قراءة نوفيلا مازال قلبي ينبض بحبك كاملة

تنشر حصريًا على مدونة رواية وحكاية قبل أي منصة أخرى

نوفيلا جديدة مازال قلبي ينبض بحبك

رواية جديدة قيد النشر

من قصص و روايات 

الكاتبة إيمي الرفاعي

الفصل الثالث والرابع

تم النشر يوم السبت

27/7/2024

الفصل الثالث 

لماذا أراك على كل شئ...كأنك فى الأرض كل البشر....كأنك درب بغير انتهاء..وإن خلقت لهذا السفر......إذا كنت أهرب منك ..إليك...فقولى بربك ..إين المفر

تململ بضيق ومازال يهاتفها دون جدوى من أجابتها اليه ليلقى بالهاتف أمامه جعل من يجلس بجانبه يرفع حاجبه متسائلا:

-.فى إيه مالك وشك مقلوب ليه

تجرع كأسه دفعه واحده وهو يزمجر بضيق:

-بتعلمنى الأدب ورافضه ترد عليه بس على مين مش هسيبها

لوى شفتيه تهكما ليمد يده ملتقطا بعض من النقانق يلوكها بسخريه:

-أنا مش عارف إنت متمسك بيها قوى كده ليه فى زيها كتير

زفر بضيق وأنفاسه تشتعل غضبا ليهز رأسه رفضا:

-استحاله أسيبها قبل ما تبقى بتاعتى دارين ده حب حياتى اتربينا سوا وكبرنا مع بعض صعب إن أتخيل حياتى من غيرها

قطب جبينه استنكارا ليبتسم بسخريه:

-الى يسمعك كده يفتكر إنك بتحبها بجد آمال بتعرف عليها بنات ليه لو بتحبها بصحيح كنت تبقى مخلص ليها

هز رأسه نفيا ملتقطا هاتفه مره أخرى ليردف:

 بحبها طبعا بس ده ما يمنعش إن أدلع نفسى شويه

صدحت ضحكه من يجاوره ليغمز له بوقاحه:

-وأنت أستاذ فى الدلع

حاول مره تانيه ولكن دون جدوى ليلمح من بعيد من يتحرك حول الموائد حاملا بيده صنيه بها أكواب من المشروبات ضيق عينيه ليتمتم متسائلا:

-هو مش الى هناك ده الواد الى معانا في الكليه

اومأ برأسه دون أن ينظر متناولا إحدى الشطائر ليستطرد:

-ايوه هو ما أنا نسيت أقول لك أنه بيشتغل هنا

ابتسم بسخريه لتشتعل عينيه بنظره ماكره قائلا:

-ينفع حاجه زى ده تتنسى كان لازم تقول ليه علشان أوجب معاه

ليشير لمن يقف فى نهايه الكافيه يتابع عمل العاملين في المكان حتى قدم اليه بابتسامه عمليه مردفا:

-تحت أمرك يا فندم

ابتسم نصف ابتسامه خبيثه ليشير بعينيه لمن يتنقل بين الموائد قائلا:

-شايف الشاب الى هناك ده عايزه هو الى يبقى مسؤول عن طلبتنا انهارده

اومأ برأسه احتراما ليستقيم فى وقفته قائلا:

-تحت أمرك يا فندم

ليبتعد بخطى ثابته الى من يحمل الكؤوس الفارغه مناديا عليه بعمليه:

-فارس

ألتفت إليه قائلا بتهذيب:

-نعم ،حضرتك

إلتفت بنصف جسده مشيرا لإحدى الموائد البعيدة مستطردا:

-شايف التربيزه الى هناك ده إنت الى مسؤول عنها انهارده عايزهم ينبسطوا منك

اومأ برأسه احتراما ليشير لأحد العاملين معه مادا يده إليه بصنيه الأكواب كى يتجه لما أشار إليه مديره قائلا بجديه:

-ماتقلقش يا فندم عن اذنك

ضرب تامر  كفيه  بمرح متمتما بسخريه بعد ما فعله صديقه:

-شكلها هتحلو وهنتبسط

عند اقترابه هدر الى مسامعه من يتحدث من خلال هاتفه قائلا بحميميه:

-ديرى وحشتينى كده أهون عليك ،أنا تعبان ومش عارف أعمل أى حاجه فى حياتى طول ما إنت زعلانه منى ،لو لي خاطر عندك تسامحينى ده أنا ميزو حبيبك،لو سامحتينى بجد تعالى أنا والشله مستنينك نسهر سوا مش هأخرك يا روحى بليز،أوك وأنا فى انتظارك

بلع ريقه ضيقا عندما لاح إليه وجه زملائه في الجامعه ليبتسم بعمليه متقدما نحوهم :

-مساء الخير تحبوا تشربوا إيه

رفع عينيه ليطالعه بخبث صامتا قليلا وهو يحك ذقنه قائلا بعد تفكير مع ابتسامه ساخره:

-عايزينك تظبطنا انهارده حاجه حلوه على ذوقك أصل أنا مبسوط وعايز انبسط أكتر

بادله ابتسامه مصطنعه قائلا:

-تشربوا حاجه معينه ولا أى حاجه

مط شفتيه بتفكير ليشير لاصدقائه مردفا بخبث بعد أن اشار إليه بالاقتراب:

-عايزين كام ازازه تدلعنا بس من غير ماحد ياخد باله أصل صاحبتى بتزعل قوى لما بتشوفنى بشرب وأنا ما بحبش أزعلها

اعتدل في وقفته ليلتقط أنفاسه الغاضبه راسما على وجه ابتسامه صفراء:

-اسف مابقدمش النوعيه ده من المشروبات لو حابب أطلب من حد غيرى

قطب جبينه استنكارا ليضغط على أسنانه غضبا:

-وأنا مش عايز حد غيرك الى يجيب ليه الى أنا عايزه

ارتد قليلا الى الوراء واضعا يديه بجانبه ليهز رأسه أسفا:

-اسف يا فندم تؤمر بحاجه تانيه

استشاط غضبا ليهدر صوته عاليا:

-وأنا قلت ما حدش هيشوف طلباتى غيرك

لاحظ المدير تصاعد الموقف ليتقدم بخطى ثابته مع ابتسامه عمليه قائلا:

-فى حاجه يا فندم

ألتفت إليه والغضب يملأ قسمات وجهه قائلا وهو يشير لمن يقف ببرود غير عابئ بغضبه:

-الأستاذ بطلب منه يشوف طلبتنا بيرفض ويقول إنه مش هيقدر هو مش عارف هو بيتعامل مع مين أنا اشتريكم واشترى المكان بالى فيه

جز على اسنانه ضيقا لينظر لمن يدنو برأسه متسائلا:

-مزعل الباشا ليه يا فارس

أخذ نفسا عميقا ليذفره بهدوء  وهو يضغط على أسنانه:

-يا فندم أنا بقول ليه مش هقدر أقدم المشروبات الى هو طالبها أى حاجه تانيه ماعنديش مشكله بس هو اتعصب مش فاهم ليه

انحنى باحترام ليبتسم ابتسامه لم تتعدى عينيه قائلا:

-خلاص يا فندم ماتعصبش نفسك هخلى حد تانى يشوف طلباتك المهم عندنا إنك ماتتضايقش

هز رأسه رفضا ليطالع من ينظر إليه بجمود قائلا:

-وأنا قلت ماحدش هيخدمنى غيره 

قطب جبين من يطالع عنجهيته ليتمتم بضيق:

-.يا فندم 

وقبل أن يسترسل فى حديثه أشار إليه مديره قائلا بصرامه:

-فارس اتفضل استنانى جوه

كور قبضته بغضب ليستدير دالفا الى الداخل  يبرطم بضيق وغضب ،إلتف نحو من يتابع ما يحدث بعد أن هدأت قسماته وجهه يريح جسده للوراء واضعا ساقا فوق الأخرى ليردف الاخر بابتسامه عمليه:

-ماتضايقش نفسك يا فندم كل الى عايزه هيتم

رفع حاجبه استهزاءا ليمط شفتيه قائلا بوقاحه:

-لما نشوف

اومأ برأسه تحيه ليستدير بعد أن أهداهم ابتسامه عمليه دالفا لمن يستشيط غضبا على ما حدث منذ قليل توقف بخطواته امام  من يجز فوق أسنانه بضيق ليشوح بيده أمام وجه غضبا يهدر صوته بانفعال:

 -ممكن تفهمنى ايه الى حصل بره ده أنا مش منبه إن طلبات الزباين أوامر وده مش أى زبون ده واحد يشترينى ويشتريك بفلوس أبوه وبما أنه طلب حاجه تتنفذ علطول

ضغط علي اسنانه جازا عليها كى لايتهور ويتلفظ بأشياء يندم عليها لاحقا قائلا:

-يا فندم بيطلب منى أقدم مشروبات أنا رافضها وماأقدرش أستحمل وزرها

قطب جبينه استهجانا ليصيح بغضب:

-.مش مشكلتى أرائك وأفكارك ده تبقى بره الكافيه أما هنا تمشى زى ما أنا عايز والكلام الى أقوله يتنفذ أتفضل شوف هما عايزين إيه ونفذه

كتف ذراعيه حول صدره ليهز رأسه رفضا:

-آسف يا فندم مش هقدر أنا متفق مع حضرتك من الأول ولو فى اعتراض أنا ممكن أقدم استقالتى

رفع حاجبه واضعا إحدى يديه فى جيب بنطاله يبتسم بتهكم قائلا:

-وماله بس قبل ما تقدم استقالتك ادفع وصل الامانه الى عليك على ما أظن إنك كنت ناسيه

فتك الضيق بصدره ليشحب وجه عند تذكره وصل الامانه الذى أجبر عليه من قبل صاحب الكافيه كتأمين وحمايه من السرقات والتلفيات ليلتقط أنفاسه الغاضبه قائلا وهو يجز علي أسنانه بضيق:

-بس يا فندم ده اسمه ابتزاز وصل الامانه أنا مضيت عليه بحسن نية وحمايه للمكان بس ماكنتش متخيل إن حضرتك هتستخدمه للضغط عليه

هز كتفيه بلا مبالاه ليتشدق بسخريه:

-والله أفهمها زى ما إنت عايز المهم دلوقت الشغل  يمشى زى ما أنا عايز

لتهدأ نبرته المعنفه قائلا بود مصطنع:

-بص يا فارس إنت زى ابنى وأنا ما أرضاش ليك الضرر الولد الى بره ده لو حطك فى دماغه هيتعبك وأنت شاب غلبان وفى أول حياتك ومحتاج كل مليم علشان أهلك ودراستك يبقى عديها ونفذ إلى هو عايزه وأنا أوعدك بعد كده مش هخليك تطلع تقدم  إلا  إنت عايزه،اتفقنا يالا مش عايزينه ينتظرنا أكتر من كده

جز على اسنانه ضيقا ليطالع من يبتسم له بسماجه مشيرا لأحد العاملين بتحضير متطلبات هذه المائده كى يقدمها فارس إليهم،ربت صديقه على كتفه بايماءه تشجيعيه ليغمض عينيه بضيق ويجذبها منه ملتقطا أنفاسه الغاضبه متجها إلى الخارج وبرغم النيران المشتعله ضيقا بصدره إلا أنه اضطر أن يرسم ابتسامه مصطنعه مرددا بداخله بتشجيع:

-اهدى يافارس،ولا كأن حاجه حصلت ياما دقت على الرأس طبول

تقدم بخطى ثابته غير منتبه لمن مد قدمه بخبث جعله يتعثر ويسقط على الأرض محدثا صوتا عاليا نتيجه ارتطام ماكان يحمله من أكواب زجاجيه لتتهشم جميعها،انطلقت الضحكات المكتومه من حوله ليتمتم بسخريه وهو يعتدل فى جلسته:

-سورى يا مان ماكانش قصدى

اعتدل في سقطته ليجز على أسنانه وترتفع أنفاسه الغاضبه محاولا الوقوف لحفظ ماء وجه من سخريه المحيطين به وعند اعتداله وحمل ما سقط منه دنى من يرمقه بتهكم  وعينيه تملأها الشماته ليبتسم ابتسامه ساخره وصوت هامس:

-.ده كانت قرصه ودن علشان عنيك ماتترفعش على حاجه مش بتاعتك تانى

ليربت علي كتفه بسخريه كأنه ينفضهم من الغبار ليشتعل غضبا دافعا يده وهو يرمقه باشمئزاز معتدلا في وقفته ليهرول إلى الداخل  يبرطم ويسب فقره وقله حيلته للرضوخ لهذه الاهانه وعدم قدرته على ردها والدفاع عن كرامته لترتفع الضحكات بعد ابتعاده مستحسنين  تصرفات صديقهم الهوجاء غير مبالين بجرحهم انسان مثلهم له مشاعر وأحاسيس كأن قلوبهم طمست بالجبروت والظلم مستغلين مناصب وأموال عائلتهم لدعس من هم أقل منهم مستوى

.....بينما بالخارج تقدمت بتأفأف لترمق من تجاورها بضيق:

-.أنا وافقت إن أجى علشان خاطرك بس انا ماكنتش عايزه أحضر ولا أشوف حد

جعدت ملامحها بطريقه طفوليه مبتسمه:

-.خلاص بقى يا دارين ده خامس مره تقولى نفس الكلام،أعمل إيه ماصدقت إن مازن كلمك علشان تسهرى معاهم فحبيت أجى معاك وخاصه إن تامر موجود وأنت عارفه أنا بكون مبسوطه قد إيه وأنا معاه  

زفرت بضيق لتهز كتفيها بلا مبالاه:

-وأنا مالى هو علشان تشوفى سى تامر بتاعك أدبس وأسهر معاكم وأنت عارفه من اخر موقف بينى وبين مازن وأنا مابقتش طايقاه

رفعت يدها أمام وجهها برجاء:

 -خلاص يا ديرى علشان خاطرى عديها عايزين نتبسط انا ماصدقت إن بابا سافر وعرفت أخرج

مطت شفتيها ضيقا لتتقدم معها إلى الداخل وعينيها تتلفت حولها بحثا عن أحد ما ضيقت صديقتها حاجبيها استغرابا  متسائله:

-بتدورى على مين

هزت رأسها نفيا لتسرع فى خطاها كى لاتثير انتباهها:

-أنا بتفرج علي المكان أصل الديكور شكله لذيذ بقول لك اسبقينى وأنا هحصلك هدخل التويلت أظبط مكياجى

اومأت برأسها لتلتفت بحثا عن مائده أصدقائهم قائله:

-أوك ما تتأخريش

انتظرت ابتعادها لتستدير متجه إلى الاتجاه الآخر الخاص بالعاملين إلتقت بأحد منهم لترسم ابتسامه ناعمه متسائله:

-لو سمحت هو فارس موجود

اومأ برأسه احتراما:

-اه يا فندم تحبى أندهه ليك

ابتسمت بترحيب لاقتراحه قائله بلهفه:

-ياريت لو سمحت

بالداخل 

يذرع غرفته وهو يكتم صرخته وأهاته عبراته ترسم خطوط غائره  فوق وجنتيه بأسى شعور مضنى لعدم رد الاساءه جعله في حاله يذرى لها أنفاسه تتلاحق بسرعه يشعر بنيران تحرق صدره،دلف أحد العاملين ليتفاجأ بهيئته المذريه ليقطع المسافه بينهم محاوط كتفيه بتساؤل:

-فارس مالك إيه الى حصل

ضغط علي جفونه كى يمنع عبراته فى الانهيار ليهز رأسه بنبره متحشرجه قائلا:

-مافيش يا سيد ،بس مضايق شويه ،كنت عايز حاجه

ربت علي كتفه بتشجيع ليهديه ابتسامه :

-ماتزعلش نفسك على الى حصل أرمى كل حاجه ورا ضهرك ياما هتقابل مش كل موقف هتضايق خليك زى بارد مافيش حاجه تأثر فيك،إحنا غلابه ومحتاجين كل قرش ومانقدرش نقف فى وش ناس زى ده أنا عارف إنك متأثر بس علشان إنت لسه فى الأول بعد كده جسمك هيتنح وهيتعود على الصدمات زى كده

هز رأسه بسخريه ليستطرد بضيق:

-إنت مالك فرحان بنفسك قوى كده ليه انا ماأقدرش أتحمل الاهانه واسكت عليها

نبتت ابتسامه فاتره على ثغره ليردف قائلا بنبره تحمل في طياتها القهر:

-لازم أفرح بنفسى وأبلع كل حاجه علشان انا محتاج كل مليم من غير كده مش هقدر أعيش وأصرف على كوم اللحم الى عندى،.بكره تتعود،.فوق كده واغسل وشك وماتزعلش ياسيدى هتحجج للمدير بأنك تعبان وهكمل خدمتهم بدالك،.المهم قبل ما أنسى فى مزه بره كانت عايزاك

قطب جبينه متسائلا:

-مين ده

هز كتفيه قبل أن يمضى الى الخارج وهو يلوح له برؤيتها:

-معرفش بس هى واقفه بره مستنياك

زفر بضيق بعد ابتعاده ليفرك وجه يستعيد رباطه جأشه متجها إلى الخارج لمعرفه من يسأل عنه،تفاجأ بمن تقف متأمله  شئ مابهاتفها حتى وقف أمامها قائلا بنبره جافه:

-خير يا انسه دارين

قطب جبينها استنكارا لتطلق ضحكه خافته:

-ايه يا فارس إحنا مش شيلنا التكليف الى بينا وبعدين إنت ناسى إنك استاذى وأنا تلميذتك

ظل على تجهمه مرددا ببرود:

-لا ازاى هى العين تعلى على الحاجب،حضرتك محتاجه حاجه لأن مش فاضى وعندى شغل

مطت شفتيها حرجا لتبتسم ابتسامه متوتره قائله:

-لا أنا كنت عايزه أسلم عليك وأسألك مستعد لامتحان اخر الاسبوع

سحب نفسا طويلا ليذفره بضيق مما حدث له مردفا بجفاء:

-الله يسلمك واه مستعد فى حاجه تانى 

اضطربت قسماتها من جفاء نبرته لتمتم بتساؤل:

-هو إنت زعلان منى فى حاجه

تأفأف بضيق ليحول بصره وهو يفرك يديه محاولا إنهاء هذا اللقاء قائلا ببرود:

-هو فى حاجه بينى وبينك علشان نزعل من بعض لو سمحت يا انسه انا مش فاضى وعندى شغل عن اذنك

ليوليها ظهره متجها إلى الداخل تاركا وراءه من اكتسى الحزن ملامحها متعجبه من جفائه وبروده في الحديث أفاقت من شرودها على تلويح أصدقائها لها لتتقدم إليهم بملامح باهته ليتقدم من ابتسم عند رؤيتها ملتقفا إياها بين أحضانه قائلا:

-وحشتينى يا ديرى اتأخرتى ليه

ارتدت الى الوراء وهى تبتسم ابتسامة مهزوزه بعد أن سحب يدها لتجلس بجانبه قائله:

-كنت فى الحمام

اعتدل في جلسته ليقابلها ملتقطا احدى يديها بحب واليد الاخرى يمسد بها فوق خصلات شعرها الحريريه:

-وحشتينى كده أهون عليك الخصام والبعد ده كله ده أنا ميزو حبيبك 

أبعدت يده بجفاء لتبتعد قليلا من اقترابه متمتمه:

-خلاص يا مازن ممكن مانتكلمش فى الموضوع ده تانى

اومأ برأسه بفرحه يرفع يدها إلى ثغره وهو مبتسم:

-عندك حق وأنا خلاص عند وعدى ومش هعمل حاجه تانيه تزعلك،تعالى نرقص

هزت رأسها رفضا لتتحجج بارهاقها قائله بهدوء:

-لا مش قادره خليها مره تانيه 

لم يدعها ترفض ليصر على رأيه ساحبا يدها وهو يبتسم:

-تعالى بس وأنا هفرفشك

تحت اصراره اضطرت مجاراته  لتنهض متجه معه الى ساحه الرقص وعينيها تتلفت حولها بحثا عن من أحزن قلبها من غير سبب

.........من بعيد يتابع مايحدث ليشعر بغصه فى قلبه تحرق روحه يستدير مسرعا إلى الداخل وكله إصرار بلفظها من حياته كى يستطيع المضى بسلام بعيدا عن الأحزان والآلام التى سترهق قلبه من هذا الحب السام

.❈-❈-❈

يتبع