قراءة رواية امتلكتني بضعفها كاملة

تنشر حصريًا على مدونة رواية وحكاية قبل أي منصة أخرى

رواية امتلكتني بضعفها

 رواية جديدة قيد النشر

من قصص و روايات 

الكاتبة ميادة مأمون

 الفصل الثالث عشر

مرت ثلاثة أيام عليه و هو مازال غافي في العناية و هذا ما اقلق الجميع جداً و لا يعرفوا السبب

الكل كان في انتظار افاقته منذ مرور اليوم الأول كما قال لهم العم صالح

و لكن هذا لم يحدث، لم يفق لتهتف تهاني و هي تنظر إلى زوجها

تهاني بحزن. 

-انتو مش قولتو هايفوق بعد أربعة وعشرين ساعه عدي تلات تيام دلوقتي و الواد زي ما هو يا عمران 

عمران و هو ينظر لابنه و أخيه الذي يباشر حالته مع الطبيب عبر تلك النافذة الزجاجية. 

-استني بس يا تهاني اما عمه يخرج من عنده هو و الدكتور و نفهم فيه ايه

-طيب يا خويا اديني مستنية اما نشوف هيخرج يقولنا ايه النهارده ما هو كل يوم يقول حاجه جديدة و الواد برضو على وضعه زي ما هو

ترجلوا الأطباء أمامهم خارج الغرفة و وقفوا جميعاً يستمعون لهم

تهاني بلهفة. 

-ها طمنا يا دكتور ابوس ايدك يا أخويا قولي الواد مش بيفوق ليه

الطبيب مهدئاً لها. 

-اهدي يا ستي و اطمني ابنك جسدياً عدي مرحلة الخطر و تعافي كمان بس نفسياً بقي بيهرب من حاجة و مش عايز يفوق 

عمران بصوت عالي. 

-يعني ايه الكلام ده ما تفهمنا يا صالح

وقفو جميعا يتحدثون و لم ينتبهوا الي تلك التي دلفت اليه داخل الغرفة جلست بجواره رافعة يده على قدمها متمسكة بكفه بيد و بالاخرى تملس على ذقنه بكل رقة وحنان

ريناد هامسه له. 

-اانا جييت ليك ااهو اانت مش قوللتلي ااوعي تسيبيني اصصحي اننت ببقى و كفاية ننوم بألك كتير قووي ننايم

وكأنه كان ينتظر مجيئها لتحثه على النهوض من أجلها 

شعرت بأصابعه تضغط بخفة على يدها الصغيره 

ريناد بفرحه وابتسامتها انارت وجهها. 

-شاطر يا باببي برافو عليك فتح عينيك ببقي

نظرت زينب التي كانت تقف بين والدتها و ابيها الي النافذة الزجاجة. وهتفت وهي تشير عليها. 

-الحقوا دي ريناد دخلت عند صالح هي فرحانه كده ليه

هتف الطبيب بحده. 

-ايه الهرجله دي ازاي تعمل كده العناية المركزه مافيش حد بيدخلها

امسك يده والدها موقفاً اياه و هو يشير ليريه عبر النافذه. 

-استنى يا دكتور سيبها ريناد قريبه من صالح و يمكن كلامها ليه يخليه يستجيب

زينب بفرحه. 

-بصو صالح بيفتح عنيه فتح يا ماما برافو يا ريناد 

و كأني احمل على جفناي ثقل كبير لا أقوي على فتحهم و لكني اشتقت إلى عينيكي يا شقيتي، اشتقت إلى تشبثك بي اشتقت الي اسمك الذي أريد أن أملكه لي انا وحدي

ديجَو بألم. 

-ري ناد

ابتسمت بسعادة و أنحنت على وجنته وقبلته وقفزت تلك الملاك من علي الفراش بفرحة تجري لهم خارج الغرفة و هي تصرخ من شدة السعادة

ريناد بفرحة عارمة. 

-صحي باببي صحي يا اننطي و قال اسسمي 

ارتسمت ملامح السعادة على وجهه تهاني وصاحت. 

-يا حبيبي يا بني يا ريتك كنتي دخلتي ليه من بدري يا ريناد، شوفت يا عمران الواد قلبه حاسس بيها ازاي

دلف اليه الطبيب و الممرضين و أغلق الباب من خلفهم حتى يأهلوه ويطمئنو على جسده

وقفو جميعاً ينظرون اليه بسعادة و العبرات تغمر عيونهم

بينما كانت عيونه على شقيته التي كانت سعيده جداً و تريد ان تدلف اليه مرة ثانية

أخرجه من شروده هذا الطبيب و هو يحدثه. 

