابدا 

منه

_لينا انتي كلمتي مازن

لينا_ اه كلمته 

منة

_وقال لك ايه

لينا_ ولا حاجه ضحك عليا بكلمتين زي كل مره وخلاص مفكرني هصدقه

 منه بغيظ

_ اه منك يا مازن يا كداب بس اما اشوفك

 سمر بلا مبالاه

_ كبروا دماغكم بقى انتم عارفين انهم بيعملوا اللي في دماغهم وبس

 منه 

_اه بس احنا اخواتهم البنات ولازم يهتموا بينا اكثر من كده

 سمر

_ ده المفروض لكن مش بيحصل

 لينا 

_سمر انت جايبه البرود ده منين 

سمر

_اعمل ايه يعني عايزاني اقعد اعيط ولا اعمل ايه هما خلاص سافروا واللي حصل حصل واحده فيكوا تقدر تقول لي لما يجوا هتعرفوا تفتحوا بقكم معاهم بكلمه 

منه

_ لا طبعا انا ما اقدرش اكلم قصي في حاجه زي دي

 سمر بنزعاج

_ خلاص يبقى تنكتمي بقى وتنقطوني بسكاتكم بلاش صداع

لينا سبقتهم وقالت

_ يوه يا سمر هتبقي انتي وهما علينا انا ماشيه

 منه لحقتها وقالتها

_ خديني معاك يا لينا 

اما سمر فضلت ماشية وراهم بكل هدوء وهي من جواها متغاظه قوي من اللي عملوه الشباب

كان في واحد بيراقبهم وقف جنب الحيطه وطلع موبايله 

_البنات تحت عيني دلوقتي يا باشا اوامرك ايه

 رد التاني بخبث

_ عينك عليهم لحظه بلحظه لحد ما اديك الاشاره الوقت المناسب اما تجيلي من الكبير

_تمام يا باشا 

___

بالليل فاقت مرام وخرجت من الاوضه الشباب كلهم كانوا قاعدين مرام ادعت انها خايفه وفضلت تبص على باب الشقه بخوف ورعب ادهم قال 

_حمد لله على السلامه تعالي ما تخافيش اتفضلي اقعدي

مرام بادعاء الخوف 

_انتم مش هتاذوني صح انتم غيرهم انا حاسه بكده 

مازن

_ هم مين

 مرام 

_هو الباب ده مقفول كويس لو سمحت اقفله كويس انا خايفه قوي عدي

_ ممكن تحكي لنا حكايتك وانتي ليه خايفه قوي كده

 ادهم

_في ايه مالك انتي لو واقعة في مشكله ممكن تقول لنا واحنا نساعدك بس الاول طمنيني على صحتك انتي كويسه

 هزت راسها وقالت

_ بقيت احسن شكرا لكم بس هو ايه اللي حصل

 ادهم 

_كنت راجع بالعربيه لقيتك واقعة على  الارض ومغمى عليكي فجبتك هنا وطلبنا ليكي الدكتور 

مرام 

_طب انا مش هينفع اقعد هنا انا لازم امشي وقامت وقفت

بس علشان ما اكلتش حاجه داخت وكانت هتقع

 ادهم

_ حاسبي اقعدي انتي شكلك لسه تعبانه اقعدي استريحي شويه

كل ده وقصي بيبص لها بغموض بيحاول يستكشف مين هي وحكايتها ايه لكنه شاور على طبق الفاكهه وقال _كلي اي حاجه علشان الدوخه اللي عندك دي تروح

مرام

_ لا لا انا مش هينفع اقعد هنا معاكم انا مش عارفه انتم مين اصلا.. بس بس في نفس الوقت خايفه اخرج خايفه يلاقوني ويلاحقوني ثاني

عدى 

_هما مين اتكلمي متخافيش انتي بأمان هنا 

مازن 

_على فكرة احنا ظباط  بس احنا هنا ف اجازة مش تبع الشغل 

فرحت مرام 

_بجد يعني هتحموني منهم 

عدى بانزعاج 

_انا بقالي ساعه بقول لك هم مين اتكلمي خايفه ليه مرام

مرام

_انا كنت ماشيه بالعربيه يعني كنت في البريك بتاعي من الشغل فقلت اتمشى شويه بالعربيه فشفت واحد بيحاول يعتدي على واحد وقعه في الارض وتقريبا كده اتصفى وانا لما بشوف منظر الدم بترعب فغصب عني خرجت مني صرخه انتبه لي المجرم ولقيته جاي ناحيتي انا من خوفي ودربجتي وقتها ما كنتش عارفه انا بعمل ايه فبدل ما اهرب بالعربيه خرجت منها وجريت وما اعرفش بعد كده حصل ايه ولما فتحت عيني لقيت نفسي عندكم هنا ودلوقتي خايفه اخرج الاقي الراجل ده لسه بيطاردني وبيجري ورايا 

قصى بص لأدهم بجدية 

فأدهم قال 

_ اللي حصل ده شفتيه فين بالظبط 

مرام 

_يعني تقريبا كده قريب من المحميه اللي انا شغاله فيها 

مازن 

_انتي بتشتغلي هنا ايه بالظبط.. احكيلنا عنك اكتر 

مرام 

_انا من القاهره وبشتغل مرشده سياحيه وباجي هنا رحلات سياحيه علطول مع الشركة السياحية اللي انا شغالة فيها 

وكنت في وقت البريك بتاعي فقلت هخرج بالعربيه عادي اتجول في المكان لوحدي بعيد عن المعسكر اللي معايا 

قصى 

_اسمك ايه واسم الشركة اللي انتي تبعها 

 مرام بمكر

_نور ..اسمي نور اشرف وتبع شركة بلو سكاي 

ادهم 

_تمام يا انسة نور.. انسة بردو مش كدا 

مرام 

_اه 

_متشيليش هم احنا هنا هنوفرلك الحماية التامة لحد ما يتم القبض ع المجرم 

_انا انا عايزة ارجع القاهرة لأهلي انا خايفة افضل هنا والمجرم دا موجود 

مازن 

_احنا هنخاطب قسم الشرطة هنا وهنطلب منهم يتحروا ف الموضوع متشليش هم 

مرام 

_طب انا هفضل فين دلوقتي

 مازن 

_هنشوفلك اوضة هنا ف الفندق تقعدى فيها 

مرام 

_لا لا انا أجبن ما يكون مش هقدر افضل لوحدي بالله عليكم اعتبروني اختكم وخلوني معاكم اا انا هدخل الاوضة وهقفل ع نفسي بس بالله عليكم خليكم جنبي  لحد ما ارجع بلدي ..انا هكون مطمنة وانا وسط ظباط هيحمونى ف اي وقت 

ادهم اتنهد بضيق 

_طب اتفضلي ادخلى الأوضة لحد ما نشوف هنتصرف ازاي 

مرام 

_انا متشكرة اوي 

مازن 

_وبعدين بقا ف ام الرحلة اللي مش باينلها ملامح دي.. هو حد باصصلنا ف الرحلة دي ولا ايه  

قصى 

_عدى اعمل تحريات ع البنت دي انا مش مرتاح ليها ابدا ... روح اسأل ف المكان اللي قالت عليه واتأكد من كلامها 

وانت يا ادهم.. شوف موضوع الجريمة دا صحيح ولا لأ...

مازن 

_شكلها بنت مسالمة ولا بيها وع عليها 

قصى

_ كل دا هيبان بعد التحريات

عدى وادهم خرجوا ينفذوا المطلوب 

وفضل مازن مع قصي 

قصي قال 

_انا داخل اريح رجلي ع السرير جوا 

وخليك انت هنا ومتتحركش ولو اي جديد بلغني 

 مازن _تمام 

__

مازن 

_انا هفضل كدا قاعد مش بعمل حاجة .. انا هطلب أكل انا جعان 

وبالفعل طلب أكل وبدأ يأكل 

_انا هسيبلهم أكل لحدما يجيوا يفرموني وكمان  علشان لبنت الغلبانة اللي جوا دي

وبعد كم ساعة كمان 

رجع عدى وادهم 

مازن باهتمام 

_عملتوا ايه 

عدى بازعاج وهو شايف الأكل 

_انت  عملت ايه بتأكل من ورانا يا متخلف 

مازن

_ايه لا دا انا كنت بتسلى بس لحد ما ترجعوا وناكل سوا 

عدى

_ مفيش فايدة فيك

ادهم 

_مش وقته فين قصي 

خرج قصي من اوضته 

_انا هنا يا ادهم ها ايه الاخبار 

ادهم 

_كل اللي قالته البنت دي مظبوط... وصلت اخبار للمركز عن جريمة قتل والمجرم مجهول وتقريبا كدا نور هي الشاهد الوحيد اللي شافت المجرم علشان كدا بيطاردها علشان متكشفش هويته 