-صالح انت سامعني حاسس بضغطة ايدي يا صالح

اجابه ديجو مبتسماً لها امراً له أن يدخلها يريدها بجانبه. 

-افتحلها يا دكتور خليها تدخل 

الطبيب وهو يتابع الأجهزة الطبية. 

-هدخلهم ليك كلهم بس الاول نطمن عليك 

و نعمل شوية فحوصات صغيرة

ديجَو و هو عينه عليها. 

-اعمل اللي انت عايزه بس دخلها هي الأول خليها معايا هنا 

أشار الطبيب الي الممرضه بأن تدخلها هي فقط و فتحت لها ثم اغلقته مرة ثانية في وجههم

و سريعاً ما جرت اليه بفرحه 

حاول أن يرفع ذراعه لها فاقتربت بدورها اليه و ضمها بشوق أمام أعينهم جميعاً

-ريناد وهي تلقى بنفسها على صدره : يا حبيبي ييا باببي اانا كنت خايفة اااوي علليك ككنت خايفة تسيبني

ديجَو بشوق متألماً من جرح صدره. 

-اه يا قلب بابي انتي انا رجعت للدنيا بس عشانك انتي وحشتيني يا رينو

نظر إليهم الطبيب بدهشه غير مصدقاً مدى العاطفه بينهم. 

-مش ممكن دي بنتك يا صالح ! 

ابتعدت عنه بخجل ولم ترفع رأسها 

امسك هو يدها و همس للطبيب وهو ينظر في زومردتيها

ديجو بحب. 

-بنتي و حبيبتي و روحي كمان يا دكتور

وقف عمران ينظر لهم بفرحه ثم نظر الي أخيه و هتف

عمران محاولاً جذب موافقة اخيه من أجل ارتباطهم. 

-لسة بردو هترفض يا صالح شوفت بنفسك بقو متعلقين ببعض ازاي

ابتسم لاخيه ثم نظر إليهم مرة ثانية هو يومئ له برأسه

دكتور صالح بتروحي. 

-بنتي عبيطة يا عمران بتتعلق بأي حد بيبقى كويس معاها

❈-❈-❈

كان هذا حاله كل يوم منذ دخول قرينه الي المشفي

جلس على مقعده امام باب المغليء يفكر في من يكون قد فعلها ظل يراقب جميع الشباب بعينٍ كالصقر

يحصدهم جميعاً و كأنه يسجل الحاضر من الغائب

الي ان اتاه شاب من شباب المغلئ سريعا و هو يلهث من شدة سرعة انفاسه

الشاب : معلم عاصَم 

سحب عاصم السيجارة من فمه بأصباعيه منتبهاً له بجدية. 

-أقعد ياض و خد نفسك و بعدين ارمي اللي عندك

الشاب بعد أن جلس. 

-جبتلك أرار الغايبين في الحته

عاصم بتمعن في أمره. 

-مين ياض 

الشاب. 

-تريكة وشيلته 

عاصم ببسمة سخرية ملقي بسيجارته تحت حذائه ساحقاً اياها. 

-كنت عارف ما هو من يوم اللي حصل و هو مختفي بس و رحمة ابويا هاجيبه لو في بطن الحوت هاجيبه

❈-❈-❈

نقل أخيراً الي غرفة عادية والتفوا حوله سعيدين بعودته إليهم وبأنه بدء يسترد صحته

لكنه لم يكن معهم بعقله اصلاً

تهاني و هي تجلس بجواره بمشاكسة. 

-ال و انا اللي قولت الواد يا قلب أمه حاسس بيا و بيشاور ليا عشان ادخله 

اتاريه يا اخويا بيشاور ليها هي لاء و البت تجري تدخله و يقفلوا الباب وراها

عمران بضحك. 

-مش مهم يا ستي يعوزنا احنا المهم انه رجع لينا تاني

ديجَو بألم. 

-هي فين راحت فين

زينب محاولة تهدئته. 

-اهدي يا ديجو عشان جرحك هي روحت البيت مع عمك 

ديجَو بصوت غاضب. 

-و بعدين في ابوها دا بقى

عمران محاولاً تهدئته ومعرفة من فعلها منه. 

-سيبك من ريناد دلوقتي المهم نعرف مين اللي عمل فيك كده

فتح عاصم باب الغرفة و دلف إليهم و هو يهتف. 

-تريكة و شيلته

مش كده يا ديجو حمدلله على سلامتك يا اخويا

مد ديجو له يده ليعانقو بعضهم البعض. 

-الله يسلمك يا عاصم تسلملي يا اخويا كده بقت راسمي ياض و دمك بقى يجري في عروقي

عاصم بتأكيد له. 

-دانا روحي كلها فداك يا ديجو وانت عارف ده كويس

عمران بغضب. 