عدى 

_وانا روحت مكان شغلها وفعلا نور بتشتغل هناك وقالوا انها خرجت ف البريك ولسه مرجعتش لحد دلوقتي وميعرفوش عنها اي حاجة 

مرام كانت سامعة كل اللي بيقولوه 

فضحكت بخبث 

_هه بتلعبوا بالنار... انا محدش يدور ورايا لاني لما بعمل خطة بكون حابكة كل خيوطها كويس اوي ومش بسيب ورايا غلطة ولسه بقيت الخطة هتتنفذ في القاهرة 

ادهم 

_ساكت ليه يا قصي 

قصي بعدم ارتياح

_مفيش 

مازن 

_معنى كدا ان البنت مش بتكدب وانها فعلا في خطر احنا لازم نحميها لحد ما يتم القبض على المجرم

عدى 

_وانا راجع سالت عن اي مكان فاضي هنا وللاسف ما لقيتش اي غرفه فاضيه

مازن انزعج

_ يعني انا هنام فين دلوقتي

 ادهم

_ انت يا زفت كل همك النوم

_ اه وانت على بالك من ايه ما انت هتنام على سريرك وفي فرشتك زي ما انت 

عدى 

_انا جاي انام معاكم في الاوضة 

ادهم 

_انت يا زفت انت وهو هتناموا ع الكنب هنا تحسبا لاي موقف 

مازن 

_يا سلام واشمعنا انت طب تعالى انت هنا بدالي 

ادهم بحدة 

_مااازن 

مازن 

_طيب خلاص ماشي هو انا فتحت بوءي 

قصي 

_ادهم دخل للبنت أكل دي مأكلتش من بدري 

ادهم هز دماغه واخد أكل وخبط ع باب الاوضة 

_انسة نور 

مرام_ايوة مين 

_دا انا ادهم.. اتفضلي العشا بتاعك 

_لا ااا انا مليش نفس شكرا 

_لا ازاي لازم تأكلي علشان صحتك 

فتحت وقالت بحزن 

_مش هقدر صدقني ومين يجيله نفس بعد اللي حصل 

_معلش حاولي بس تأكلي اي حاجة ولو بسيطة علشان تقدري تصلبي طولك 

_طب قولي عملتوا ايه قبضتوا ع المجرم 

_لا لسه بس قريب اوي هيتمسك متخافيش وبعدين انتي ف حمايتنا مش عايزك تخافي 

_تمام شكرا جدا 

_طب يلا اتفضلي الاكل  

_شكرا 

____

تاني يوم الصبح 

مازن ماسك ضهره 

_اه ياني يامه النومة دي جابتلي الكساح  منك لله يا اللي ف بالي 

خرجت مرام 

_انا اسفة اوي اني اخدت اوضتك .ااا دي حركة مش لطيفة مني بس والله غصب عني انا معنديش مشكلة اني كنت انام ع الكنبة لكن خوفت من اللي بيطاردني علشان كدا اخدت اوضتك 

مازن 

_لا لا ولا يهمك انا مش قصدي عليكي قصدي ع اخويا الغلس اللي نايم جوا ولا هامه 

_هو انت اخوك مين فيهم 

_اه صح احنا متعرفناش بصي يا ستي انا مازن وادهم يبقى اخويا اما اللي نايم دا ومش حاسس بالدنيا فدا عدى زميل الكفاح والليالي الملاح .. اما اكبرنا فهو قصي وللاسف زي ما انتي شايفة انصاب ف مهمة ومبقاش يقدر يمشي 

_اه يا حرام.. يعني كدا خلاص مبقاش ظابط زيكم 

_لا بالله عليكي متقوليش كدا قدامه... انا متأكد انه رغم انه مش بيبين دا الا انه بيغلي من جوا... المهمات دي كانت حياته بس نقول ايه للغدار اللي غدر بيه على خوانه 

_اه للأسف.. ربنا يكون ف عونه 

بعد شوية صحي عدى

_صباح الخير يا بشر 

ولما شاف مرام قاعدة 

اتعدل ف قعدته 

_اا احم .. صباح الخير يا انسة نور 

_صباح الخير يا حضرة الظابط عدي معلش قلقنا حضرتك 

عدى_لا لا انا كنت صحيت خلاص  .. ها انتي احسن دلوقتي

_اه كويسة شكرا ليكم .. احنا هنرجع النهاردة ولا ايه.. عايزة امشي من هنا 

مازن 

_لا نرجع ايه ... هنخرج نعمل تسلق جبل علبة الأول ونقضي هناك طول اليوم ونبقى نروح 

مرام 

_تمام اللي تحبوه بس انا هعمل ايه هفضل هنا 

ادهم 

_تقدري تيجي معانا حتى تغيري جو الخوف اللي مسيطر عليهم 

_بس انا اخاف يشوفني المجرم

ادهم 

_هيكون افضل لان ساعتها هنقدر نمسكه ونسلمه للعدالة وترتاحي انتي 

_حضرتك شايف كدا 

_اكيد 

_تمام خلاص هاجي معاكم 

وخرجوا كلهم لتسلق الجبل وبعد ما فطروا كلهم ... اخد ادهم وعدى و مازن الاحبال وعدة التسلق 

وراحوا علشان يتسابقوا ع تسلق الجبل 

وفضلت مرام لوحدها قاعدة مع قصي اللي مفحتش بوءه بحرف واحد من ساعة من صحي من النوم 

واكتفى انه كان بيتابعهم بهدوء 

مرام 

__ اا احم 

انتبه ليها قصي 

_في حاجة يا انسة نور عايزة تقولي حاجة 

_بصراحة انا محرجة من حضرتك اوي ... انا اسفة ع وقاحتي معاك وقلة زوقي ف الكلام... لما عربياتنا اتخبطت ف بعض هناك ف القاهرة 

قصي بهدوء 

_محلصش حاجة انا نسيت الموضوع 

_لا بجد انا كنت قليلة الزوق اوي .. بس اصلي كنت متنرفزة علشان لسه راجعة من رحلة وملحقتش ارتاح لقيتهم طلبوني ف رحلة تانية فكنت متعصبة وشايطة منهم وفجت فيك انت انا اسفة  

_ولا يهمك وزي ما قلتلك انا نسيت الموضوع 

_يعني انت مش زعلان مني .

_لا لا حصل خير 

اتنهدت مرام براحة او ادعت دا 

_طب كويس ريحتني شكرا جدا 

وفي اللحظة دي لاحظ قصي ضوء احمر بيتوجه ع دماغ مرام 

صرخ قصي باسمها 

_نوور حاسبي 

وزقها بعدها فالطلقة جت في دراعه

مرام ادت دورها بالتمام والكمال وصرخت بعلو صوتها 

اما قصي فقال بينادي ع اصحابه 

_ادهاااام.. عدى مااازن ..بسرعة وراهم 

في لحظة كانوا التلاتة خرجوا سلاحهم وجريوا بسرعة يطاردوا الملثمين 

وقصي كان بيحاول يوقف نزف ايده 

ومرام مكانتش مبطلة عياط 

_عااا دم لاااا 

حاول قصي انه يهديها 

_اهدي متخافيش 

_انت اتصبت بسببي انا اللي كنت المقصودة انت انقذتني.. دول عايزين يموتوني 

واغمى عليها تاني 

بعد شوية رجعوا .

قصي 

_عملتوا ايه 

ادهم 

_هربوا مقدرناش نلحقهم للأسف 

قصي زعق 

_ازاي تسبيوهم يفلتوا منكم 

عدى 

_يا قصي هجومهم كان غير متوقع وع ما نزلنا من الجبل كانت فرصة كويسة ليهم انهم يبعدوا 

مازن 

_هي حصلها ايه 

قصي 

_هي كويسة بس فرفرت كالعادة من منظر الدم 

مازن ضحك

_ البنت دي نكتة اوي اول مرة ف حياتي اشوف كدا 

ادهم

_قصي انت كويس ايدك اتصابت 

قصي 

_دا جرح سطحي وقدرت اوقف النزيف... شيل نور  رجعها الاوضة البنت في خطر ... الليزر كان متوجه عليها .. كانوا عايزين يقتلوها 

عدى 

_الظاهر ان العصابة دي مش سهلة 

مازن 

_هو مين اللي اتقتل دا وايه حكايته

ادهم 

_لسه التحريات بتحقق في الموضوع دا بس من الواضح انه مش من سكان الواحة هنا