-تريككككه بقى حتة العيل ال.... ده يتجرء على ديجو على صالح عمران الغوري و الله عال يا ولاد دي القوالب نامت و الانصاص قامت

عاصم مؤكداً له :اهدي يا عم الحج و ماتقلقش بس هو يظهر او اعرف له طريق وانا هاجيبه مربط تحت رجليه

تألم الاخر و هو يحاول ان يعتدل بغضب. 

-ليىه هو صالح الغوري عويل صالح الغوري مابيستناش حد ياخدله حقه يا ابا

انتبهو جميعاً لكلمته و أتمها و هو يعتدل بمساعدة اخته زينب

ديجو بتكملة. 

-الواد ده مضروب طلقة و زمانه بقى...... و هاتلقوه مرمى في اي خرابة 

عاصم بتذكر. 

-كده صح انضرب ساعتها طلقتين واحدة منهم جت في صدرك و التانية من سلاحك اللي كنت ماسكه في ايدك

عمران بتفكير. 

-انت شوفته و هو بيضرب عليك نار يا صالح

أراح ظهره على وسادته و هو يتذكر ما حدث وقتها

بدئ ديجو يحكي لهم ما حدث وقتها بتذكر. 

-انا كنت نازل هفرقع من الغيظ ساعة ما عمي قال انه هيخدها و يمشي و كل تفكيري فيها هي و بس

خرجت من باب البيت و وقفت قصادة فتحت علبة سجايري و طلعت منها واحده لسة برفع الولاعه و باخد منها نفس لمحت بعيني العيال الَ..... دي و في حاجة غريبة بتحصل بينهم

فجأة لقيت واحد فيهم بيقول بصوت عالي. 

-الفار وقع في المصيده لفيت للناحية التانية لقيته

واقف مستخبي جنب بيت البت جميلة و في ايده مسدس

صرخت فيه و انا بسحب مسدسي من جانبي وقولتله 

الفار ده اللي بيستخبي في الحيطان يالاااا انا اهو لو راجل تعالي اضرب ياض متخافش

انتفضت اخته من جواره و هي في قمة غضبها من افعالهَم

صرخت زينب فيه. 

-و لحد امتى هتفضل كدة يا صالح تضرب و تنضرب طب المرة دي كنت هاتروح فيها من عيل مايسواش حرام عليك بقى يا اخي

ديجَو بلا مبالاة لحزنها وخوفها عليه. 

-بس يا بت بطلي هبل و لا أقوملك

عمران بصوت هادئ. 

-طب اهدو بقى كده عشان انت قبل ما تدخل العمليات الحكومه جات هنا و اتعمل محضر 

ديجو بعدم فهم. 

-حكومه ! هو في حكومه في البلد اليومين دول ما كله مشغول في الثورة يا ابا

عاصم بتركيز. 

-ما هو بسبب الثورة دي هتلاقيهم مركزين معاك خصوصا انك كنت لسه راجع من شارع..... انت و ريناد وشوفت الدنيا كانت مقلوبه هناك ازاي وكمان في طلقه خرجت من مسدسك

ديجَو بتفكير. 

-عايز تقول ايه اخلص

عاصم. 

-عايز ابعد عنك اي شبهه يا ديجو الواد ده لو كان مات يبقى هاتلبسهاولو ماظهرش له اثر 

وعرفو انك كنت هناك يبقى هتدخل في حوار تاني و يقولو انك انضربت في المظاهرات و يقولو بقى بتنزل تضرب نار على الشعب و مش بعيد تلاقي نفسك لابس قضية

تهاني بخوف عليه. 

-يا لهوي يا بني يعني تنضرب بالنار و كمان يسجنوك يا ديجو

تحدث عمران أمراً لها. 

-اكتمي يا ولية انتي خلينا نفكر صح المسدس بتاعك ده لازم يختفي يا صالح

ديجو منبهاً لأبيه. 

-بالعكس يا ابا المسدس لازم يظهر انا كنت بدافع عن نفسي، و بدليل الطلقة اللي اخدتها مش كده و لا ايه يا عاصم

عاصم معيد تفكيره. 

-لو احنا في أيام عادية كنت قولتلك ان اي محامي صغير يطلعك منها دفاع عن النفس لكن في الأيام دي ماحدش عارف حاجة خالص

ديجو وقد فاض به الكيل. 

-طب ممكن تسيبوني لوحدي بقى و تروحو كلكم

تهاني ضاربة ما قاله عبر الحائط. 

-لاء انا مش هسيبك و النبي لو حصل ايه مش هاسيبك

ديجو بتألم. 

-يوووه يا اما ابوس ايدك ماتتعبينيش خدي زينب و روحي عشان خاطري

عمران مقترحاً عليه. 

-خلاص ماتعصبش نفسك و أنت تعبان انا هاخدهم ارجعهم البيت بس عاصم هايفضل معاك 

ديجو بنفي. 

-هو انا عيل يا أبا مش هاعرف اخد بالي من نفسي

عاصم بمرح. 

-يا عم ماتقوحش بقى مافيهاش حاجة لما نقعد مع بعض و نريح دمغانا من العالم دي

تهاني بخيبة امل. 

-اه يا أخويا اقعدو مع بعض ما هو اتلم المتعوس على خايب الرجي. 

❈-❈-❈

رحلو من عنده اخيراً و تركوه بمفرده مع صديقه المشاكس و قرينه في كل الصفات

أراد الاخر ان يخرجه من شروده الحزين فقرر ان يمازحه كالعاده

عاصم بمرح. 

-بس ايه ياض اللي انا سمعته ده دا انت طلعت نمس و انا مش واخد بالي

ديجَو بمكر مستدرجه بالحديث. 

-و ايه بقى اللى انت سمعته ان شاء الله يا فريد عصرك و أوانك

انحني بجانب اذنه بمرح و همس وهو يلكزه بأصبعه في كتفه. 

-ال ايه خير اللهم اجعله خير، ال يا اخويا انت كنت ميت بقالك تلات تيام 

و مش راضي تفوق لينا، و البت ريناد تدخلك و اول ما تمسك ايدك هوب تصحي و ترجع لينا تاني

لاء و تاخد البت في حضنك كمان قدام ابوها يا جبار ههههههه

ابتسم له بتذكر. 

-موتة لما تاخدك وتريحني منك يا بعيد ههههههه، اه ريناد تصدق ياض يا عاصم اني خلاص اتعلقت بيها اوي

سحب مقعداً وجلس عليه بجواره و اراح ظهره ممدد قدمه امامه

عاصم وهو يذكره بحديثه معه. 

-و الكلام اللي قولته عليها يعني حتة انها عيلة صغيرة وانك لو كنت اتجوزت بدري شوية كنت خلفت قدها 

ديجو بألم. 

-اوف بتفكرني ليه بس بالحوار ده دلوقتي حرام عليك يا أخي، 

انا ماكنتش عايزها تخسر ميراثها من جدها التاني بسببي و كنت بحاول ابعدها عني على قد ما اقدر

عاصم بتفهم. 

-قولتلي بقى و انا اللي كنت فاكرك بتعط و خلاص اتاريك غرقان في الغرام لشوشتك هههه هات بوسة ياض. 

ديجو و هو يزجة بعيدا عنه. 

-ياه على الرخامه اوعي بقى يلااا يا لزقه انت

ليستمعوا الي دق علي باب الغرفة و يتوقفوا عن هزيهم هذا

انتفض عاصم ليفتحه و يتفاجئ بمن تقف امامه

-يا مسا الخير على معلمين الحتة سلامتك يا معلم صالح

و من تكون غيرها تلك اللعينة التي تسببت في رقدته هذه، و الأن تأتي لتتلذذ و تروي ظمأ روحها الشريرة بالنظر لرؤياه على حالته هذه

عاصم و هو ضامم حاجبيه بأستغراب. 

-جميله ايه اللي جابك هنا

زجته من كتفه و هي تدلف من جانبه الي داخل الغرفة لتقف أمام ديجو مباشرةً

-يوة جاية اعمل الواجب يا اخويا و اقول للمعلم صالح حمدلله على سلامته

التفت الاخر للجهه الاخري بغضب و تفهم ما يريده صديقه من نظرة الكره التي ألقاها بها

عاصم محاولاً زجها خارج الغرفه. 

-طب كتر خيرك يا ست جميلة بس الحقيقة المعلم صالح تعبان و الدكاترة مانعين عنه الزيارة 

جميله مشمئزة و مبتعده عنه بمصمصة شفاهها

-معلش يا اخويا هما كلمتين هاقولهم ليه و امشي علطول مانا بردو مايرضنيش تعبه

كاد ان يرد عليها ليصمته ديجو

ديجو بصوت غاضب. 

-معلش يا عاصم سيبنا لوحدنا شويه خليها تقول الكلمتين و تخلصنا

اومئ له الاخر برأسه و ترجل خارج الغرفه

جلست هي في مقابلته على نفس المقعد الذي كان يجلس عليه ابن خالته ليهتف هو بتألم أثر جرح صدره

ديجو بلهجة كارهة. 

-جايه ليه 

جميلة بشر متشافية فيه. 

-جاية افرح فيك يا معلم صالح!